జూ

మాతృ దినోత్సవంనాడు చిన్నారి జూ, ఒక కేక్నుతయారుచేసి వాళ్ళ అమ్మను ఆశ్చర్యపరచాలనుకుంటాడు. తన బామ్మ సాయంతో, జూ తన మొదటి కేకును తయారు చేస్తాడు. కానీ, వాళ్ళ నాన్న అనుకోకుండా ఆ కేకును తినేయడంతో తనకు తానుగా మరొక కేకును తయారు చేయడం తప్ప జూకు ఇంకో దారి లేదు. ఇంతకీ జూ, వాళ్ళమ్మను ఒక కొత్త కేక్తో ఆశ్చర్యపరుస్తాడా?

జూ క్యాంపింగ్కు వెళ్తుండటంతో తన పర్యటన కోసం చాలా ఆసక్తిగానున్నాడు. జూ యొక్క తాత, తన పనులను ముగించుకున్న తర్వాత, పెరట్లో ఒక గుడారం వేయడంలో జూ మరియు ఎల్జీలకు సాయపడి, ఆఫ్రికాలో తన ప్రయాణం మరియు అక్కడుండే భయంకరమైన అడవి జంతువులను తాను కలుసుకున్న సంఘటనలగూర్చి వాళ్లకు చెప్తాడు.

తన గదిని చిందరవందర చేయడంతో పాటూ అల్లరి చేస్తున్నందుకుగాను జూకు వాళ్ళమ్మ చీవాట్లు పెట్టడంతో, అతడు తన ఇంటిని వదిలి వెళ్ళాలని నిర్ణయించుకుంటాడు. అతడు తన కుటుంబ సభ్యులందరికీ వీడ్కోలు చెప్పినప్పుడు, వాళ్ళందరూ అతడి ప్రయాణాన్ని సులభతరం చేసే వస్తువులను జూకు అందజేస్తారు. తనను ఎంతో ప్రేమించే అతడి కుటుంబాన్ని జూ వదిలి వెళ్తాడా? అంతేగాక జూ, తనకు తానుగా ఈ ప్రయాణం చేయగలడా?

ఓరోజు ఎల్జీ మరియు జూలు ఎప్పటిలాగే ఆడుకుంటుండగా, అతడు రాజు కాదని ఎల్జీ అతడిని ఎగతాళి చేస్తుంది. దానితో, రాజు పైనుండే బాధ్యతలు తెలుసుకోకుండానే, జూ రాజు కావాలని బలంగా కోరుకుంటాడు. రాజుకు కావాల్సిన కిరీటం మరియు సింహాసనాలను వెతికి పెట్టడంలో అతడికి, తన తాత సహాయం చేస్తాడు. ఈ చిన్నారి జీబ్రా రాజుగా తన హోదాను ఆనందిస్తాడో లేక తన నిర్ణయాన్ని వెనక్కి తీసుకుంటాడోనన్నవిషయం తెలుసుకోవాలనుకుంటే ఈ ధారావాహిక చూడండి.

తన తల్లితో కలిసి పోస్టు ఆఫీసుకు వెళ్ళినప్పుడు, ఓ అందమైన పోస్టు మాస్టరు, Mr. జోయ్ను కలుసుకున్న జూ, పోస్ట్ మాన్ ఉద్యోగం పట్ల చాలా ఆకర్షితుడవుతాడు. తన స్నేహితులు మరియు కుటుంబ సభ్యులకు పార్సిళ్లను అందజేయడం ద్వారా తన ఉద్యోగాన్ని ప్రారంభించిన జూ, ఈ ప్రక్రియ సరదా గొలిపేదనీ మరియు అదే సమయంలో విసుగు పుట్టించేదనే విషయాన్ని తొందరగానే తెలుసుకుంటాడు. ఇంతకీ అతడా పోస్ట్ మాన్ ఉద్యోగంలోనే ఉంటాడా?

