House

Dahil walang tulong ng grupo, nahihirapan si House na suriin ang babae matapos gumuho ang gusali sa kaniya sa pagsisimula ng season ng “House”.

Suko na si House sa pakikipanayam ng mga potensyal na miyembro ng grupo, pero ginagawa niya ito sa sarili niyang paraan. Tinawag niya lahat ng apatnapung aplikante na may kaniya-kaniyang numero sa dibdib, at sinubok sila sa isang Darwinian trial period.

Nakikipagkumpitensya nang matindi ang huling sampung kandidato nang hatiin sila ni House sa dalawang grupo ayon sa kanilang kasarian. Habang ang mga mag-aaral ay abala sa kanilang takdang-aralin, nag-eeksperimento si House sa kaniyang sarili upang makita kung anong nangyayari sa mga pagkakataong ang mga tao ay nag-aagaw buhay.

Nang ang 20 na taong gulang na isang funeral home cosmetician na si Irene ay nagkaroon ng malalang seizure, nag-akala siya na ang mga patay sa punerarya ay nabuhay. Dapat matuklasan ni House at ng natitirang pitong kandidato ang dahilan.

Hinaharap ng grupo ang kaso ng lalaking nawalan ng malay habang ninanakawan. Nang magreklamo ang lalaki sa mga bagong sintomas na hindi tugma sa naging unang pagsusuri, naghinala ang grupong siya ay hypochondriac.

Kinuha ng CIA si House para gamutin ang isa nilang tauhan na may karamdaman na kasing misteryoso ng kaniyang huling trabaho, unahan ang mga kandidato ng Fellowship sa paggamot ng isang drayber ng stock car.

Ginagamot ni House at ng grupo ang isang tinedyer na may kapinsalaan sa mukha.

Nakatagpo si House ng salamangkero na pumalya ang puso habang nagsasagawa ng pagtakas mula sa ilalim ng tubig. Habang sinisikap ng mga natitirang kandidato ng fellowship na pagalingin ang salamangkero, determinado si House na patunayang manloloko ito na nagkukunwaring maysakit para pagtakpan ang katotohanang muntik na siyang malunod.

Nang gipitin ni Cuddy si House para piliin na ang mga magiging miyembro ng kaniyang grupo, sinadya ni House na bigyan ng mahirap na kaso ang mga kandidato.

Isang inang may misteryosong sakit ang maaaring may lihim na nakamamatay.

Nahulog sa malubhang karamdaman ang isang doktor sa South Pole at dapat niyang gamutin ang kaniyang sarili habang si House at ang kaniyang grupo ay gumagamit ng hindi pangkaraniwang pamamaraan ng pagsusuri. Panauhing artista si Academy Award Winner Mira Sorvino.

Ginagamot ni House ang isang Hasidic Jewish na babaeng bagong lipat lamang ng relihiyon matapos siyang mawalan ng malay sa kaniyang kasal. Panauhing artista si Laura Silverman.

Suspetsa ni House ay may mas malalang karamdaman ang isang pasyente kaysa sa unang diagnosis ng E.R. base sa sobrang kabaitan nito. Pinagdududahan ng hindi kumbinsidong si House ang kabaitan ng pasyente habang inaalam ng pangkat ang karamdaman nito, ngunit hindi sang-ayon ang pangkat na ang kabaitan ay isang sintomas.

Kumbinsido si House na pinapahirapan ng malubhang kundisyon ang artista sa kaniyang paboritong palabas. Panauhing artista si Jason Lewis ("Sex and the City").

Pinilit ni House na mapanumbalik ang kaniyang alaala matapos ang aksidente sa bus para iligtas ang buhay ng pasaherong maysakit. Panauhing artista si Fred Durst ("Limp Bizkit").

Patuloy na nag-iisip si House upang maisalba ang pasyente na may misteryosong kondisyon matapos masangkot sa aksidente sa bus sa ikalawang bahagi ng pagtatapos ng season.