Miskina, Ang Mahirap

Gagawin ni Fara, na napapaligiran ng mga kaibigan at pamilya n'ya, ang makakaya n'ya para i-organize ang kasal ng kapatid n'yang si Safia kay Maxime. Samantala, ayaw ng lola nilang si Rania na umalis sa kusina para sumama sa pagdaraos. Handa si Fara na gawin ang kahit ano para maiwasan ang drama sa pamilya.

Bagama't buo nang tinanggap ni Maxime ang bago n'yang espiritwal na landas magmula noong kasal, galit na galit si Safia sa kapatid n'ya. Alam ni Fara na dapat n'yang ayusin ang gulong nagawa n'ya kung gusto n'yang makabalik sa tahanan ng pamilya n'ya. Pero baka masyado itong mahirap para kanyang harapin, lalo na sa gitna ng Ramadan, na pinagpasyahan n'yang gunitain nang wasto kahit minsan lang.

Nagiging seryoso sina Nassim at Cherifa, na ikinakaselos ni Fara. Hihimukin s'ya ni Mariam na aminin kay Nassim ang nararamdaman dahil baka mawalan pa s'ya ng tsansa. Pero kailangan n'ya munang samahan si Damien sa junkyard para kunin ang kung ano man ang natira pa sa food truck n'ya.

Nag-aatubili si Fara na samahan ang mga kaibigan n'ya sa laban ng France at Algeria sa gabi. Naaalala n'ya sa event kung paano nakilala ng nanay n'yang si Najet, na ipapakita bilang dalaga noong 1975, ang tatay n'yang si Kader. Pagkakataon itong ungkatin ang nakaraan at mas maunawaan kung ano ang mali sa kasalukuyan.

Sa gitna ng gabi, matutuklasan ni Damien si Rania na nakahiga sa sahig ng kusina. Ang pagdalaw ng lahat sa kanya habang nasa ospital s'ya ay naging pagkakataon para sa kanila na magkaunawaan na. Para kay Fara, ito ang sandali ng katotohanan na magbubunsod sa kanyang hanapin ang napalayo n'yang ama.

Sina Fara at Safia ay nasa Oran, nang may dalawang araw para maghanap ng kapalit ng tradisyonal na dish ni Rania para sa paggawa ng tinapay. Gagamitin ni Fara ang panahong ito para mas makilala ang pamilya n'yang Algerian at ang bansa, na ikaiirita ni Safia, na hindi na makahintay na lumipad pabalik. Pero magbabago ang mga bagay nang makilala nila si Aris, na magiging local guide nila.

Nakumbinsi ni Safia si Fara na bumyahe sa region ng Kabylia kasama si Aris, na mangangakong doon sila makakakita ng baking dish na kagaya ng kay Rania. Kahit nakakabighani ang mga tanawin. Naiinis si Safia sa guide nilang Kabyle. Pero ano ba eksakto ang balak n'ya para sa magkapatid?

Kawawa na ang kalagayan nina Fara at Safia paglapag nila sa France at mahaharap sila kaagad sa burol ni Rania. Nagtitipon ang buong pamilya sa bahay sa Alaoui, kung saan mapapagitna sa lahat ng gulo si Fara. Bilang paggalang sa lola n'ya, kakailanganin n'yang manguna sa unang pagkakataon sa buhay n'ya.