ఓ డిటెక్టివ్గా జూ యొక్క మొట్టమొదటి కేసు, అతని బామ్మ యొక్క కనిపించకుండా పోయిన కట్టుడు పళ్ళను కనిపెట్టడం. ఈ కట్టుడు పళ్ళ వెనుకనున్న రహస్యాన్ని పరిష్కరించే క్రమంలో, ఎల్జీ యొక్క కనిపించకుండా పోయిన సంచి, తాతయ్య యొక్క చాలా కాలం క్రితం పోయిన పెళ్లి చిత్రం, బామ్మ అల్లిక సూదులు మరియు తన తండ్రి టైలను కనుగొంటాడు. కానీ, అతడు వెతుకుతున్నది మాత్రం ఎక్కడా తారసపడలేదు. జూ, తన బామ్మ యొక్క కట్టుడు పళ్ళను కనుగొనగలడా?

ఆంట్ జెల్దా మరియు కజిన్ జిన్నియా వస్తుండటంతో, వాళ్ళు వచ్చేలోపే జూ యొక్క గదిలో డజన్ల కొద్దీ చిందర వందరగా పడిఉన్న అతడి బొమ్మలను తీసి వాళ్ళమ్మ శుభ్రం చేయమంటుంది. పసిపిల్లలు ఆడుకునే బొమ్మ తనవద్దనుండటం వలన జూ ఇబ్బందిగా భావించి, తన పళ్ళ రింగ్ బొమ్మను వదిలించుకోవాలనుకుంటాడు. ఆ బొమ్మను జిన్నియా చూడకముందే దానిని దాచిపెట్టి అతడిని ఆటపట్టించాలనుకుంటాడు. తగిన సమయంలో ఆ పనిని చేయగలడా?

జూ అకస్మాత్తుగా ఎతైన మరియు ప్రమాదకరమైన పర్వతాలను అధిరోహించేందుకు ఆకర్షింపబడి, ఎదో ఒక రోజు లక్ష్యాన్నిచేరుకున్నఓ పర్వతారోహకుడిగా కావాలని ఆశ పడతాడు. కానీ, దగ్గరలో ఏ పర్వతాలూ లేనందున అతడు నిరుత్సాహపడతాడు. జూ యొక్క తాత తన మనవడితో కొంత మంచి సమయం గడిపేందుకు ఇదొక అవకాశంగా భావించి, భవిష్యత్తులో నిజమైన పర్వతాన్ని అధిరోహించిన అనుభవాన్ని అతడికి కలిగించేందుకు, వాళ్ళ ఇంటి పైకి ఎక్కడంలో జూకు సహాయం చేస్తాడు.

జూ మరియు ఎల్జీలకు పాఠశాలలో ఒక వారాంతపు ప్రాజెక్టును కేటాయిస్తారు. ఈ ప్రాజెక్టులో భాగంగా, వారు తమ దినచర్యను ఒక డైరీలో పొందుపరచవలసి ఉంటుంది. ఎల్జీ తన రోజువారీ అనుభవాలను చిత్రీకరించాలనుకోగా, జూ మాత్రం తన ప్రాజెక్ట్ ప్రత్యేకమైనదిగా కనిపించాలని, తన డైరీకి ఛాయాచిత్రాలను జోడించేందుకై అతని తల్లిదండ్రుల కొత్త కెమెరాను తీసుకుంటాడు. కానీ ఆ కొత్త మరియు ఖరీదైన కెమెరాను అతడు పోగొట్టుకున్నప్పుడు ఏం జరుగుతుందో?

తన పెద్ద ఇంట్లో ఎప్పుడూ తానొక్కడే ఆడుకుంటున్నందున జూ ఒంటరి వాడిలా భావిస్తున్నాడు. కావున, ఒక అందమైన చిన్న కుక్కను పెంచుకుని, దానితో మాట్లాడుకోవాలనీ, ఆడుకోవాలనీ ఆరాటపడతాడు. వాళ్ళ అమ్మానాన్నలు మాత్రం జూకు సరైన భాద్యత లేదని, దానికి అయిష్టానంగానే నిరాకరిస్తారు. తన తాత మాత్రం వాళ్ళ పెరట్లో ఎన్నో చిన్న జంతువులు ఉన్నాయనీ, తాను వాటిని దత్తత తీసుకుని పెంచుకోవచ్చని చెప్పి విచారంలోనున్న జూను ఒప్పిస్తాడు.

