Mission Start Ab

முதல் சவாலாக, நிறுவனர்கள், தனித்துவமான குறை காண்போர் படை ஒன்றை எதிர்கொள்வர். இந்த குற்றம் காண்போரை தங்கள் தொலைநோக்கு பார்வையாலும் வணிகத் திறமையாலும் அசைக்க முடியுமா?

ஒரு பரபரப்பான சவாலுக்குத் தயாராகுங்கள்: நிறுவனர்கள், முன்னணி முதலீட்டு நிதித் தலைவரிடம் ப்ராண்ட் கூட்டணியின் நன்மைகளை வற்புறுத்தி முன்வைக்கின்றனர். ஆனால், இங்குதான் ஒரு திருப்பம் - அது தடைகளை ஒரு நிர்ணயித்த காலவரையறையில் கடக்கும் ஒரு களம். அவர்கள், தடைகளையும் மீறி, இந்த வாய்ப்பைப் பயன்படுத்திக் கொள்வார்களா?

நிறுவனர்கள் நேருக்கு நேர் மோதும் ஒரு சாகசம் மிக்க கொண்டாட்டம்! சிறப்புச் செயல்கள், விருந்துகள், போட்டிக் கூக்குரல்களுக்கு இடையே, அவர்கள் தம் ப்ராண்டை நிலை நிறுத்த போராடுகின்றனர். கவனம் ஈர்க்கும் வேட்கையில் ஒரு சூறாவளியாகக் கவனச்சிதறல்கள்!

இந்த உணர்ச்சிப்பூர்வமான சவாலில், நிறுவனர்கள், தம் பலம், பலவீனங்கள், மற்றும் பாதிப்புகளில் மூழ்கிவிடுகிறார்கள். தன்னுணர்வும், அணி உத்வேக ஆற்றலும், தொழில் முனைவோரின் ரோலர் கோஸ்டர் பயணத்தில் முக்கியமானவை. யாரிடம் முதலீடு செய்வது என்னும் முடிவை மேற்கொள்ளும் முன், நிறுவனர்களது அடி நாதத்தை வெளிக்கொணர்வதே முதலீட்டாளர்கள் இலக்கு.

நிறுவனர்கள், தங்களது தொடர்புகளைப் பயன்படுத்தி, குறிப்புகளைத் துரத்தி, துப்புகளைப் பின்தொடர்ந்து, தங்களது பிரபல இலக்கான ரோஹித் ஷெட்டியை அடைகின்றனர். அவர்களால் அவரை நோக்கிச் செல்ல முடியுமா, அப்படிச் சென்றாலும், அவர்களின் திட்டம் அவரை கவருமா?

இறுதியான சவாலாக, நிறுவனர்கள், இதுவரையிலான ஆகக் கடினமான சவாலை எதிர்கொள்கின்றனர்: அது அவர்களின் ஆர்வத்தையும் கலாச்சாரத்தையும் உள்ளடக்கிய ஒரு கனவுக் குழுவை உருவாக்குவது. அவர்களால் உயர் தரப்பு பணியமர்த்தும் ஆட்டத்தை வென்று, தம் புதிய நிறுவனத்தின் குறிக்கோளுடன் ஒத்து, உன்னத நிறுவனத் தலைவர்கள் மூவரில் ஒருவரைப் போட்டியாளர்களால் கவர முடியுமா?

குறிக்கோள்கள் செம்மைப் படுத்தப் பட்ட பின், தரவுகள் ஆயப்பட்ட பின், திறன்கள் பரிசோதிக்கப்பட்ட பின், முதலீட்டுக்கான பேச்சு வார்த்தைகளுக்கான மேடை உருவாகிவிட்டது. நிறுவனர்களும், முதலீட்டாளர்களும் தங்கள் பேச்சுவார்த்தைக்கான முழுமைத் திட்டத்தை வடிவமைக்கையில், கண்கூடான பதற்றம் நிறைந்த சூழல் புலப்படுகிறது.