డైనోసార్ ట్రైన్

బడ్డి మరియు టెరానొడోన్ కుటుంబం, వారి థెరోపాడ్ స్నేహితులందరినీ సేకరించి, "డైనోసార్ బిగ్ సిటీ" అయిన లారామీడియా లో జరుగనున్న ఒక పెద్ద థెరోపాడ్ క్లబ్ కన్వెన్షన్ (సమావేశం) కి డైనోసార్ ట్రైన్ మీద బయలుదేరుతారు.

టెరానొడోన్ కుటుంబం, డైనోసార్ బిగ్ సిటీ లారామీడియా లో థెరోపాడ్ కన్వెన్షన్ (సమావేశం) వైపు వారి యాత్రను కొనసాగిస్తారు. వారితో పాటూ ట్రైన్ లో ప్రయాణిస్తున్న థెరోపాడ్ డైనోసార్లలో ఒకరు కింగ్ క్రైలోఫోసారస్. అతను "బిగ్ ఓల్' విజుల్-స్టాప్-రాక్-ఎన్-రోల్ డైనోసార్ టూర్" మరియు "హోల్ లొట్టా థెరోపాడ్స్" అనే పాటలు పాడతాడు.

డైనోసార్ ట్రైన్ డైనోసార్ బిగ్ సిటీ లారామీడియా ని చేరుకుంటుంది. బడ్డి మరియు టెరానొడోన్ కుటుంబం రద్దీగా ఉన్న "డైనోసార్ మెట్రోపోలిస్" ని పరిశీలిస్తారు. థెరోపాడ్ కన్వెన్షన్ (సమావేశం) లో, పిల్లలు యానీ టైరానొసారస్ మరియు ఆమె తల్లితండ్రులైన డొలోరెస్ మరియు బోరిస్ లను మళ్ళీ కలుసుకుంటారు. వారందరూ కలిసి అనేక కొమ్ములున్న మేయర్ కోస్మోసెరాటాప్స్ ని కలుస్తారు.

అతి పెద్ద ప్రేక్షక సమూహం ముందు ప్రదర్శన ఇవ్వటం గురించి కింగ్ క్రైలోఫోసారస్ కి ఉన్న భయాన్ని పోగొట్టడంలో బడ్డి మరియు టైనీ సహాయపడతారు. డైనోసార్ బిగ్ సిటీ అయిన లారామీడియా లో జరుగుతున్న థెరోపాడ్ కన్వెన్షన్ (సమావేశం) లో, "హోల్ లోట్ట థెరోపాడ్స్" అన్న తన కొత్త పాట పాడి, డైనోసార్ ప్రేక్షకులందరిని అలరిస్తాడు.

టెరానొడోన్ కుటుంబం ఒక ప్రత్యేకమైన "నైట్ ట్రైన్" మీద క్రిటేషియస్ శకంలో మరొక భాగానికి ప్రయాణం చేసి, అక్కడ కండక్టర్ యొక్క ట్రూడొంటిడ్ "కజిన్" సిడ్నీ సినోవెనేటర్ ను కలుస్తారు. అతనికి నక్షత్రాల గురించి అందరికన్నా బాగా తెలుసు. సిడ్నీ ఆ కుటుంబాన్ని, నక్షత్రాలను గమనించడానికి తనకు ఇష్టమైన చోటైన "స్టార్రి హిల్" కి తీసుకెళ్లి, నక్షత్రాలు రాత్రుళ్ళు ఆకాశంలో కదులుతున్నట్టు ఎందుకు కనిపిస్తాయో పిల్లలకి చెప్తాడు.

కొండ మీద వారి కుటుంబం యొక్క అసలు గూడు కింద సముద్రతీరాన పిల్లలు వారి సొంత గూడు కట్టుకున్నాక, వారి గూటిని ఒక క్లబ్హౌస్ గా మార్చాలని అనుకుంటారు. షైనీ క్లబ్హౌస్ కి ఒక క్లబ్ అవసరమని అనిపించగా, "ది నేచర్ ట్రాకర్స్" క్లబ్ తయారవుతుంది. బయటకు వెళ్లడం, ప్రకృతి లోకి వెళ్లడం, కొత్త విషయాలు కనిపెట్టడం ఈ క్లబ్ యొక్క లక్ష్యాలని పిల్లలు నిర్ణయించుకుంటారు.

