ద లెజెండ్ ఆఫ్ వాక్స్ మాకినా

వాక్స్ మాకినా బృందం విజయంసాధించి ఎమన్ ఇంటికి చేరుకుంటుండగా పురాతన డ్రాగన్‌ల క్రోమా సదస్సు దాడి చేస్తుంది. వాక్స్ మాకినా ఎంత ప్రయత్నించినా, డ్రాగన్‌లు నగరాన్ని నాశనం చేస్తాయి. దీనితో వాక్స్ మాకినా బృందం తప్పించుకుని పారిపోవాల్సివస్తుంది.

వాక్స్ మాకినా బృందం మిత్రులను వెతకటంకోసం రహస్య మార్మిక నగరం వాసెల్‌హీమ్‌కు ప్రయాణిస్తుంది. అయితే అక్కడ వాళ్ళు అరుదైన జంతువులను వేటాడే వేటగాళ్ళ బృందంగా మారాల్సివస్తుంది. క్రోమా కాంక్లేవ్ డ్రాగన్‌లపై పోరాటంలో ఉపయోగపడే ఒక కీలక సమాచారం కలిగిఉన్న ఒక పురాతన ప్రాణిని వాక్స్ మాకినా కలుసుకుంటుంది.

క్రోమా కాంక్లేవ్ డ్రాగన్‌లపై పోరాటంలో తమకు సహాయపడుతుందని భావిస్తున్న పౌరాణిక ఆయుధంకోసం వెతుకుతూ వాక్స్ మాకినా కాకుల యజమానురాలి పురాతన దేవాలయానికి వెళుతుంది. స్లేయర్స్ టేక్‌కు చెందిన పాత ప్రత్యర్థులతో జట్టుకడుతుంది. దేవాలయం లోలోపలకు వెళుతూ ఉండగా వాక్స్ మాకినా అనేక ప్రమాదాలను ఎదుర్కోవాల్సివస్తుంది. మునిగిపోయిన సమాధి దగ్గరకు చేరుకునేటప్పటికి, బృందంలోని ఒక సభ్యుడు ఒక దారుణమైన పొరపాటు చేస్తారు.

బృందంలోని సభ్యుడి ప్రాణాలను కాపాడలనే తపనతో, కాకుల యజమానురాలితో వేక్స్ ఒప్పందం కుదుర్చుకుంటాడు. తన ప్రాణాలను పణంగా పెడతాడు. యజమానురాలు ఈ ఒప్పందానికి ఒప్పుకున్నట్లు అనిపిస్తుంది. మునిగిపోతున్న దేవాలయంనుంచి బయటపడటానికి వాక్స్ మాకినా విశ్వ ప్రయత్నం చేయాల్సివస్తుంది. వింత భ్రాంతులకు గురయిన వేక్స్, తాను ఎలాంటి నిర్ణయం తీసుకున్నానో తెలుసుకుంటాడు.

తదుపరి చిహ్నాన్ని కనిపెట్టటంకోసం వాక్స్ మాకినా ప్రయాణిస్తుంటుంది. ఫైర్ అషారి ప్రజల జన్మస్థలమైన పైరా పక్కనుంచి పోతున్న వాక్స్ మాకినాకు ఆ గ్రామస్తులు దిగులుగా ఉన్నట్లు తెలుస్తుంది. ఒక ద్వారంగుండా ఈ ప్రపంచంలోకి వస్తున్న అషారి అగ్ని ప్రాణులకు ఈ బృందం సహాయం చేయాల్సివస్తుంది. వాళ్ళు ఆ ద్వారాన్ని మూయటానికి ప్రయత్నిస్తుండగా, కీలెత్‌ తనలో అంతర్గతంగా ఉన్న బలం గురించి తెలుసుకుంటుంది.

తదుపరి చిహ్నం ఉన్న రైమ్‌క్లెఫ్ట్ అనే మంచు బంజరుభూమి దగ్గరకు వాక్స్ మాకినా బృందం చేరుకుంటుంది. ఒసీసా స్నేహితురాలైన కమల్‌జియోరి అనే మార్మిక స్ఫింక్స్‌ను బృందం కలుస్తుంది. పురాతన విజ్ఞానానికి కాపలా కాస్తున్న ఆ స్ఫింక్స్, వాక్స్ మాకినాకు ఒక పరీక్షలో పాల్గొనాలని సవాల్ విసురుతుంది. బృందం ఆమెతో యుద్ధం చేయాల్సివస్తుంది. కానీ, వాళ్ళు గెలిచినాకూడా, వారికి మరొక కొత్త, ఊహించని ప్రమాదం ముంచుకొస్తుంది.

