"ద క్యాండిడేట్" నేటి మెక్సికో సిటీలోని గూఢచర్యం, రాజకీయాలు, నేరాల మధ్య జరిగే సంఘర్షణకు అద్దం పడుతుంది. ఇద్దరు సి.ఐ.ఏ. ఏజెంట్లు మెక్సికోకి చెందిన క్రూరమైన డ్రగ్ డాన్‌ని పట్టుకోవటానికి అండర్ కవర్‌లో పని చేస్తుంటారు, ఆ ప్రయత్నంలో వాళ్ళు సంభ్రమాశ్చర్యం కలిగించేలా ఆ దేశపు అత్యున్నత స్థాయి రాజకీయ నాయకుల చీకటి రహస్యాలను వెలికితీస్తారు.

మెక్సికో నగరంలో ఇవాళ గూఢచర్యం, నేరాలు, రాజకీయాల మధ్య ఘర్షణ జరుగుతోంది. తెలివైనవాడేగానీ, స్వీయవినాశక ధోరణికల ఒక సీఐఏ అధికారి, అతని కింద ఉద్యోగి, అమెరికా జాతీయురాలైన మెక్సికన్ యువతి, స్ఫూర్తిమంతమైన నిష్కళంక నగర మేయర్ అధికారంకోసం పెనుగులాడుతుంటారు. మరోవైపు ప్రపంచంలోనే పేరుమోసిన మాదకద్రవ్య ముఠా నగరంలో పాగా వేస్తుంటుంది.

ఇటీవలి రక్తపాతానికి బాధ్యులైనవారిని పట్టుకోవటంకోసం మెక్సికో-అమెరికాలు సంయుక్తంగా నిర్వహించే ఏకీకృత కేంద్రంలో కలిసి వేన్ పనిచేస్తుంటాడు. రాయబార కార్యాలయంలోనే ఉండాలన్న ఆదేశాలను పక్కనపెట్టి గెరేరో ముఠా ఆచూకీ పసిగట్టటంకోసం ఇసా ప్రయత్నిస్తుంది. అటు మాదకద్రవ్యాల పరిశోధనలపై పట్టుకోసం లాలో తన వృత్తిని పణంగా పెట్టి మెక్సికో అధ్యక్షుడితో పోరాడుతుంటాడు.

ఆ ముఠాతో సంబంధాలు ఉన్న ఓ వ్యక్తిని ఇసా తనకింద నియమించుకుంటుంది, అయితే ఈ క్రమంలో నైతిక విలువలను పక్కన పెడుతుంది. వేన్ గతం తెలిసిన ఒక పాత వ్యక్తి రావటంతో అతనికి పాత అప్రియమైన, హింసాత్మకమైన జ్ఞాపకాలు గుర్తుకు వస్తాయి. లాలో తన భార్యతో సంబంధాన్ని పణంగా పెట్టిమరీ ధనం, అధికారంగల కుటుంబాల పిల్లలు నిందితులుగా ఉన్న ఒక రేప్ కేసు విచారణ చేపడతాడు. మరోవైపు నగరంకోసం బౌటిస్టా చేపట్టిన ప్రణాళికలో స్పష్టత వస్తుంది.

వేన్, ఇసా, పమేలా ఒక ప్రమాదకరమైన సాహసానికి దిగుతారు. గెరేరో ముఠాలోకి చొరబడేందుకుగానూ ఒక అవినీతి బ్యాంకర్‌ను ముఠాలోకి పంపిస్తారు. ఒక కళా ప్రదర్శన కోసం పనిచేస్తుండగా లాలో, ఇసా మధ్య అనుబంధం ఏర్పడుతుంటుంది. కానీ వారి గతం కారణంగా స్నేహానికి ఆటంకాలు ఏర్పడుతుంటాయి. అటు బౌటిస్టాకు చెందిన కిరాయి హంతకులు జరిపిన ఒక రహస్య ఆపరేషన్‌తో నగరంలో భయంకరమైన పరిణామాలు చోటుచేసుకుంటాయి.