ప్రస్తుత భారత దేశం నుంచి వచ్చిన సానజే అన్న ఒక పెద్ద క్రిటేషియస్ పాము ను కలవమని టైనీ తనని సవాలు చేసినప్పుడు, షైనీ కి పాములంటే భయం పోతుంది. డాడ్ (నాన్న) పిల్లల్ని సనా సానజే ని కనుక్కోడానికి డైనోసార్ ట్రైన్ మీద తీసుకెళ్తారు. తను పెద్ద పామైనా చాలా స్నేహంగా ఉంటుంది. షైనీ మరియు సనా స్నేహితులయ్యాక, పాములు భయంకరంగా ఉండవన్న భావన తో షైనీ ఇంటికి తిరిగి వస్తుంది.

బిగ్ పాండ్ కి వెళ్లే దారిలో పిల్లలకి కండక్టర్ ప్రకృతి జీవిత చక్రాన్ని గురించి దృశ్యాల తో బోధిస్తాడు. పువ్వు ఎలా పెరిగి, పూసి, వాడిపోయి, తన విత్తనాలను నేలలో తిరిగి కలిపేసి, మళ్ళీ ఈ చక్రం ఎలా మొదలవుతుందో వివరిస్తాడు. బిగ్ పాండ్ వద్ద టైనీ కి తన పూవులు పూస్తూ, వాడిపోతూ, కనిపించగా, తాను ప్రకృతి జీవిత చక్రాన్ని స్వయంగా చూడగలుగుతుంది.

దత్తత తీసుకోబడిన టి రెక్స్ అయిన బడ్డి తన టి రెక్స్ పూర్వీకుల గురించి తెలుసుకుందామని అనుకుంటాడు. అందుకు డాడ్ (నాన్న) తనని డైనోసార్ ట్రైన్ మీద పూర్వ క్రిటేషియస్ శకానికి తీసుకెళ్తాడు. అక్కడ రాప్టోరెక్స్ అని టైరానొసారస్ రెక్స్ లో ఒక రకం జాతి జంతువుని కలుస్తారు. రోడ్నీ రాప్టోరెక్స్ బడ్డి అంత పెద్దగా ఎదగని ఒక పిల్లవాడు. కానీ వారిద్దరి మధ్య తేడాలు ఉన్నా, చాలా విషయాల్లో ఒకే లాగా కూడా ఉన్నట్టు తెలుస్తుంది.

చాలా సేపటి నుంచి వాన పడుతుండటం వలన పిల్లలు ఇంట్లో ఇరుక్కుపోయి, గొడవలు తెచ్చుకుంటారు. మామ్ (అమ్మ) వాన తగ్గిందని, గూటి నుంచి బయటకు వెళ్ళచ్చని, చెప్తుంది. వాళ్ళ సొంత ప్రశాంతమైన చోటును కనుక్కుని, అక్కడ ఎవరిని వాళ్ళు శాంత పరచుకుని, మళ్ళీ ఒకరితో ఒకరు కలిసిపోవాలని పని అప్పగిస్తుంది. ప్రతి పిల్ల, పిల్లవాడు ప్రకృతి లో ఏదో ఒకటి కనుక్కుని, దాని సహాయంతో శాంతించి, మళ్ళీ స్నేహితులవుతారు.

