Si Anna, isang guro, ay naghahanda para sa kanyang planong magtrabaho sa ibang bansa. Sa hindi inaasahang pangyayari, makikilala niya si Grace, isang estudyanteng biktima ng pang-aabuso. Gagawin ni Anna ang lahat para tumulong ngunit habang napapalapit siya kay Grace, mapipilitan siyang pumili sa pagitan ng sarili niyang pangarap at ng kaligtasan ng bata.

Sasagipin ni Anna si Grace at sasamahan siya sa Quezon, ngunit marami silang haharaping pagsubok sa kanilang paglalakbay. Matapos malaman ang balita ng pagkawala ni Grace, magkakainteres si Miranda Valdez, isang TV host, na gamitin ang kuwento para maisalba ang kanyang programa. Samantala, tatanungin si Chito ng mga awtoridad tungkol sa posibleng pang-aabuso sa nawawalang bata.

Magtatago sina Anna at Grace sa abandonadong ampunan na pag-aari ni Lucia. Magtatrabaho si Anna para mapunan ang kanilang mga pangangailangan, nagunit maghihinala sina Oscar, Miranda, at Julius na may kinalaman siya sa pagkawala ni Grace. Dahil sa tensyon ng imbestigasyon at ng napipintong pagpapaalis sa kanila ng anak ni Lucia, haharap si Anna sa isang mahirap na desisyon tungkol kay Grace.

Tataas ang tensyon nang matunton ng pulis ang ampunan ni Lucia. Makikita ni Sarah ang anak na si Grace, pero makakatakas ang bata habang maiiwan siyang tuliro. Mapipilitan si Anna na dalhin si Grace sa Palawan at humingi ng tulong kay Helena, ang babaeng umampon sa kanya. Ngunit dahil sa alitan nila ng kapatid na si Princess, manganganib na malantad ang lihim ni Anna.

Para maprotektahan si Grace, mapipilitan si Anna na magpanggap na anak niya ang bata at iligaw ang imbestigasyon ng mga pulis. Ngunit kukuwestyunin ni Julius kung sino ang tatay ng bata, habang magdududa si Helena sa tunay na katauhan ng kanyang nakilalang apo. Isang mainit na komprontasyon ang mag-uudyok kay Anna na ibunyag ang kanyang tinatagong lihim.

Matapos madiskubreng tinatago ni Anna si Grace, pipilitin ni Julius ang dalawa na sumuko. Ngunit dahil sa isang aksidente, magpapalipas sila ng gabi sa isang abandonadong bahay kung saan malalaman ni Julius ang buong katotohanan. Maaapektuhan ang mga Sarmiento ng lumalaking tensyon, dahilan upang pag-isipan ni Anna kung tama ang kanyang desisyong kupkupin si Grace.

Pipilitin ni Helena si Anna na ibalik si Grace sa kanyang ina, habang magdudulot si Sarah ng isang aksidente dahil sa kanyang panggugulo sa mga Sarmiento. Tutulungan ni Julius sina Anna at Grace na magtago, ngunit matutunton sila ni Jessica at makakakuha ito ng ebidensya laban kay Anna. Samantala, mananakaw ang isang pulseras ni Miranda, na siyang maglalapit sa kanya sa taong kanyang hinahanap.

Matapos madiskubreng tinatago ni Anna si Grace, pipilitin ni Julius ang dalawa na sumuko. Ngunit dahil sa isang aksidente, magpapalipas sila ng gabi sa isang abandonadong bahay kung saan malalaman ni Julius ang buong katotohanan. Maaapektuhan ang mga Sarmiento ng lumalaking tensyon, dahilan upang pag-isipan ni Anna kung tama ang kanyang desisyong kupkupin si Grace.

Mahihirapan si Anna na pagkatiwalaan si Miranda sa kabila ng pagtulong niya sa pagtakas nila ni Grace sa Palawan. Isang masamang balita ang lalong mag-uudyok kay Miranda na itama ang lahat para kay Anna. Habang sinisikap ng TV host na ayusin ang mga bagay, makakahanap si Sarah ng taong tutulong sa kanyang labanan si Miranda, na magtutulak sa kanya na maghinala kung sino ang nagtatago kay Anna.

Gagawin ni Helena ang lahat para mailayo si Anna kay Miranda dahil sa takot na lumabas ang sikreto ng nakaraan. Mas magiging desperado si Anna na makatakas sila ni Grace, lalo na't marami nang tao ang nakakaalam ng pinagtataguan nila. Malalagay ang lahat sa kapahamakan dahil sa pagseselos ni Jessica, habang magsisimulang paghinalaan ni Sarah ang kanyang abogado.

Sa pagkakahanap ni Oscar kina Grace at Anna, magbabalik ang alaala ni Erin tungkol sa masakit na nakaraaan ni Anna. Sa gitna ng gulong dala ng pagtataksil ni Princess, malalaman ng mga Sarmiento ang katotohanang tinatago ni Helena. Isang sakripisyo ang gagawin ni Miranda na posibleng sumira sa lahat ng pinaghirapan niya.

Guguho ang mundo ni Anna matapos malaman ang matagal nang itinatagong sikreto ng kanyang pamilya. Ipagkakatiwala ni Miranda kay Grace ang susi na magpapatunay ng koneksyon niya kay Anna at gagawin ang lahat para maprotektahan ang kanyang lihim. Ngunit dahil sa paghihiganti, ibubunyag ni Sarah ang katotohanan na maaaring maging dahilan ng pagkawasak ng relasyon nina Anna at Miranda.

Pagkatapos malaman ang totoo, mahihirapan si Anna na mapatawad si Miranda. Subalit isang bagay ang madidiskubre niya na makakapagpalambot sa kanyang puso. Sa pagpapatuloy ng paghahanap kay Grace, mahaharap ang titser sa mabibigat na akusasyon ng korte—hanggang isang hindi inaasahang pagdatin ang tila makakapagpabago sa pananaw ng lahat.

Handa si Grace na gawin ang lahat para makatulong kay Anna, ngunit kailangan niyang tumira sa isang shelter para sa kanyang kaligtasan. Dahil sa galit, isang mapusok na desisyon ang gagawin ni Sarah para mabawi ang kanyang anak. Sa umiigting na tensyon, buong tapang na kikilos si Anna at gagawin ang hindi inaasahan para mailigtas si Grace.