తన పుట్టినరోజు నాడు, ఆఫ్రికాలో ఉండే తన మామయ్య నుండి జూకు ఒక డోలు వస్తుంది. దానికి ఆకర్షితుడై, రోజంతా దానిని గట్టిగా వాయిస్తూ, తన కుటుంబానికీ, ఇరుగు పొరుగువారికి చికాకు తెప్పిస్తాడు. అతని తల్లిదండ్రులు అతడా డోలును వాయించకుండా చేయాలనుకుంటారు. చాలా చికాకు కలిగించడంతో, అతడా డోలును వాయించకుండా చేస్తారు. తోటలో మొహంముడుచుకుని కూర్చున్న జూను చూసిన వాళ్ళ బామ్మ, అతడికో సంగీత పాఠాన్నినేర్పాలనుకుంటుంది.

తన పాఠశాల వాళ్ళు జూకు గోల్డీ అనే పేరుగల ఒక పొద్దుతిరుగుడు పూవునిచ్చి, దానిని ఒక రోజంతా జాగ్రత్తగా చూసుకోమంటారు. అతడు చాలా అంకిత భావంతో దానిని జాగ్రత్తగా చూసుకుంటాడు. దాని కాపలాలో నిమగ్నమయ్యి, ఎల్జీతో ఆడటం మర్చిపోతాడు. అతడు ఆ పూవుకోక ప్రత్యేకమైన కానుకను ఇవ్వదలచి, వాళ్ళ తాతతో బయటకెళ్తాడు. సూర్యాస్తమయానికి తిరిగి వచ్చిన జూ, గోల్డీ వంగిపోయి ఉండడం చూసి, అది బాధలో ఉందని ఆందోళన చెందుతాడు.

తన అభిమాన హాస్య పుస్తకాన్ని చదివిన తరువాత జూ అరుణ గ్రహానికి వెళ్లాలనుకుని, ఎల్జీని తనతో పాటు రమ్మనమంటాడు. అతడి తాత వాళ్లకు రాకెట్ బూస్టరు మరియు శిరస్త్రాణాలతో ఓ పూర్తి రాకెట్ను నిర్మిస్తాడు. మార్షియన్ తాత మార్గనిర్దేశంలో అరుణ గ్రహానికి వెళ్లి, అక్కడంతా లేత నారింజ రంగులో ఉందని తెలుసుకుంటారు. తిరిగి వస్తుండగా, ఒక రాకెట్ బూస్టర్ లేదని కనుగొంటారు. వాళ్ళు దాన్ని కనిపెట్టి, తిరిగి భూమికి చేరుకోగలరా?

సమీపంలోనున్న ఉద్యానవనంలో ఓ కమ్యూనిటీ ఆర్ట్ పోటీ జరుగుతుండటంతో, జూ మరియు ఎల్జీలు ఆ పోటీలో పాల్గొంటున్నారు. జూ, ఓ బొమ్మను గీయాలా లేక శిల్పాన్ని గానీ కుడ్యచిత్రాన్ని గానీ గీయాలా అనే అయోమయంలో ఉంటాడు. చివరకు, వాటన్నింటినీ కలిపి ఒకే పటంలో చేరుస్తాడు. అతడా పోటీలో గెలవలేకపోయినప్పటికీ, అతడి చిత్రం, దాని ప్రత్యేకత కారణంగా ఆ ఉద్యానవనంలో ప్రదర్శించబడుతుంది.

ఒక స్థానిక విలేఖరి తన వార్తాపత్రిక కోసం చేసిన పనిని చూసి ప్రేరణ పొందిన జూ, తాను స్వంతంగా ది డైలీ జూ పేరుతో ఓ కొత్త వార్తాపత్రికను ప్రాంభించాలనుకుంటాడు. కొన్నిఉత్తేజకరమైన మంచి కథలను అన్వేషించడానికై జూ తన సొంత ఇంటినుండి మొదలుపెట్టి తన ఇరుగు పొరుగు ఇళ్ళకి వెళ్తాడు. రోజంతా కష్టపడినప్పటికీ, జూ ఒక మంచి కథను వెతకడంలో చాలా ఇబ్బంది పడతాడు. జూ తన వార్తాపత్రిక కోసం ఒక ఉత్తేజపరిచే కథను తయారు చేయగలడా?