బయోమ్ బ్లాక్ పార్టీ లో, పోటీ ని గెలవడానికి ప్రయత్నిస్తుండగా, టెరానొడోన్ సోదరులు నిజమైన డైనోసార్లు కానందువలన డైనోసార్ బహుమతి కోసం పోటీ పడలేరని కీనన్ కిరోస్టెమోటెస్ అంటాడు. పిల్లలు "దట్స్ నాట్ ఎ డైనోసార్" అని ఒక పాట పాడగా, డైనోసార్లు కాని వాళ్ళు కూడా తమ భాగాన్ని పాడుతారు. చివరికి, ఆట నియమాలు, అందరు జీవులను, డైనోసార్లు కాని వాళ్ళను కూడా, అన్ని పోటీల్లో చేర్చుకునేలా మారుస్తారు.

బిగ్ పోండ్లో విత్తనాలు సేకరించి, ఇంటికి తెచ్చి ఒక తోట నిండా అవే పూలు కుటుంబ గూడు వద్ద వారు నాటవచ్చని పిల్లలకి కండక్టర్ చెప్తారు! పిల్లలంతా దాంట్లోకి దిగుతారు. విత్తనాలు సేకరించి,ఇంటికి తీసుకువచ్చి, అక్కడ ఒక తోటని నాటుతారు. స్లగ్స్, సాలీళ్లు మరియు సీతాకోకచిలుకలు ఒక తోటని పరిపూర్ణం చేస్తాయని వివరించే ఒక స్నేహశీల స్లగ్ స్యామ్మీ తో పాటు దాని యొక్క కొత్త నివాసులని కలుస్తారు.

అమ్మ పిల్లల్ని, ట్యాంక్ ట్రైసెరాటాప్స్ ని, ట్యాంక్ యొక్క ఒక దూరపు బంధువైన పూర్వ సెరాటాప్సియన్ పెనెలొపీ ప్రోటోసెరటోప్స్ ని కలవడానికి తీసుకెళ్తుంది. పెనెలొపీ ఎక్కువగా భూకంపాలు వచ్చే ప్రదేశం లో నివసిస్తుంది. కనుక పిల్లలు తమ మొదటి భూకంపాన్ని ఆమెతో అనుభవిస్తారు. అమ్మ మరియు కండక్టర్ భూకంపం వచ్చినప్పుడు ఏం చేయాలో సలహా ఇచ్చి ఉంటారు కాబట్టి, అందరూ బాగానే ఉంటారు.

కుటుంబం డైనోసార్ ట్రైన్ మీద ప్రయాణం చేస్తున్నప్పుడు, ఒక కొత్త పెట్టె తగిలించారని తెలుసుకుంటారు. అదే చిన్న గూడుల్లో డజన్ల కొద్దీ గుడ్లతో, వాటిని చూసుకుంటూ వేచి ఉన్న తల్లితండ్రులతో ఉన్న నర్సరీ కార్. గుడ్లు విరగడం చూసి పిల్లలు ఏ శిశువు ఏ డైనోసార్ తల్లితండ్రులదో కనిపెట్టడానికి ప్రయత్నిస్తారు.

ఒక కార్చిచ్చు టెరానొడోన్ టెర్రెస్ లో వారి కుటుంబ గూడు వద్ద ఉన్న అడవిని చేరినప్పుడు, వాళ్ళు డైనోసార్ ట్రైన్ మీద, దగ్గరలోని మంట చేత అప్పటికే దహింపబడ్డ ఒక చోటుకి వెళ్తారు. కండక్టర్ పిల్లల్ని అడవుల్లోంచి ఒక నేచర్ ట్రాకర్ హైక్ మీద తీసుకెళ్లగా, కార్చిచ్చు అంతా నాశనం చేసినప్పటికీ, కొత్త ప్రాణం మళ్ళీ ఎలా లేచి వస్తోందో చూస్తారు.

