The Expanse

Nakikipaglaban si Holden at ang crew ng Rocinante kasama ng Combined Fleet ng Earth at Mars para pangalagaan ang mga Inner Planet mula kay Marco Inaros at sa kampanya ng kamatayan at pagkawasak ng Free Navy niya. Samantala, sa isang malayong planetang lagpas ng Rings, isang bagong kapangyarihan ang nagsisimula.

Ang mga tensyon ng digmaan ay nagbabantang magwasak sa crew ng Rocinante nang may natuklasan sila sa isang asteroid. Sinusubukang isaayos nina Avasarala at Bobbie ang pagkawasak sa Earth sa patuloy na pagpapaulan ng mga bato ni Marco. Sa Belt, nahaharap si Drummer at ang pamilya niya sa isang mahirap na desisyon. Sa Ceres, naging mas personal ang mga problema nina Marco at Filip.

Kasama ang isang ‘di inaasahang pahinante sa Rocinante, sinimulan ni Holden at ng crew niya ang isang mapanganib na misyong maaaring magpabago sa balanse ng kapangyarihan sa digmaan. Nagpasiya si Drummer na pumasok sa isang nakakaasiwang alyansa. Nababagabag si Filip dahil sa mga maling nagawa niya.

Gamit ang Combined Fleet ng Earth at Mars, inatake ni Avasarala si Marco. Nasubukan ang pagsasamahan nina Filip at Marco. Naging mas mapanganib at personal ang digmaan para kina Holden at Naomi nang biglang napilitang makipaglaban ang Rocinante.

Nagkaproblema si Holden sa crew niya nang lumantad ang isang kontrobersyal na desisyon. Sa Ceres, nahihirapan si Avasarala na maisaayos ang isang umiigting na problemang humanitarian. Nagsagawa ng mapapangahas na raid ang lumalaking grupo ni Drummer na may mga mapeligrong kapalit. Si Filip, na na-demote bilang taga-ayos ng mga skiff, ay may natuklasang ‘di inaasahan.

Nagkita silang lahat sa Ceres nang dumating si Drummer at ang fleet niya para tumulong. Sinubukan ni Holden na kumbinsihin si Avasarala na ilabas ang mahalagang impormasyon na maaaring pumigil sa sakuna, pero may hiniling siya sa kanya. Habang nagpapahinga nang kaunti sina Amos at Bobbie sa istasyon, nagkaroon si Naomi ng isang mahirap at hinihintay-hintay na pakikipagkitang muli.

Sa nakakapanabik na season finale, nakipaglaban ang mga Inner at Belter kasama ng crew ng Rocinante sa isang huli, malaki, at mapanganib na laban kay Marco at sa kanyang Free Navy, para sa kapalaran ng Solar System, ng Ring Gates, at para sa kapakanan ng buong sangkatauhan.