பி.ஐ. மீனா - சீசன் 1

ஒரு கொடூரமான சாலை விபத்தில் ஒரு இளைஞன் கொல்லப்படுகிறான். அவன் தாய் சந்தனா அது ஒரு விபத்தல்ல என்று மீனாக்ஷியிடம் சொல்லி அதை விசாரிக்கும்படி வேண்டுகிறாள். கொலைகளை விசாரிப்பது பிஐக்களின் வேலையல்ல என்று கூறி மீனாக்ஷி அதை மறுக்கிறாள். ஆனால் அவளால் விலகியிருக்க முடியுமா?

உறுதியாக தெரியாத நிலையில், மீனாக்ஷி தோண்டத் தொடங்குகிறாள். கிழக்கு ஹிமாலய பிரதேசத்தின் லிட்னாங் கிராமத்தில் ஏற்பட்டிருக்கும் மர்மமான வைரஸ் பரவலுக்கும் இறந்த இளைஞனுக்கும் ஏதோ ஒரு தொடர்பு இருப்பதாக அவள் சந்தேகிக்கத் தொடங்குகிறாள்.

அந்த இளைஞன் உண்மையில் கொல்லப்பட்டிருக்கிறான் என்று இப்போது உறுதியாக நம்பும் மீனாக்ஷி, கொலையாளியை கண்டுபிடிக்க விளைவுகளைப் பற்றி யோசிக்காமல் லிட்னாங்குக்கு பயணம் மேற்கொள்கிறாள்.

அந்த வைரஸைப் பற்றி மீனாக்ஷி தனது கருத்தாக்கத்தை உருவாக்கத் தொடங்குகிறாள். தன்னுடைய உயிருக்கு அச்சுறுத்தல் ஏற்படக் கூடும் என்று விரைவிலேயே உணர்கிறாள் .

கொல்கத்தாவை சுற்றி ஒரு வைரஸ் பரவத் தொடங்குகிறது. மீனாக்ஷியின் விசாரணையும் சூடு பிடிக்கிறது. அவளின் புரிதலுக்கு அப்பாற்பட்ட ஒரு விஷயத்திலிருந்து விலகியிருக்கும்படி ஒரு மத்திய புலனாய்வு அதிகாரி மீனாக்ஷியை எச்சரிக்கிறார்.

வைரஸ் பரவலின் பிடியில் கொல்கத்தா சிக்கியிருக்க, கொல்கத்தா வைரசுக்கும் லிட்னாங் வைரசுக்கும் உள்ள தொடர்பை மீனாக்ஷி அறிகிறாள். அவளுக்கு தெரியாமல், அவளுடைய கூட்டாளிகளே அந்த வைரஸின் அடையாளத்துடன் விளையாடுகின்றனர். இந்த விஷயத்தை பற்றி மேலும் தெரிந்து கொள்ள அவள் மறுபடியும் லிட்னாங் செல்ல வேண்டும்.

சில அதிர்ச்சியூட்டும் கண்டுபிடிப்புகள் அவளுடைய இதயத்தை துளைக்கின்றன. தன்னுடைய விசாரணையை தொடரப் போவதில்லை என்று அவள் முடிவு செய்யும் வேளையில், அவளுடைய தோழி மீண்டும் அவளை அதில் ஈடுபடுத்துகிறாள். ஏனென்றால் இப்போது இது ஒரு இளைஞனின் மரணம் சம்பந்தப்பட்டது மட்டும் அல்ல, ஒரு இன அழிப்பையே தடுக்க வேண்டிய கட்டாயம்.

இறுதியில் மீனாக்ஷி உண்மையை கண்டறியும் போது, அவள் உடனே செயல்பட்டாக வேண்டும். விளைவுகளைப் பற்றி யோசிக்காமல் அவள் செயலில் இறங்குகிறாள்.