బడ్డి మరియు టైనీ, రకరకాల ఎగిరే ప్రయాణికుల కోసం డైనోసార్ ట్రైన్ కు చేర్చబడిన కొత్త ఏవియరి కార్ మీద ప్రయాణిస్తారు. హఠాత్తుగా, జూడీ జెహెలోర్నిస్ పేరుగల ఒక తప్పిపోయిన పక్షి వారితో చేరుతుంది. తాను ఈ మధ్య జరిగిన కార్చిచ్చు వలన తప్పిపోయి, తన ఇల్లు ఎక్కడుందో మర్చిపోతుంది. బడ్డి, టైనీ, మరియు పీటీ గూఢచారుల్లాగా ప్రవర్తించి, సూచనల ద్వారా జూడీ ఇల్లు ఎక్కడుందో కనిపెట్టడానికి ప్రయత్నిస్తారు.

చాలా వారాల పాటు వాతావరణం ఎంతో పొడిగా ఉన్న కారణంగా, టెరానొడోన్ టెర్రెస్ లో ఉన్న నీటి రంధ్రాలన్నీ ఎండిపోతాయి. లాంబియోసారస్ కుటుంబం నీటి కోసం వెతకడానికి వేరే చోటుకు వెళదామని నిర్ణయించుకోగా, పిల్లలు బాధపడతారు. నాన్న మరియు అమ్మ పిల్లల్ని బిగ్ పాండ్ కి క్యాంపింగ్ యాత్ర కోసం తీసుకెళ్లి, కరువు తగ్గే దాకా అక్కడే ఉండి, మళ్ళీ వర్షం కురిసినప్పుడు ఇంటికి తిరిగి వెళదామని అనుకుంటారు.

బిగ్ మిస్టీ సీ లో ప్రతి ఏట జరిగే పెద్ద చేపలు పట్టే పోటీ లో పాల్గొనడానికి నాన్న ఎంపికైనట్టు తెలుస్తుంది. నాన్నని ప్రోత్సహించడానికి కుటుంబమంతా అక్కడికి డైనోసార్ ట్రైన్ మీద వెళ్తారు. పోటీదారులు నాన్న, ఓల్డ్ స్పైనోసారస్, మరియు నాన్న చిన్న నాటి స్నేహితుడు, ప్రత్యర్థి అయిన మార్కో మెగారాఫ్టర్ అని తెలుసుకుంటారు. చివరికి ఆ ముగ్గురు, బిగ్ మిస్టీ సీ లో అతి పెద్ద ప్రాచుర్యమైన చేప చెస్టర్ కోసం పోరాడుతారు.

ఎంత కాలం నుంచో ఎదురుచూస్తుంటే, మొత్తం మీదకి టెరానొడోన్ టెర్రెస్ కి వర్షాలు తిరిగి వస్తాయి. కానీ అది మరింత పెద్ద వానగా మారి, ఇంకా పెద్దయి, తుఫానుగా మారుతుంది. వారు ఆశ్రయం కోసం వెతకగా, డాన్ కి వాళ్ళ గూడు కింద ఒక గుహ కి మార్గం కనిపిస్తుంది. అక్కడ టర్నోనొడోన్లే గాక, పొరుగింటి వాళ్ళైన లాంబియోసారస్ కుటుంబం మరియు సిండీ సిమోలెస్టెస్, ఆ రాత్రికి ఆశ్రయం తీసుకుంటారు.

టెరానొడోన్ కుటుంబం, తుఫాను వల్ల జరిగిన విధ్వంసాన్ని శుభ్రం చేస్తూ, ఒక చెక్క దుంగ మీద వెస్టర్న్ ఇంటీరియర్ సీ నుంచి ఇద్దరు శరణార్థులు కొట్టుకొచ్చారని తెలుసుకుంటారు. వాళ్లే ఐడన్ ఆడోకస్ అన్న ఒక సముద్రపు తాబేలు, టామీ టిలోడస్ అన్న ఒక చిన్న క్షీరదం. తుఫాను లో సముద్రాన్ని దాటి, టెరానొడోన్ టెర్రెస్ దగ్గర కొట్టుకు వచ్చి వాళ్ళు చేసిన సాహసకృత్యం గురించి మన కుటుంబం తెలుసుకుంటారు.