పోక్ అనారోగ్యంతో ఉండటంతో వైద్యుడి దగ్గరకు వెళ్లాల్సిన అవసరముంది. కానీ, వైద్యుడి దగ్గరకు వెళ్లకుండా ఉండటానికై అతడు ఎవరి కంటా పడడు. తరువాత, పోక్ తన టీకా మందు వేసుకోవాల్సిన అవసరం కూడా ఉందని తెలుసుకున్న జూ చాలా భయపడతాడు. జూ వాళ్ళమ్మ అతడికి నచ్చజెప్పిన తరువాత, ఆ భయపడుతున్న పక్షిని అతడు ఊరడించడానికి ప్రయత్నించడంతో, ఇద్దరూ కలిసి వైద్యుడి వద్దకు వెళ్తారు.

వాళ్ళ తోటలో కూరగాయల విత్తనాలు వేస్తున్న తన తాతకు జూ సహాయపడతాడు. కానీ, పక్షులు ఆ విత్తనాలను తినకుండా చేయడంలో చాలా ఇబ్బంది ఎదుర్కొంటారు. వారి విత్తనాలను కాపాడేందుకుగాను, వాళ్ళ తాత ఓ దిష్టిబొమ్మను ఏర్పాటు చేయమని సలహా ఇవ్వగా, జూ మరియు తాత కలిసి పాత బట్టలనుపయోగించి సొంతగా ఒక దిష్టిబొమ్మను తయారుచేస్తారు. కానీ, పోక్ను కూడా భయపెట్టడం వలన అది కలత చెందుతుంది. తోటపని మరియు పొక్లలో వారు దేనిని ఎంచుకుంటారు?

భారీ వర్షాల కారణంగా, జూ, ఎల్జీ, జిన్నియాలు పట్టణంలోని హాలోవీన్ దుస్తుల ఉత్సవానికి హాజరు కాలేకపోతారు. కావున, వాళ్ళ బామ్మ యొక్క హాలోవీన్ బిస్కట్ల తయారీ సామాగ్రిని కనుక్కునేందుకు ఓ నిధి వేట ఆటను ఆడమని వాళ్ళ తాత సూచిస్తాడు. జూ, ఎల్జీ, జిన్నియాలు ధైర్యమున్న తాంత్రికులు మరియు మంత్రగత్తెల్లా వేషమేసుకుంటారు. జూ ఆ సామాగ్రిని కనిపెట్టడానికి మధ్యలో ఇబ్బంది పడినా, తరువాత ఎల్జీ మరియు జిన్నియాలను కలుసుకుంటాడు.

జూ మరియు ఎల్జీలు బొమ్మలు గీయడానికి కూర్చుని ఉండగా, వారి కిటికీ వెలుపల ఓ ఇంద్రధనుస్సును చూస్తారు. వాళ్ళ తాత వారికి ఇంద్రధనస్సు ఏర్పడే విధానాన్ని వివరిస్తూ, ఆ ఇంద్రధనుస్సు చివరిలో బంగారు కుండ ఉందని చెప్తాడు. వారు చాలా ఉత్సాహపడి, ఆ నిధికోసం వెతుకుతూ, ఆ వెతుకులాటలో విఫలమవుతారు. తరువాత, వారొక ఇంద్రధనస్సు బొమ్మను గీసి, దానిని తోటలో వేలాడదీస్తుండగా, వాళ్ళ బామ్మ చేసిన బిస్కెట్లను చూస్తారు.

జూ తన విమానంతో ఆడుకుంటూ, తన ఇంట్లో తానో గందరుగోళం సృష్టించిన విషయం తెలుసుకోలేకపోతాడు. వాళ్ళమ్మ అతడిని ఇంటిని శుభ్రపరచమని అడుగుతుంది. మాటిచ్చినట్లుగానే, జూ తన ఇంటిని శుభ్రపరచడం మొదలుపెట్టగా, వాళ్ళమ్మమ్మా తాతయ్యలు తమకు సహాయం చేయడానికి జూను పిలవడంతో జూ పరధ్యానంలోకి వెళ్తాడు. ఇంటిని శుభ్రపరుస్తానని వాళ్ళమ్మకు ఇచ్చిన మాటను జూ నిలబెట్టుకోగలడా?

