Ang Lalaki Sa Mataas na Kastilyo

Nabihag si Juliana ng Resistance at humaharap sa kasong pagkakanulo. Walang makitang kasagutan sa kanyang nakaraan at lalong nag-iwan ng tanong tungkol sa hinaharap - at ngayon hindi lang siya ang nasa panganib. Ligtas na nakarating si Joe sa New York ngunit nagkaroon ng pag-aalinlangan sa lahat ng kanyang pinagkatiwalaan. Iniligtas ni Frank si Ed sa isang kapahamakan - pero saan hahantong ito?

Matapos makaligtas sa bingit ng kamatayan, natuklasan ni Juliana ang lihim ng pamilya na may hindi magandang pandaigdigang pagkakasangkot - at magpapabago sa takbo ng kanyang buhay... Sina Kido, Tagomi at Frank ay nasa bingit ng kapahamakan, sa New York naman, nanatili si Joe sa pangkaraniwang pamumuhay, nag-iba ito nang bigyan siya ni Smith ng pagkakataon na pinakahihintay niya sa buong buhay.

Sinasanay ang sarili sa bagong mundo ng Nazi New York, hinahanap ni Juliana ang taong pinagkakatiwalaan niya na si Joe Blake. Galit at palaban sa pag-alis ni Juliana, nahila si Frank sa grupong Resistance at ng may karismang pinuno nito. Nalaman rin ni Joe ang tunay niyang pagkatao nang magkita sila ng kanyang Ama.

Napag-alaman ni Juliana na hindi siya ligtas sa Resistance sa Reich. Hinarap ni Smith ang katotohanang kanyang isasakripisyo para mapagtanggol ang anak. At isa pang ama - ama ni Joe - ay hinikayat siyang bigyan muli ng pagkakataon ang Berlin. Malaking desisyon naman ang hinaharap ni Frank: gaano siya kahandang tumulong sa pagtugon sa layunin ng Resistance?

Natuklasan ni Joe ang katotohanan sa kanyang nakaraan na nag-iwan sa kanya ng mga katanungan. Lumalala ang alitan sa pagitan ni Frank at Ed habang si Frank ay hinihila ng Resistance. Upang masiguro ang kaligtasan, mapipilitan si Juliana na ipagkanulo ang isang malapit sa kanya.

Pinakita ni Nicole kay Joe ang 'di-inaasahang parte ng Berlin, na nagbigay ng bagong landas para sa kanya. Sa kanyang bagong misyon, ipinasok ni Juliana ang sarili sa mga malalapit sa Smith. Sa wakas nakasama ni Tagomi ang kanyang pamilya, ngunit may nagbabadyang panganib na sila ay magkahiwalay na muli.

Habang unti-unting nagiging malapit sa mga Smith si Juliana, natuklasan niya ang isang mapanganib na lihim. Si Childan at Ed naman ay nahaharap sa panganib habang nilulutas ang problema sa utang sa mga Yakuza. Sa adhikain ng Resistance, natuklasan ni Frank ang plano ng mga Hapon na magdudulot sa kanya ng pinakamasamang panaginip.

Nangalap ng mga impormasyon si Juliana para sa Resistance na maaring maging dahilan ng pagsiklab ng WWIII. Nang hindi na ligtas ang sitwasyong politikal sa Berlin, kailangang mamili si Joe na maaaring maglagay ng buhay niya sa panganib. Nalaman ni Frank ang katotohanan tungkol kay Juliana, na naging daan para usisain niya ang bagong natagpuang pamilya ng Resistance.

Si Tagomi ay may hinaharap na suliranin: manatili sa pamilya o bumalik sa mundong iniwan niya. Desperadong makatakas sa Reich, isinakatuparan ni Juliana ang isang mapanganib na plano laban sa Resistance. Nang ibulgar ni Ed ang isang lihim na naglagay sa panganib sa plano ng Resistance, kailangan ni Frank magdesisyon kung ano ang gagawin nya sa pagtataksil ng matalik na kaibigan.

Isinama ni Tagomi si Kido sa isang panlinlang upang mailigtas ang Japan sa pagbagsak. Habang gumuguho ang buhay ni Smith, gumawa siya nang mapanganib at mapangahas na hakbang upang mapanatili ang kanyang kapangyarihan. Ginawa ni Joe ang nararapat ngunit nakaranas ng matinding pagtataksil. Makabagbag-damdaming desisyon ang kailangang gawin ni Juliana na huhubog sa hinaharap ng mundo.