Red Oaks

Matapos aminin ang kanilang nararamdaman sa isa't-isa sa pagtatapos ng nakaraang bakasyon, sa wakas ay nagkita na ulit si David at Skye sa Paris para salubungin ang bagong taon ng 1986. Subalit, ang mga sorpresang bisita ay naging bantang sirain ang kanilang romantikong linggo sa Siyudad ng mga Ilaw.

Sa pagsisimula ng bakasyon sa Red Oaks Country Club, hindi sigurado ang hinaharap ni David sa pag-aaral, habang si Wheeler ay sinusubukang ligawan ang matagal na niyang crush na si Misty. Samantala, ang presidente ng club na si Getty ay nahaharap sa pagsubok sa club, at si Sam at Judy naman ay inaayos ang buhay walang-asawa.

Kinausap ni Skye si David tungkol sa magkasamang salo-salo sa araw ng mga tatay at hindi ito masyadong gusto ni Getty. Gusto ni Sam ipagdiwang ito kasama ang ibang tatay at ang anak niya. Gustong ligawan ni Nash ang isang matandang balo, at inumpisahan ni Wheeler ang isang bagong paraan para kumita.

Tinanggap ni David ang isang trabaho para kumuha ng bidyo ng isang bris at tinanggap niya ang imbitasyon ni Getty na mananghalian sa siyudad. Sa bahay, masaya si Judy kasama ang mga dalagang kaibigan, habang si Sam naman ay may pinuntahang blind date.

Naghahanda si Getty sa pagdinig sa kaso niyang insider trading. Tumitindi ang relasyon ni Nash sa balong si Horowitz. Samantala, iniisip ni David kung masyado ba siyang makaluma sa bagong istilo ng pamumuhay ni Skye.

Dahil sa presyur na dala ng pagdinig, 'di-pangkaraniwan ang taong nilapitan ni Getty. Isa sa mga estudyante ni Wheeler ay masyadong naging malapit sa kanya. At habang nahihirapan si Skye magtagumpay sa larangan ng sining sa New York, nagkausap muli si David at Karen.

Namuo ang tensyon habang ipinagdiriwang ng mga Getty ang kanilang ika-25 na anibersaryo sa club. Samantala, binabalikan ni Sam ang nawalang pag-ibig, nalaman ni Skye ang tagong pagkikita ni David at ng kaniyang ama, at si Wheeler ay gumagawa ng matinding paraan para maiwasan ang pagkasira niya kay Misty.

Gustong kunin ni Barry si David na magbidyo sa kaniyang bachelor party sa Atlantic City, at sumama si Nash at Wheeler para sa sobrang nakakahiyang biyahe ng kanilang buhay. Nagtulungan si Sam at Judy para hanapin ang nawawalang pusa.

Habang naghahanda si Karen at Barry na magpakasal, nahanap ni David ang sarili na nakikipambuno sa malungkot na si Nash, nagtatalong mga magulang, at mahirap na desisyon para sa kaniyang kinabukasan.

Nalagay sa alanganin si Getty habang ang hatol ng hukom--at ang halalan sa club--ay papalapit na. Habang ang bakasyon ay patapos na, hinarap ni Wheeler at Misty ang mga tanong tungkol sa hinaharap. Kailangang gamitin ni David ang kaniyang kalayaan at magpasya tungkol sa malaking alok na trabaho ni Getty.