ఫ్రీ మీక్

మీక్ మిల్ హిప్ హాప్ సూపర్ స్టార్, కానీ ఫిలడెల్ఫియా హింసాయుత వీధుల్లో బ్యాటిల్ ర్యాపర్‌గా తన జీవితాన్ని ప్రారంభించాడు. తన 19వ ఏట, ఒక పోలీసులతో ఎదురైన ఒక హింసాత్మక సంఘటనలో అతను జైలులో పడి, న్యాయవ్యవస్థలో చిక్కుకుపోతాడు. తరువాతి 11 సంవత్సరాలు, అతను దాని కబంధహస్తాల నుండి బైటపడడానికి పోరాడుతాడు.

న్యాయమూర్తి జెనీస్ బ్రింక్లీ మీక్‌ను తుపాకీ, మాదకద్రవ్యాల ఆరోపణలపై దోషిగా నిర్ధారించి అతనికి 11 ½ నుండి 23 నెలల జైలు శిక్ష మరియు 10 సంవత్సరాల ప్రొబేషన్ విధిస్తారు. జైలు నుండి విడుదలయ్యాక, మీక్, రిక్ రాస్, రాక్ నేషన్‌లతో చేయి కలపడంతో అతని సంగీత వృత్తి ఊపందుకుంటుంది, కానీ ప్రొబేషన్ ఉల్లంఘనల వల్ల అతను తిరిగి బ్రింక్లీ ముందుకు, జైలుకు వెళ్ళాల్సి వస్తుంది. ఈసారి అతడు తప్పించుకోలేని ఉచ్చులో పడతాడు.

ప్రొబేషన్ ఇబ్బందుల వల్ల మీక్ వ్యక్తిగత జీవితం అదుపు తప్పుతుంది. మాదకద్రవ్య వ్యసనంతో పోరాటం, విమనాశ్రయంలో గొడవ, బైక్ ముందు చక్రం పైకెత్తి నడపడం వల్ల అరెస్టు తర్వాత, జడ్జి బ్రింక్లీ అతన్ని 2-4 సంవత్సరాలు జైలుకు పంపుతారు. ఈ కేసుతో జాతి వివక్ష పై ఉద్రిక్తతలు తలెత్తి, నిరసనకారులు వీధికెక్కుతారు. మీక్ న్యాయ బృందం న్యాయమూర్తిపై దర్యాప్తు జరిపి దిగ్భ్రాంతికరమైన విషయాలను వెలుగులోకి తెస్తుంది.

మీక్ ప్రైవేట్ పరిశోధకులు అతని అరెస్టు పూర్వాపరాలను పరిశీలించి కొత్త ఆధారాలను కనుక్కుంటారు. మాజీ పోలీసులు మీక్‌ను అరెస్ట్ చేసిన పోలీస్ అధికారి గురించి సంచలనాత్మక ఆరోపణలను బయటపెడతారు. మీక్ విచారణ సందర్భంగా ప్రవేశపెట్టిన సంఘటనల పరంపర నిజం కాకపోవచ్చని పరిశోధకులు తెలుసుకుంటారు. అది మీక్ అభిమానుల్లో ఆశను చిగురింపజేస్తుంది, కానీ కొత్తగా బయటపడ్డ విషయాలు మీక్ విడుదలకు సరిపోతాయా?

న్యాయమూర్తి బ్రింక్లీ మీక్ కేసులో తీర్పు చెప్పే రోజు నిరసనకారులు కోర్టును చుట్టుముడతారు. ఈ కేసును కొట్టివేయాలని ప్రాసిక్యూటర్లు కూడా అంగీకరిస్తారు, కానీ న్యాయమూర్తి నిర్ణయం న్యాయవాదులు మరో మార్గం వెతుక్కునేలా చేస్తుంది. తన జైలు అనుభవం కలుగజేసిన బాధను అధిగమించడానికి ప్రయత్నిస్తూ, వ్యవస్థను సమూలంగా మార్చడానికి బాటలు వేస్తూ, మీక్ పెద్ద జాతీయోద్యమానికి కేంద్రబిందువుగా మారుతాడు.