నాన్న ప్రత్యేక నైట్ ట్రైన్ మీద పిల్లల్ని ట్రూడొన్ టౌన్ కి తీసుకెళ్తారు. అక్కడ ట్రూడొన్లు ఒక భయానకమైన విందు కోసం వాళ్ళ రౌండ్-హౌస్ ను దెయ్యాలు తిరిగే ఇల్లు లాగా తయారుచేసారు. అక్కడ పిల్లలు, వ్లాడ్ వొలాటికోథెరియం అన్న ఒక వింత, కొత్త, రాత్రిపూట తిరిగే క్షీరదాన్ని కలుస్తారు. అతను రౌండ్-హౌస్ లో దాక్కుని నిద్రపోవడానికి ప్రయత్నిస్తున్నాడు.

టెరానొడోన్ కుటుంబాన్ని, పొరుగింటివాళ్ళైన లాంబియోసారస్ కుటుంబం, మొదటి సారి 'గౌర్డ్ డే' (ఒక రకమైన మెసోజోయిక్ హాలోవీన్) ని జరుపుకోడానికి బిగ్ పాండ్ కి తమతో రమ్మని ఆహ్వానించినప్పుడు, వాళ్ళ ఆచారాల గురించి మరింత తెలుసుకుంటారు. పిల్లలు మొదటి సారి గుమ్మడికాయలను చూస్తారు. ల్యారీ లాంబియోసారస్ మన కుటుంబానికి, వాటి లోపల నుంచి గుజ్జును తీసి, వాటిపై ముఖాలు ఎలా చెక్కాలో చూపిస్తాడు.

కుటుంబం తిరిగి ఉత్తర ధృవానికి ప్రయాణించినప్పుడు, ఒక పెద్ద మంచు తుఫాను వచ్చి, డైనోసార్ ట్రైన్ కూడా మంచు లో ఇరుక్కుపోతుంది. డాన్ తన కొత్త స్నేహితురాలు సోరెన్ సౌరోనిథోలెస్టెస్ ని తలుచుకుని ఆందోళన పడతాడు. ఆమె బయట మంచు తుఫాను లో తన గుడ్ల మీద కూర్చుని ఉంది. కాని అంతా మంచే జరుగుతుంది: బాగా సవరించబడిన, ఉష్ణ రక్తం గల, ఈకలతో కప్పబడిన సోరెన్, గుడ్ల నుంచి తన పిల్లల్ని విజయవంతంగా బయటకు తెస్తుంది.

ఉత్తర ధృవానికి వెళ్ళినప్పుడు, ఆరోరా బోరియాలిస్ ని చూడటానికి, ఒక పెద్ద గడ్డకట్టుకుపోయిన చెరువు మీద ఉన్న ఆరోరా బోరియాలిస్ స్టేషన్ లో దిగిపోవచ్చని కండక్టర్ కుటుంబంతో అంటాడు. అక్కడ ఉత్తర ట్రూడన్లు వెలుగుల పండుగ ను జరుపుకుంటారు. అందరు కలిసి "సోల్స్టిస్ టైం ఈజ్ హియర్" పాట పాడి, వెలుగు కింద స్కేట్ చేస్తారు.

టెరానొడోన్ కుటుంబం సముద్ర గర్భం లో డైనోసార్ ట్రైన్ మీద స్నేహితుడు ఎల్మర్ ఎలాస్మొసారస్ ని చూడటానికి వెళ్ళినప్పుడు, ఎలాస్మొసారస్ కుటుంబం నివాసం నుంచి, వారి ఆహారమైన చేపలను వెంటాడుతూ వెళిపోతున్నారని తెలుసుకుంటారు. బడ్డి కి వాళ్ళతో వెళ్ళాలనిపిస్తుంది కాని, ట్రైన్ సొరంగం అటు వైపు వెళ్ళదు. అందుకు కండక్టర్, కుటుంబాన్ని ఒక సరికొత్త ఆవిష్కరణైన డైనోసార్ ట్రైన్ సబ్మరీన్ లో తీసుకెళ్ళడానికి నిర్ణయిస్తారు.