పాఠశాల నుండి తిరిగి వచ్చిన తరువాత, జూ తన భవిష్యత్ ఉద్యోగ ప్రణాళికల గూర్చి ఎల్జీతో చర్చిస్తున్నాడు. కార్ఖానాను సర్దడంలో వాళ్ళ తాతకు సహాయపడుతుండగా, అతడికి రెండు వాకీ టాకీలు తారసపడతాయి. వాళ్ళ బామ్మ ఆమె గదిలో కూర్చునే తన పనులను చేసుకోవడంలో ఆమెకు సహాయం చేయాలనే ఉద్దేశ్యంతో జూ, వాళ్ళ బామ్మకు ఒక వాకీ టాకీ ఇస్తాడు. వాళ్ళ తాత యొక్క పాత వాకీ టాకీలు చివరకు ఉపయోగంలోకి వచ్చినందుకు ఆ కుటుంబం చాలా సంతోషిస్తుంది.

బేక్ ఆఫ్ పోటీలో తన 'చెర్రీ పై' పట్ల జూ చాలా ఆసక్తిగా ఉన్నాడు. ఇంతలో, వాళ్ళ తాత తన కార్ఖానా యొక్క తాళం చెవులను పోగొట్టుకుంటాడు. తరువాత, ఆ తాళం చెవులను వెతికే క్రమంలో, అవి జూ యొక్క ఫైలో ఉన్నాయని తెలుసుకుంటాడు. అతడు, 'చెర్రీ ఫై' పోటీని నిర్వహిస్తున్న మిస్టర్ జోయ్ను కలుసుకుంటాడు. వాళ్ళ తాత తన తాళం చెవులను కనిపెట్టి, ట్రోఫీని సమయానికి తీసుకురాగలడా? 'చెర్రీ పై బేక్ ఆఫ్' పోటీలో విజేతగా ఎవరు నిలుస్తారు?

జిప్ ది జీబ్రాస్ సూపర్ హీరో' అనే చలనచిత్రాన్నిచూసి, జూ మరియు వాళ్ళ తాత ఇంటికి తిరుగు పయనమవగా, జూ తాను కూడా ఓ సూపర్ హీరో అవ్వాలని ఆరాటపడతాడు. అతడు తన అద్భుత శక్తులను తెలుసుకోవడానికై ప్రయత్నాలను మొదలుపెట్టాడు. అయస్కాంతాలు, పరుగెత్తడం, ఉపయోగకరమైన వస్తువులుంచే పెట్టె మొదలైన అన్నింటినీ ప్రయత్నిస్తాడు. అద్భుత శక్తులనేవి కేవలం సాధారణమైనవేననీ, వ్యక్తిత్వం వలెనే మనిషి సూపర్ హీరో అవుతాడని జూ తెలుసుకోగలడా?

ఓ అందమైన రోజున, అన్ని చిన్నారి జీబ్రాలు ఓ పెద్ద నృత్య పోటీలో పాల్గొనడానికి సిద్దపడతాయి. ఏదైతేనేం, నృత్యమనేది కేవలం అమ్మాయిలకే అని జూ నమ్ముతుండటంతో, అతడంత ఆసక్తి కనబర్చడు. తరువాత, అతడు జీనియాను కలవగా, బాలే నృత్యాన్ని పూర్తిగా నేర్చుకుని, ఈ నృత్య పోటీలో పాల్గొనమని జూకు ఆమె సవాలు విసురుతుంది. జూ, నృత్యమంటే తనకున్న భయాన్ని పోగొట్టుకుని ఆ నృత్య పోటీలో నెగ్గుతాడా?

జూకు కొత్తగా ఓ ఇంద్రజాలికుడు కావాలనన్న ఆసక్తి మొదలవడంతో, అతడు తన కొత్త యుక్తులనుపయోగిస్తూ ప్రేక్షకులను అలరించాలన్న ఉత్సుకతతో ఉన్నాడు. వాళ్ళ తాత జూకు సహాయం చేయదలిచి అతడికోసమొక మాయా పెట్టెను కొంటాడు. కానీ, జూ తన సహాయకుడిని అదృశ్యంచేసే గారడీని చేయాలనుకుంటాడు. తద్వారా, వాళ్ళ తాత పోక్ను అదృశ్యం చేసేందుకుగాను ఒక చిన్న మాయా పెట్టెను అందిస్తాడు. జూ తన గొప్ప మాయా గారడీని విజయవంతంగా అమలుపరచగలడా?