బందీలను కాపాడటంకోసం వేన్, ఇసా, రొమేరో తీవ్రంగా ప్రయత్నిస్తుంటారు. లాలో, అతని పోలీస్ బలగాలుకూడా ప్రయత్నిస్తున్నప్పటికీ లాలో లక్ష్యం వేరుగా ఉంది. అటు బౌటిస్టా తన కిరాయి రౌడీలతో ఒక రహస్య పథకాన్ని అమలు చేస్తాడు. చివరికి బౌటిస్టా నగరాన్ని చేజిక్కించుకోటానికి ఎందుకు ప్రయత్నిస్తున్నాడనేది వేన్‌కు, ఇసాకు అర్థమవుతుంది.

గత ఎపిసోడ్‌లో జరిగిన పరిణామాలతో లాలో కలవరపడుతూ ఉంటాడు. అతను ఇసాను నగరం వెలుపల తమ కుటుంబానికి ఉన్న ఎస్టేట్‌కు తీసుకెళతాడు. అక్కడ లాలోకు సంబంధించిన ఒక పెద్ద రహస్యాన్ని ఇసా తెలుసుకుంటుంది. మరోవైపు, వేన్ బౌటిస్టా యొక్క బలహీనతను తెలుసుకుంటాడు. దానిద్వారా అతని వ్యాపారాలను కనిపెట్టటానికి వల వేస్తాడు. అటు బౌటిస్టాకూడా తమ శైలిలో ఒక ఉచ్చును తయారు చేస్తుంటాడు.

ఇటీవల జరిగిన రక్తపాతం నేపథ్యంలో ఇసా వేన్‌ నుంచి విడిపోతుంది. వృత్తిపరంగా, వ్యక్తిగతంగాకూడా ఆమె ప్రమాదకరమైన పనులు చేస్తుంటుంది. వేన్ గతానికి సంబంధించిన ఓ వ్యక్తిని కలుస్తాడు. బౌటిస్టాపై తన ద్వేషానికి కారణం వెనక విషాద మూలాలున్నాయని అతని గతంద్వారా తెలుస్తుంది. బౌటిస్టా గెరేరో కొండలపైకి ఆధ్యాత్మిక యాత్ర చేపడతాడు. అతను తీసుకున్న నిర్ణయం లాలోకు, మెక్సికో దేశానికి తీవ్ర దుష్పరిణామాలు సంభవించేలా ఉంటుంది.

రికార్డుల్లో లేకుండా వేన్ చేసిన పనులు ఎట్టకేలకు బయటపడతాయి. ఇసా కాబోయే భర్త పట్టుకున్న ఒక ఆధారంతో వేన్, ఇసా జైలుకు పంపించొచ్చు. వేన్ అనుచిత ప్రవర్తనను కప్పిపెట్టటంకోసం ఇసా ఒక నకిలీ వేగును సృష్టించాల్సివస్తుంది. అయితే విచిత్రంగా ఆ నకిలీ వేగును నిజంగానే కొనసాగించాల్సివస్తుంది. వెరోనికా తన పెళ్ళికి సంబంధించిన నిజాన్ని తెలుసుకుంటుంటుంది. లాలో మరింతగా తప్పులు చేస్తూ కూరుకుపోతుంటాడు.

లాలో గెరేరో ముఠాను నేరుగా ఢీకొనాల్సి వస్తుంది. దీనిలో దారుణమైన ఫలితాలు చోటుచేసుకుంటాయి. వేన్‌కు సంబంధించిన ఒక ప్రమాదకరమైన సఫలీకృతం కాని ప్రయత్నం కారణంగా అతను, ఇసా ఉత్తర సమాఖ్యతో భీకరమైన యుధ్ధం చేయాల్సివస్తుంది. ఇసా, లాలోలకు తమ అనుబంధంగురించి ఒక స్పష్టత వస్తుంది.

గత ఎపిసోడ్ నేపథ్యంలో వేన్, ఇసా, వెరోనికా, లాలోలకు తమ జీవితాల గురించి, సంబంధాల గురించి స్పష్టత వస్తుంది. ఈ సీజన్ ముగిసేటప్పటికి, అంతకు ముందు ఉన్న అనుబంధాలు అన్నీ చెదిరిపోయి కొత్త అనుబంధాలు ఏర్పడతాయి. కొత్త పోరాటాలకు తెర లేవటంతో, ప్రధాన పాత్రలన్నీ యుద్ధంకోసం సన్నద్ధం కావలసివస్తుంది.