Cosmic Love

Dumating ang apat na Elemento sa Cosmic Compound at nagkaroon ang bawat isa ng kauna-unahang date bago ibinunyag ang alinman sa kanilang mga kapares; ang ilan ay sumusunod sa payo sa kanila ng astrolohiya, at ang ilan ay bumabalik sa kanilang nakagawian. Nagsimulang mabuo ang mga koneksyon at nasubok ito nang maibunyag ang unang kapares ng bawat Elemento.

Naging magulo ang mga bagay habang bumubuo ng bagong koneksyon ang mga Elemento sa isang aktibidad ng grupo. Nahihirapan si Maria na sundin ang payo ng Astro Chamber, at nagsimulang mapuno ng presure na dala ng eksperimento ang bumberong si Connor. Natuklasan ng bawat Elemento ang isa pa sa kanilang mga kapares at naging mainit ang tagpo sa beach party nang malaman ni Phoebe na siya ay nalinlang.

Maraming nabuong koneksyon na dahilan upang muling pag-isipan ng mga Elemento ang kanilang kapares. Sinusubukan ni Noel na balansehin ang kanyang mga koneksyon, habang naghahanap si Phoebe ng kahit isa lang. Nakatanggap si Maria ng nakakabagabag na balita ngunit muling nakabawi nang mabunyag ang isang di-inaasahang kapares.

Nagbitiw si Phoebe ng ilang mapait na katotohanan na humantong sa isang paghaharap kay Phil, habang ang isa sa mga kapares ni Maria ay sinusubukang kunin ang kanyang atensyon. Sa gitna ng mataas na tensyon, nalaman ng Mga Elemento ang kanilang pang-apat at huling kapares. Hindi lahat ng nasa Cosmic Compound ay nasiyahan sa naging resulta, lalo na si Chris R.

Ngayong alam na ng mga elemento ang lahat ng kanilang kapares, nagkaroon sila ng pagkakataong mas makilala pa sila... sa isang group date. Ipinaalam ni Phoebe sa kanyang mga kapares na handa na siyang umibig muli, bago magbigay ng isang pasabog ang Astro Chamber na nagdulot ng kalituhan sa mga Elemento.

Gumawa na ng desisyon si Maria at nabigla ang buong compound. Dinala na nina Noel at Maria ang kanilang mga relasyon sa susunod na antas, habang si Connor ay hindi pa rin umuusad. Nagdulot ng isang emosyonal na tagpo ang aktibidad ng grupo , at binigyan ni Phoebe ng huling pagkakataon ang payo ng Astro Chamber ngunit nabulag ng pagtataksil.

Oras na para magpasya ang mga Elemento kung sino sa mga kapares ang gusto nilang pakasalan, pero bago nito ay nasorpresa sila sa Astro Chamber. Habang papalapit ang mga proposal, patuloy na umuusbong ang koneksyon ni Noel sa kanyang pinakabagong kapares, habang pinag-iisipan ni Maria ang kanyang pipiliin, at nahaharap si Connor sa kanyang pinakamalaking takot... ang paggawa ng desisyon.

Humantong sa mga emosyonal na sandali ang naganap na proposal, pagkatapos ay tinulungan ng mga Elemento ang kanilang mapapangasawa sa paglipat. Habang nawawala ang pananabik ng kanilang engagement, nahaharap na ngayon ang mga Elemento at kanilang kabiyak sa katotohanan, kung gaano nila kakilala ang isa't isa, at kung ano ang inaasahan nila sa nabuong relasyon.

Sa nalalapit na mga kasalan, oras na para makilala ng mga Elemento at ng kanilang kabiyak ang pamilya ng isa't isa. Nagbibigay ng payo ang Astro Chamber kung paano magiging maayos ang unang tagpo, ngunit sapat na ba ang Astrolohiya para kumbinsihin ang kanilang magiging in-law na handa na silang magpakasal? Kailangang gumawa ng isang desisyon si Connor sa pinakahuling oras.

Umalis sa compound ang mga natitirang magkapares upang mamili ng damit pangkasal. Nagkaroon ng pagdududa sa huling sandali ang mga magkabiyak, habang naunawaan nila ang bigat ng gagawin nilang desisyon. Sa pagtatapos, haharap na sa altar ang bawat pares... sasabihin ba nila ang "I do" at tatanggapin ang kanilang Cosmic Love o lalayo sa kanilang tadhana?