The Big Bang Theory

Makaraang sumablay ang una niyang pakikipag-date kay Leonard (series star na si JOHNNY GALECKI), nakahanap si Penny (series star na si KALEY CUOCO) ng napilitang confidante sa katauhan ng anti-social na roommate ni Leonard, si Sheldon (series star na si JIM PARSONS). Dahil sa isang nakakahiyang sikreto, nanganganib na maudlot ang nagsisimula nilang pag-iibigan sa premiere ng pangalawang season.

Nag-unahan sina Penny at Leonard na maka-move on pagkatapos ng kanilang unang paghihiwalay. Nang makita ni Leonard na kasama ni Penny ang isang guwapong bagong lalaki (guest star na si TRAVIS SCHULDT - "Scrubs"), pumasok siya sa isang rebound na pakikipagrelasyon sa kaaway ni Sheldon na si Leslie Winkle (series regular na si SARA GILBERT).

Isang halimaw ang nalikha ni Sheldon nang ipinakilala niya kay Penny ang mundo ng online gaming, lalo na nang nagulo ng pagkahumaling na ito ni Penny ang buhay niya.

Dahil sa ego ni Raj, muntik na siyang masira sa lahat ng kanyang kaibigan nang tumaas ang tingin niya sa sarili. Bagong sumisikat dahil sa isang artikulo sa magazine, may nagawang eskandalo si Raj (series regular na si KUNAL NAYYAR) sa matagal nang gusto ni Leonard na si Penny.

May ginawang paraan sina Leonard at mga kaibigan niya para maharap ni Sheldon ang matagal na nitong takot sa pagmamaneho.

Hindi maunawaan ng lahat, pati ni Sheldon mismo, ang pagkagusto sa kanya ng batang grad student.

Nagmatigasan sina Sheldon at Penny kung saan ipinahayag ni Penny na gagantihan niya si Sheldon sa pagbabawal nito sa kanya sa apartment dahil sa mga sunod-sunod na maliit na kasalanan.

Naniniwala si Wolowitz (series regular na si SIMON HELBERG) na nakita niya na ang taong para sa kanya (guest star na si SARA RUE) -- hanggang sa makilala nito si Leonard.

Walang pagsidlan ang tuwa ni Sheldon nang magsimulang makipag-date si Leonard sa isang babae (SARA RUE) na pasok sa mga pihikang standard ni Sheldon.

Sadyang hindi makatanggi si Leonard. Nang magsimulang bumilis ang takbo ng relasyon niya sa bagong girlfriend na si Stephanie, lumapit si Leonard kay Penny para humingi ng payo.

May dulot na stress ang Kapaskuhan kay Leonard -- na may guwapong katrabaho (MICHAEL TRUCCO) na nagsimulang makipag-date kay Penny -- at sa kanyang mga kaibigan, na naiinis na sa palaging binabanggit ni Sheldon na dapat na kaugalian sa pagbibigayan ng regalo.

Dahil ikinalungkot at ikinatamlay ni Wolowitz ang sinabi ni Penny tungkol sa love life niya, nawalan ang mga kaibigan niya ng pinakamahalaga nilang teammate sa nalalapit na kumpetisyon sa labanan ng robot.

Bumuo ng siyentipikong pamamaraan sa pakikipagkaibigan ang socially awkward na si Sheldon.

Dahil sa "simpleng" solusyon ni Sheldon sa problema sa pera ni Penny, nagkaroon ng pagtatalo si Leonard at ang malaking taong ex-boyfriend ni Penny na si Kurt (guest star na si BRIAN PATRICK WADE).

Mas napalapit sina Leonard at Penny sa isa't isa dahil sa nakakaeskandalong pagbisita ni Mrs. Hofstadter (espesyal na guest star na si CHRISTINE BARANSKI).

May mga nakakagulat na resulta ang paintball game para kay Leonard at sa mga kaibigan nito nang humantong ito sa pag-aaway nina Penny at Sheldon -- at sa romansa sa pagitan ni Wolowitz at Leslie.

Nagkaroon ng major detour sa biyahe sa tren papuntang San Francisco nang malaman nina Leonard, Sheldon, Wolowitz at Raj na kasabay nila ang magandang sci-fi actress na si SUMMER GLAU ("Terminator: The Sarah Connor Chronicles"). May cameo din ang Nobel Laureate for Physics at "Big Bang" theorist na si Dr. George.

Nabulilyaso ang negosyong mga home hair product ni Penny nang tumulong ang nasobrahan sa kapeng si Sheldon.

May bagong queen bee sa building! Nagkaroon ng kakumpitensya si Penny sa katauhan ng isang seksi na babaeng kapitbahay na lumipat sa building at nagtatangkang maging "bagong Penny."

Habang nanliligaw kay Penny si Stuart (guest star na si KEVIN SUSSMAN), ang kaibigan ng tropa na kapwa nilang mahilig sa komiks, naghahanap naman ng makikilala sina Leonard at Wolowitz sa "Ladies' Night" sa isang lokal na bar.

Dinala nina Leonard at Koothrappali ang heartbroken na si Wolowitz sa Las Vegas, at hindi makapasok si Sheldon sa apartment niya kung kaya napilitan siyang makitulog kay Penny.

Nagsimulang gumanda ang sitwasyon para kay Leonard nang may nakakagulat na rebelasyon si Penny sa kanyang pangalawang beses na paglabas kasama si Stuart (guest star na si KEVIN SUSSMAN). Samantala, hiningi ni Wolowitz ang tulong ng mga kaibigan niya nang may natuklasan siyang kritikal na isyu sa disenyo ng proyekto niya para sa NASA.

Sa finale ng pangalawang season, pinagbigyang muli nina Leonard at Penny ang nararamdaman nila sa isa't isa. Nang magpasya sina Leonard at mga kaibigan niya na gamitin ang bakasyon sa pagtatrabaho - sa North Pole - nagkaroon ng pag-aalinlangan si Penny.