నల్ల డ్రాగన్ ఉంబ్రసిల్ నుంచి తప్పించుకున్న తర్వాత వాక్స్ మాకినా విడిపోతుంది. సగంమంది మార్మిక ఫే రాజ్యం అనే వేరే పరిమితిలో తప్పిపోతారు. తదుపరి చిహ్నాన్ని సాధించేందుకు ప్రయత్నిస్తుండగా వాళ్ళకు వింత ప్రమాదాలు ఎదురవుతాయి. మరోవైపు బృందంలోని మిగిలినవారు ఒక బలమైన శాపంవలన దెబ్బతిన్న గ్రాగ్‌కు నయం చేయించటానికి వెస్ట్‌రన్‌కు ప్రయాణిస్తారు.

ఫే రాజ్యంలో వాక్స్ మాకినా బృందానికి సింగార్న్ అనే నగరం కనబడుతుంది. వేక్స్ మరియు వెక్స్‌ల తండ్రిని కలుసుకుంటారు. ఉద్వేగభరిత కలయిక చోటుచేసుకుంటుంది. తర్వాత తమ తదుపరి చిహ్నం ఫెంత్రాస్ విల్లుకోసం వాక్స్ మాకినా బృందం ఫే రాజ్యంలో తీవ్రంగా వెతుకుతూ ఉంటుంది. దానిని సాధించటంకోసం వాళ్ళు ఒక ప్రాచీన దేవతతో పోరాడాల్సివస్తుంది. మరోవైపు తార్ దొరెయ్‌లో స్కాన్లన్, పైక్ గ్రాగ్‌కు నయం చేయించటానికి ప్రయత్నిస్తుంటారు.

తదుపరి చిహ్నం అయిన టైటాన్‌స్టోన్ చేతి తొడుగులు వెస్ట్‌రన్ నగరంలో ఉన్నాయని తెలుసుకున్న పైక్, స్కాన్లన్ వాటిని గ్రాగ్ బాబాయి కెవ్‌డాక్ నుంచి సంపాదించటానికి ఓ పథకం వేస్తారు. కానీ క్రేవెన్ ఎడ్జ్ శాపం ప్రభావంతో ఇంకా బలహీనంగానే ఉన్న గ్రాగ్ ఆ పథకాన్ని వ్యతిరేకిస్తాడు. తనను గతంలో తన బాబాయి వెళ్ళగొట్టాడని, ఇప్పుడు కెవ్ డాక్ తో పోరాడటానికి మానసికంగా, శారీరకంగా తన బలం సరిపోతుందా అనిగ్రాగ్ అడుగుతాడు.

భయంకరమైన శాపం ప్రభావంతో ఇంకా బలహీనంగా ఉన్నప్పటికీ గ్రాగ్ కెవ్‌డాక్‌తో యుద్ధానికి దిగుతాడు. యుద్ధం ఘోరంగా జరుగుతుంది. కెవ్‌డాక్ తన టైటాన్‌స్టోన్ చేతి తొడుగులతో గ్రాగ్‌ను చితకబాదుతాడు. గ్రాగ్ పడిపోబోతుండగా, వాక్స్ మాకినాలోని మిగిలిన మిత్రులు సమయానికి వచ్చి యుద్ధంలో పాల్గొంటారు.

స్కాన్లన్‌కు తన గతంగురించి దిమ్మతిరిగే, దిగ్భ్రాంతికర నిజం తెలుస్తుంది. భ్రాంతులతో ఉక్కిరి బిక్కిరి అవుతున్న వేక్స్, దేవాలయానికి వెళ్ళి వాళ్ళ రహస్య గతాన్ని తెలుసుకోవటానికి కాకుల యజమానురాలిని ఎదుర్కొంటాడు. అదే సమయంలో, వాక్స్ మాకినా బృందం గ్రాగ్ ముఠాతో జట్టుకట్టి ఉంబ్రసిల్‌పై కన్ను వేస్తుంది. వాళ్ళు ఆ భయంకర నల్ల డ్రాగన్‌ను పడగొట్టటంకోసం ఒక దాడికి పథకం వేస్తారు.

నల్ల డ్రాగన్ ఉంబ్రసిల్ తమ దాడినుంచి తప్పించుకోవటంతో, వాక్స్ మాకినా దాని వెంటబడి గట్‌షాడో కొండల దగ్గరకు వెళుతుంది. భయానక కొండలు, గుహలలో ఆ డ్రాగన్‌ను అంతమొందించటానికి వాక్స్ మాకినా శతవిధాలా ప్రయత్నిస్తుంది. తర్వాత ఒక కొత్త స్నేహితురాలు ఈ బృందానికి దగ్గరవటానికి వస్తుంది. కానీ ఆమెను నమ్మవచ్చో, లేదో వాక్స్ మాకినాకు అర్థం కాదు.