Ang 'Di-kilalang Kalaban

Nanganganib ang DNS na pinamumunuan ni Kumander Barrientos. Gusto ng rehente ng Mexico City na si Corona del Rosal na iligpit ang isa sa pinakamalalaki niyang kalaban sa pagkakaluklok sa pagkapangulo: Ang Kalihim ng Panloob na si Echeverría. Para makaligtas at makapaghiganti, magpapasya si Barrientos na sagipin ang DNS at kumampi kay Echeverría.

Sa kabila ng kawalan nila ng organisasyon, lalong lalakas ang boses ng mga estudyante. Kailangan ni Barrientos na maging pwersa silang mas malakas at mas nagkakaisa para mapakilos ang Presidente, na ang pinakaalalahanin ay payapang maidaos ang susunod na Olympic Games.

Itatatag ng mga estudyante ang Pambansang Konseho ng Welga (CNH). Sa tulong ng isang undercover agent, oorganisahin nila ang isa sa pinakamalalaking kilos-protesta sa kasaysayan ng bansa. Mapupunta ang pansin sa gobyerno ni Pangulong Diaz Ordaz. Kasabay nito, gusto ng CIA na tulungan si Corona del Rosal, isang kandidato sa pagkapangulo, na mag-coup at maibalik ang pag-iral ng batas at kaayusan.

Dumarami ang suporta sa kilusang estudyante. Kailangan ni Barrientos na maging makapangyarihang kalaban sila ni Pangulong Diaz Ordaz, kaya bibigyan niya sila ng mga armas. Pagkatapos ang isang madugong insidente sa mga estudyante, matutuklasan ni Alicia kung sino ang nanghihimasok sa kanila mula gobyerno.

Lalong magkakainitan sa pagitan ng mga estudyante at gobyerno. Ipagkakatiwala ni Pangulong Díaz kay Luis Echeverría ang pagharap sa mga estudyante. Sa pagkikita, susubukan ng Secretary of Interior at Kandidato sa Pagkapangulo na si Emilio Martínez Manatou na samantalahin ang sitwasyon sa pamamagitan ng paggamit ng ugnayan nila ni Dean Barros Sierra na siyang nagpapalakas ng loob ng mga estudyante.

Sa "Martsa ng Katahimikan," martsang inorganisa ng Pambansang Konseho ng Welga, kukumbinsihin ni Corona del Rosal ang Pangulo na gumamit ng mga undercover agent para wakasan ang organisasyon. Gustong sugpuin ni Barrientos ang mga plano niya, pero nang makita kung gaano kahanda ang mga estudyante, magpapasya siyang huminto at muling pag-isipan kung saan at kailan gagamitin ang mga pamamaraan niya.

Sa utos ng Pangulo, susugurin ng Hukbong Sandatahan ang UNAM. Magbibitiw sa pwesto si Dean Barros Sierra. Gagamitin ito ni Martínez Manatou para pilitin ang Pangulo na makipagdiyalogo sa mga estudyante. Samantala, magpaplano sina Barrientos at ang CIA ng karahasan at mga riot para ipitin ang Pangulo at pwersahin siyang mag-utos ng solusyong tuluyang tatapos sa problema sa mga estudyante.

Umuusad ang mga negosasyon sa pagitan ng mga estudyante at gobyerno. Kaso, plano nina Corona del Rosal at ng Hukbong Sandatahan na arestuhin ang lahat ng pinuno ng Pambansang Konseho ng Welga sa isang rally na magaganap sa ika-2 ng Oktubre sa Tlatelolco Square. Hindi nila alam na naglagay si Barrientos ng mga sniper sa paligid ng square para pumabor sa kanya ang operasyon.