LOL: Last One Laughing Philippines

Sampu sa mga pinakamagagaling na komedyante sa PIlipinas ang pinagsama sama sa isang palabas sa kauna-unahang pagkakataon! Sa loob ng aniim na oras, ang sampung komedyante ay kailangang magpigil ng isang bagay na sadyang alam na alam nilang gawin - ang tumawa! Kaya kaya nilang pigilan ito?

Mas malupit na kulitan ang naganap sa loob ng bahay! Nagsimula ang ibang uri ng mga biro kung saan pasimuno sina Jason at Pepe nang sinubukang uminom mula sa arinola. Samantala, si Empoy naman ang nagpakitang gilas sa entablado bilang isang "superhero" na namatayan ng alagang isda. Sino ang mas malupit sa komedya?

Isang tawag mula kay Meme Vice Ganda ang natanggap ng kanyang mga "sidekicks." Sunod sa utos ni Vice, sumugod ang kanyang mga kawal at nagpasabog ng katatawanan. Samantala, ang naging bida naman sa "Lights, Camera, Action!" ay si Jerald kung saan gumanap siya bilang instruktor ng aerobics na nagpagawa ng mga kakaiba at nakakatawang eherisyo sa mga kasama niyang komedyante.

Habang lumilipas ang oras, patindi nang patindi ang pagpipigil ng mga natitirang kalahok sa loob ng bahay. Gumamit ng mga props gawa sa plastic si Pepe para sa kanyang mga patawa habang si Chad naman ay nagpanggap na "beauty queen". Ilang sandali pa lang ay pumula na naman ang bahay. Sino ang susunod na mapapatawan ng red card?

Papalapit na nang papalapit sa anim na oras at natirang matitibay ang mga kalalakihan! Kanya-kanya nang pasabog at gimik at labasan na mga pangmalakasang mga "punchline". Ngunit wala pa ding tumatawa! Hanggang sa tumunog muli ang buzzer. Ilang sandali lang ay makikilala na ang natitirang dalawang komedyanteng magtatagisan ng galing sa dulo ng kompetisyon. Sino sila?

Dumating na ang huling oras. Isa sa dalawang natitirang komedyante ang mapapalapit na sa isang milyong piso! Ang mga natanggal na komedyante ay muling bumalik sa loob ng bahay para subukang patawanin ang natitirang dalawa. Ngunit wala pa ding tumawa! Isa laban sa isa. Mano y mano! Sino ang tatanghaliang kauna-unahang kampeon ng "Last One Laughing" Philippines? Abangan!