The Big Bang Theory

Sa premiere ng pang-apat na season, sinamahan ni Penny (series star na si KALEY CUOCO) si Sheldon (series star na si JIM PARSONS) sa unang-una nitong pakikipag-date. Samantala, may naisip si Wolowitz (series star na si SIMON HELBERG) na bagong gamit para sa robotic arm. Guest star dito si MAYIM BIALIK bilang ka-date ni Sheldon na si Amy Fowler.

Nang mapagtanto ni Sheldon na hindi siya mabubuhay nang matagal hanggang sa ma-download niya ang isip sa isang robot na katawan, nagtangka siyang pahabain ang buhay niya. Guest star dito ang Apple Co-Founder na si STEVE WOZNIAK bilang Sarili niya.

Nag-aalala ang magkakaibigan dahil naghahanap si Sheldon ng alternatibo sa human companionship pagkatapos nilang mag-break ni Amy (MAYIM BIALIK). Nagbabalik si LAURIE METCALF bilang ina ni Sheldon.

May nabunyag na nakakahiyang sikreto si Wolowitz, habang may mababaw na iringan naman sa trabaho sina Sheldon at Raj. Guest star dito sina KATEE SACKHOFF ng Battlestar Galactica at GEORGE TAKEI ng Star Trek bilang sila mismo para maging love guru ni Wolowitz. Nagbabalik si MELISSA RAUCH bilang girlfriend ni Howard na si Bernadette.

Napagtanto ni Leonard na siya lang ang walang girlfriend, habang gusto namang hiwalayan ni Sheldon 'yung kanya.

Nagkaroon ng tensyon sa pagitan ng magkakaibigan nang bumisita ang kapatid ni Raj (guest star na si AARTI MANN) -- at mayroon ding inililihim na relasyon si Leonard mula kina Sheldon, Howard at Raj.

Nang kinapayam ng isang FBI agent (guest star na si ELIZA DUSHKU) ang magkakaibigan para sa security clearance ni Wolowitz, hindi nabigyan ng clearance si Wolowitz dahil sa mga sagot ni Sheldon.

Nang mag-camp ang magkakaibigan sa pila para sa isang screening, hinadlangan ng pinakamatinding kaaway ni Sheldon na si WIL WHEATON (guest star bilang sarili niya) ang mga plano nila. Samantala, inaya nina Penny at Bernadette si Amy sa kanyang unang slumber party.

Sinabihan ni Penny si Leonard na magsinungaling sa tatay niya na si Wyatt (guest star na si KEITH CARRADINE), habang nag-abang naman nang magdamag sina Howard, Raj at Bernadette sa telescope.

Nalaman ni Amy na may sensuwal siyang nararamdaman sa ex ni Penny na si Zack (guest star na si BRIAN THOMAS SMITH), habang nagtatalo naman sina Koothrappali at Wolowitz kung sino ang mas magaling na superhero.

Nahanapan ng magkakaibigan ng "super" na silbi ang bagong boyfriend ni Penny na si Zack, nang sumali sila sa isang paligsahan sa costume bilang Justice League.

Dahil sa ideya ni Leonard para sa isang smartphone app, nasubok ang pagkakaibigan nila ni Sheldon nang pag-awayan nila kung sino ang masusunod sa proyekto.

Tumindi ang tensyon nang sa iisang hotel lang tumuloy ang lahat para sa isang science event at nakita ni Bernadette ang ex-boyfriend niya (guest star na si RICK FOX, tatlong beses na NBA champion sa Los Angeles Lakers).

Hiniling ni Sheldon kay Penny na bigyan siya nito ng mga lesson sa pag-arte, sa pag-asang baka matulungan siya ng mga ito na maging mas mahusay na tagapagturo. Samantala, pinapantasya naman ni Koothrappali ang girlfriend ng matalik niyang kaibigan.

Dahil sa isang mayamang donor sa unibersidad, napaisip si Leonard kung hanggang saan ang kaya niyang gawin sa ngalan ng science. Guest star dito si JESSICA WALTER (Arrested Development) bilang isang biyudang benefactress at guest star naman si JOSHUA MALINA (The West Wing) bilang Presidente ng Unibersidad.

Habang pinag-iisipan ni Wolowitz na dalhin na sa susunod na level ang relasyon nila ni Bernadette, kailangan niyang pumili sa pagitan ng girlfriend at ng kanyang ina. Samantala, nagkabalikan naman sina Leonard at ang kapatid ni Raj na si Priya.

Nang magsimulang tumambay kina Raj ang tropa at napagtanto ni Sheldon na si Leonard talaga ang nasa sentro ng barkadahan nila, nagdesisyon si Sheldon na magkaroon ng bagong grupo ng mga kaibigan.

Dapat pumili ni Leonard sa pagitan ng bago niyang girlfriend na si Priya, at sa pagkakaibigan nila ni Penny. Samantala, nababaliw naman si Sheldon sa kakaisip sa magic trick ni Howard.

Nang may nang-hack sa online gaming account ni Sheldon, nag-imbestiga ang magkakaibigan para mahanap ang salarin.

Pinag-eksperimentuhan nina Sheldon at Amy ang mga kaibigan nila sa pamamagitan ng pagpapakalat ng tsismis, samantala, may malaking hakbang naman na ginawa si Howard sa relasyon nila ni Bernadette.

Ginamit ni Priya ang husay niya bilang abogado para himay-himayin ang roommate agreement... at inilagay niya si Sheldon sa dapat nitong kalagyan. Samantala, dinala naman ng mga babae si Sheldon sa sayawan.

Nagtangka si Raj na gamutin ang social anxiety disorder niya sa pakikipag-usap sa mga babae, habang ginamit naman ni Penny si Bernadette para mag-espiya kay Leonard at sa girlfriend nito.

Naospital ang ina ni Howard matapos niyang ibalita rito na engaged na sila ni Bernadette.

Nang matapos na ni Bernadette ang Ph.D. niya, inasar ng magkakaibigan ang naiinsultong si Wolowitz na siya lang ang hindi doctor sa grupo nila. Samantala, naging bagong roommate ni Sheldon si Koothrappali pagkaraan nitong malaman na may ginagawang mala-Star Trek na pantasya sa kuwarto sina Leonard at Priya, sa finale ng pang-apat na season.