Transparent

Isang kapana-panabik na alok ang magdadala kay Maura sa Tel Aviv. Umaasa sa bagong simula, ibebenta ni Shelly ang condo at maninirahan kasama si Josh. Habang nakipagbubuno sa mga problemang panrelasyon, dadalo sina Sarah, Ali at Josh sa pulong ng mga adik sa pakikipagtalik at pagmamahal. Ipauupa ni Ali ang bahay ng mga Pfefferman at makipagtatalo sa mga wirdong nag-e-AirBnB sa kanila.

Mabibigla si Ali sa pagsasapubliko ni Leslie ng mga detalye ng kanilang relasyon. Muling pasisiklabin si Sarah ng isang bagong koneksyon kay Lila, dating guro ng kanyang anak. Hindi inaasahang makikita ni Josh ang isang dating karelasyon. Mag-aaral si Shelly ng improv. Sasamahan ni Ali si Maura patungong Israel at magiging malubak ang simula ng kanilang paglalakbay.

Susubukan ni Sarah ang isang bagong estilo ng pag-aalaga ng bata at magugulat sa bisa nito. Muling makakausap ni Josh si Dr. Steve habang tumataas ang tensyon sa kanyang bahay kasama si Shelly. Dahil maeengganyo sa isang bagong kaibigan, bibiyahe si Ali patungong Palestina. May matutuklasan si Maura tungkol sa kasaysayan ng pamilya na babago sa kanyang buhay.

May mga bagong katotohanan na matutuklasan sina Maura at Ali tungkol sa kanilang pamilya. Magiging mas matapang si Shelly sa kanyang klase sa improv. Mabibighani sa isa't isa sina Sarah, Lila at Len at may mabubuo silang plano. Mumultuhin si Josh ng kanyang nakaraan.

Babalikan ni Maura ang gabi ng kapanganakan ni Ali. Muling aalalahanin ni Davina ang mga gunita ng kanyang pagkabata at tatanggapin ang magulong relasyon kay Sal. Makipagkakasundo sina Davina at Maura sa Diyos.

Magsasama-sama ang pamilya para sa isang kakaibang bakasyon at makikilala ang mga nawalay na Pfefferman. Hihiwalay si Ali sa pamilya sapagkat hihimukin siya ng kanyang mga pulitikal na paniniwala na hamunin ang nakasanayan.

Ililihis nina Sarah at Len ang paglabas ng pamilya upang bisitahin ang ina ni Lila, na mapupunta sa pagtatalo ng magkakapatid. Hihiwalay si Ali sa grupo para bisitahin ang kaibigang si Lyfe sa Ramallah habang ang ibang mga Pfefferman ay lalahok sa pagtuklas ng buhay sa diyerto.

Maghahangad si Maura na bumuo ng bagong relasyon subalit matutuklasang huwad ang koneksyon nito. Babalik si Ali sa kanyang pamilya. Sa malawak na disyerto, susubukan ni Josh ang pagpapaputok ng baril, na magiging dahilan ng pagkatakot ni Shelly.

Sa Los Angeles, maaabala ang pamamalagi ni Davina sa bahay ng mga Pfefferman. Magpapalutang-lutang ang mga Pfefferman sa Dead Sea at magmamadali si Ali upang makipagkita sa kanila subalit maaabala sa isang checkpoint sa Israel.

Dala ng pagnanais na mas kilalanin pa ang sarili sa Israel, magpapaiwan si Ali samantalang babalik ang pamilya niya sa Los Angeles. Muling susuriin nina Sarah, Len at Lila ang magulo nilang relasyon. Haharapin ni Josh ang mga problema niya sa pakikipagtalik at pag-ibig. Mababawi nina Maura at Davis ang tahanan ng mga Pfefferman mula sa isang hindi kanais-nais na panauhin.