Breathe

Gumuho ang mundo ni Danny dahil sa kalusugan at nalalapit na kamatayan ni Josh. Isang organ transplant ang pag-asa ni Josh upang mabuhay. Gumawa ng mapanganib na pangako si Danny sa sarili at ng desisyong hindi na niya mababago. Natuklasan ni Kabir ang koneksiyon ng tiwaling pulis at isang cartel ng droga ngunit dahil dito, natanggap niya at ng kaniyang mga kasama ang pagpipintas sa social media.

Nagsaliksik si Danny sa proseso ng organ donation. Matapos alamin ang mga posibleng organ donor, inilaan ni Danny ang kaniyang atensyon sa kaniyang unang target na si Verma at nagplano upang mabuhay si Josh. Hindi mabitawan ni Kabir ang kaniyang mga alaala habang kinakaharap niya at ni Ria ang diborsyo.

Pinalakas ni Danny ang kaniyang loob at pumili ng ikalawang target, ang batang techie na si Rahul. Nang malapit nang masira ang plano ni Danny, gumawa siya ng desperado at malupit na tangka. Nag-imbestiga si Kabir sa kaso dahil sa kaniyang instinct. Kumbinsido sina Kabir at Prakash na mayroong kababalaghan sa aksidente ni Rahul.

Mas naging malupit si Danny habang pinipili ang kaniyang susunod na target, ang nagnanais maging aktres na si Anita, at magsagawa ng mga lihim na tangka upang mahuli siya. Inipit si Kabir ng kaniyang bagong boss, si ACP Shankar. Natuklasan nina Kabir at Prakash ang indikasyon sa pagkakamatay ng dalawang organ donor. Nakakita sila ng pattern at isang target na nasa listahan ng pumapatay.

Malapit na ang oras ni Josh at lumapit si Danny sa mundo ni Ria. Nilagay niya ang sarili sa panganib kasama si Verma upang matapos ang trabaho. Nahihirapan si Kabir na ayusin ang personal at propesyunal na kahihinatnan dahil sa mga hadlang na maaaring magpatapos sa imbestigasyon. Pinaghinalaan nina Kabir at Prakash ang isang bagong suspek, si Rao at mas lalong umiinit ang mga pangyayari.

Isang matinding laro ng habulan ang nagsimula nang mapunta si Kabir sa bahay ni Danny at lumakas ang hinala kay Danny. Pinaghinalaan ni Shankar ang moonlighting na imbestigasyon ni Kabir at ipinatigil ito kahit na malulutas na ni Kabir ang kaso. Nakagawa ng napakagaling na dahilan si Danny habang isinasagawa ang mapanlinlang na pagtatangka sa susunod na target, si Nair.

Masyadong matibay ang alibi ni Danny upang masisi siya ni Kabir dito. Hindi natitinag, pinlano ni Danny ang susunod niyang target kahit na nakapokus si Kabir kay Rao at nakatuklas si Kabir ng indikasyon upang malutas ang kaso at maipakulong si Rao sa mga pagpatay. Isang laro ng panlilinlang ang magsisimula sa pagitan nina Kabir at Danny habang papalapit na si Josh sa kaligtasan.

Habang mukhang lutas na ang kaso at nalihis ang atensyon ni Kabir, ginawa ni Danny ang pinakamapangahas niyang tangka - isang direktang atake kay Ria upang makuha ang organ na magbibigay ng normal na buhay kay Josh. Habang mukhang lahat ay naayon sa plano ni Danny, isang nakagugulat na rebelasyon ang matutuklasan sa pagtatapos ng serye.