Superman & Lois

Nagbabalik sa Smallville sina Superman at Lois nang may napakalaking hamon - pagpapalaki ng dalawang boys bilang working parents - sa series premiere.

Habang nag-a-adjust sa mga bago nilang buhay sa Smallville, may mahalagang pasya sina Lois at Clark tungkol sa isa nilang anak. Samantala, tumitindi ang tensyon sa pagitan ni Lois at Morgan Edge. Inimbitahan din ni Lana ang pamilyang Kent sa isang barbecue.

Ikinukuwento ni Clark ang tungkol sa kasaysayan ng Krypton kina Jordan at Jonathan habang kumakain ng almusal. Samantala, inuungkat pa lalo nina Lois at Chrissy (guest star na si SOFIA HAMSIK) ang katotohanan tungkol kay Morgan Edge.

Mamamataan ni Lois (ELIZABETH TULLOCH) si Morgan Edge na nakikipag-usap kay Kyle at Mayor Dean. Samantala, halo-halo ang mga emosyon ni Jonathan (JORDAN ELSASS) tungkol sa bagong kalagayan ni Jordan.

Sa pagdiriwang ng Smallville sa una nitong Harvest Festival mula noong pagpanaw ni Martha, maaalala ni Clark kung gaano kahalaga sa kanya ang kanyang ina, at may aral na makakatulong sa kanyang malampasan ang pagpanaw nito. Samantala, may breakthrough si Lois sa imbestigasyon kay Morgan Edge. Sinusubukan ding kumonekta ulit ni Kyle kay Lana, pero mukhang bumabalik siya sa mga dati niyang gawi.

Pinag-iisipan ni Clark ang pasya niyang payagan si Jordan na maglaro ng football. Samantala, kailangang magtiwala ni Lois sa isang hindi inaasahang kakampi para sa nagpapatuloy niyang imbestigasyon kay Morgan Edge.

Nahihirapan si Clark na tulungan si Jordan sa bago nitong power. Samantala, hahantong sa isang biglaang engkuwentro ang pagtulong ni Clark kay Lois.  Si DAVID RAMSEY ng Arrow ang direktor.

Hinihikayat ni Clark na humingi ng tulong si Lois noong mapansin niyang nahihirapan ito.  Samantala, malalagay sa mapanganib na sitwasyon si Jonathan. Hinihikayat din ni Kyle si Sarah na mag-audition para sa musical revue sa paaralan.

Magtutulungan sina Lois, Chrissy at Clark para tuklasin ang kahalagahan ng Smallville kay Morgan Edge.

Makikipag-ugnayan si Lana kina Lois at Clark dahil nagiging kakaiba ang pag-uugali ni Kyle. Samantala, magbabahagi ng saloobin kay Jordan si Jonathan. At galit na aalis si Sarah matapos akusahan ang kanyang ina na palagi nitong pinagtatakpan ang kanyang ama.

May matutuklasang nakakabahala si Clark tungkol kay Morgan Edge.

Hindi magkasundo sina Lois at John Henry Irons (WOLÉ PARKS) sa pinakamainam na paraan para pigilan si Morgan Edge. Samantala, hinihikayat ni Jonathan si Jordan na tumuon sa pagpapalakas ng powers nito para makatulong na mahanap ang kanilang ama. At may isang matagal nang kaibigan na tutulong sa paghahanap.  Guest star si DAVID RAMSEY (Arrow).

Bibisita si Superman kay Morgan Edge. Samantala, magtutulungan sina Lois at Chrissy sa pagbubuo ng kuwento. At makakahanap ng kapaki-pakinabang na abala si Jonathan sa isang napaka-stressful na araw sa paaralan.

Nag-aalala si Lois kay Jordan dahil nagiging mas malapit ito kay Sarah. Samantala, bibisita si Clark kay Lana. Dumadalas din ang pagsama ni Jonathan kay John Henry.

Sa maaksyong unang season finale, magkakatotoo ang ikinakatakot ni Superman, at haharapin ni Lois si Leslie Larr (bumabalik na guest star na si STACEY FARBER). Samantala, magkakasundo sina Lana, Kyle, at Sarah na manatili para tumulong kay General Lane.