కాస్మిక్ లవ్

నలుగురు వధూవరులు కాస్మిక్ కాంపౌండ్‌కు వచ్చి, అర్హులైన ఒంటరి వారిని కలుస్తారు. వాళ్ల సరిజోడిలను వెల్లడించక ముందే ప్రతి ఒక్కరు మొదటి డేట్‌కు వెళతారు; కొందరు జ్యోతిశ్శాస్త్ర సలహాను అనుసరిస్తారు. మరి కొందరు పాత అలవాట్లు మొదలుపెడతారు. గొడవలు మొదలవుతాయి. వధూవరులకు తమ మొదటి సంబంధం వెల్లడించాక వారి సంబంధాలు పరీక్షించబడతాయి.

సమూహ కార్యకలాపంలో వధూవరులు కొత్త బంధాలను ఏర్పరచుకోవడం వల్ల పరిస్థితులు గందరగోళంగా మారుతాయి. ఆస్ట్రో ఛాంబర్ సలహాను అనుసరించడానికి మరియా ఇబ్బంది పడుతుంది. ఈ ప్రయోగం యొక్క ఒత్తిడి అగ్నిమాపక ఉద్యోగి కానర్‌పై మొదలవుతుంది. వధూవరులందరికీ మరొక సంబంధం దొరుకుతుంది. బీచ్ పార్టీలో ఫీబీ తనను తప్పుదారి పట్టించారని చెప్పడంతో కోపతాపాలు చెలరేగుతాయి.

ఒకవైపు ఆస్ట్రో ఛాంబర్ మార్గదర్శకాలను అందిస్తుండగా, మరోవైపు కాంపౌండ్‌లోని వధూవరులు తమ సంబంధాల గురించి పునరాలోచిస్తారు. నోయల్ తన సంబంధాల సమతుల్యతకు పాటుపడతాడు. ఫీబీ కనీసం ఒకరి కోసం వెతుకుతుంది. మరియాకు కలత పెట్టే వార్త తెలుస్తుంది. కానీ ఒక ఊహించని సంబంధాన్ని వెల్లడించడంతో ఆమె ఆశ్చర్యపోతుంది, తిరిగి పుంజుకుంటుంది.

ఫీబీ కొన్ని కఠినమైన నిజాలు బయట పెట్టడంతో అది ఫిల్‌తో ఘర్షణకు దారి తీస్తుంది. అదే సమయంలో మరియా జోడి తన దృష్టిని ఆకర్షించే ప్రయత్నం చేస్తాడు. అలా ఉద్రిక్తతలు కొనసాగుతుండగానే వధూవరుల నాలుగవ, చివరి జోడిలను వెల్లడిస్తారు. కాస్మిక్ కాంపౌండ్‌లో తమ జోడిల గురించి అందరూ సంతోషంగా ఉండరు, ముఖ్యంగా క్రిస్ ఆర్.

ఇప్పుడు వధూవరులకు వారి నాలుగు జోడిలు తెలిసినందున, గ్రూప్ డేట్‌లో వాళ్ళను ఇంకా బాగా తెలుసుకునే అవకాశం దొరుకుతుంది. ప్రణయానికి తాను మళ్ళీ సిద్ధమని ఫీబీ తన జోడిలకు చెబుతుంది. ఇంతలో ఆస్ట్రో ఛాంబర్ వధూవరులకు దిమ్మతిరిగిపోయే విషయం చెబుతుంది.

మరియా ఒక నిర్ణయం తీసుకోవడంతో కాంపౌండ్ మొత్తం ఆశ్చర్యానికి గురవుతుంది. నోయెల్, మరియాలు తమ సంబంధాలను పైస్థాయికి తీసుకువెళ్తారు. కానర్ మొదటి గేర్‌లోనే ఉండిపోతాడు. ఒక సమూహ కార్యకలాపం ఆశ్చర్యకరమైన భావోద్వేగాలకు గురి చేస్తుంది. ఫీబీ చివరి ప్రయత్నంగా ఆస్ట్రో ఛాంబర్ సలహాను స్వీకరించే ప్రయత్నం చేస్తుంది, కానీ తనను తప్పుదారి పట్టించిన విషయం తెలుసుకోలేకపోతుంది.

వధూవరులు తాము ఏ జోడితో నిశ్చితార్థం చేసుకోవాలో నిర్ణయించుకునే సమయం ఆసన్నమైంది, కానీ ముందుగా వాళ్ళు ఆస్ట్రో ఛాంబర్‌లో కొత్త వ్యక్తిని చూసి ఆశ్చర్యపోయారు. ప్రతిపాదనలు ముంచుకొస్తున్న కొద్దీ, నోయెల్ సరికొత్త జోడితో అతని అనుబంధం పెరుగుతూనే ఉంటుంది. మరియా తన ఎంపికలను పరిగణలోకి తీసుకుంటుంది. కానర్ తన అతిపెద్ద భయాన్ని ఎదుర్కొంటాడు... అతి పెద్ద నిర్ణయం తీసుకోవాలా?

చివరి ప్రతిపాదనలతో నాటకీయత మరింతగా పెరుగుతుంది. అప్పుడు మిగతా వధూవరులు తమ కాబోయే వారు తమతో ఉండడానికి సహాయం చేస్తారు. కొత్త మోజు తగ్గగానే, వధూవరులకు వాస్తవం తెలియ వస్తుంది. వాళ్లు తమకు ఎంత బాగా తెలుసు, ఆ సంబంధంలో తమకు కావాల్సింది ఏంటి?

పెళ్లిళ్లు దగ్గరపడుతుండడంతో, వధూవరులు, వారి కాబోయే వారు ఒకరి తల్లిదండ్రులను మరొకరు కలవాలి. మొదటి చూపులోనే ఎలా ఆకట్టుకోవాలో ఆస్ట్రో ఛాంబర్ వారికి చెబుతుంది, కానీ తాము పెళ్లికి సిద్ధంగా ఉన్నామని వారి భావి అత్తమామలను ఒప్పించేందుకు జ్యోతిషం సరిపోతుందా? చివరి గంటలో, కానర్ నిర్ణయం తీసుకోవాల్సి ఉంటుంది.

మిగిలిన జంటలు తమ పెళ్ళి బట్టల కోసం షాపింగ్ చేయడానికి కాంపౌండ్‌ను విడిచి వెళ్ళి, బ్యాచిలర్, బ్యాచిలొరెట్ పార్టీలలో విచ్చలవిడిగా ప్రవర్తిస్తారు. నిశ్చితార్థం చేసుకున్న వారిలో చాలా మందికి చివరి క్షణంలో అనుమానాలు మొదలవుతాయి, ఎందుకంటే అసలు సంగతి ముందుందని వాళ్ళు గ్రహిస్తారు. అప్పుడు, పెళ్లి పీటల దగ్గర అన్ని జంటలు కాస్మిక్ లవ్‌ను స్వీకరించి "సమ్మతమే" అంటారా లేక వారి ప్రణయ విధి నుండి దూరంగా వెళతారా?