కోవిడ్-19 ఆస్ట్రేలియా తీరాన్నికూడా తాకటంతో ఫుట్ బాల్ క్రీడా చరిత్రలోనే ఎన్నడూ లేనివిధంగా 2020 సంవత్సరం ప్రారంభమయింది. మహమ్మారి అత్యంత వేగంగా వ్యాపిస్తూ, నిమిష నిమిషానికీ అనేక విషాదాలను చవిచూపించింది. ఈ లీగ్ మొదటి రౌండ్‌ను అయినా నిర్వహించగలదా?

ఓ వైపు ఆటగాళ్ళు, కోచ్‌లు కొత్త సీజన్ యొక్క నియమాలు, నిబంధనలతో సతమతమవుతుండగా, మరోవైపు అంతర్జాతీయంగా వెల్లువెత్తిన బ్లాక్ లివ్స్ మేటర్ ఉద్యమానికి ఏఎఫ్ఎల్ మద్దతు పలికింది. మ్యాచ్‌లు మొదలవగానే, ఎవరూ ఊహించని జట్లు విజయాలు చేజిక్కించుకుంటుండగా, ప్రతిభావంతులతో కూడిన జట్లు కొత్త పరిస్థితులకు సర్దుకోవటంకోసం ఇబ్బందిపడుతున్నాయి.

కోవిడ్-19 నేపథ్యంలో జరుగుతున్న ఈ సీజన్‌కు తగ్గట్టుగా మారటానికి ఆటగాళ్ళు, క్లబ్‌లు ప్రయత్నిస్తున్న క్రమంలో ఉద్రిక్త పరిస్థితులు నెలకొంటాయి. పలువురు ఆటగాళ్ళు ఫామ్ లోకి రావటానికి ఇబ్బందిపడుతుండగా, సన్స్ జట్టు తమ దూకుడును కొనసాగించటానికి ప్రయత్నిస్తుంటుంది. సోషల్ మీడియాలోని ఒక గొడవ నిక్ నైటనూయీకు తలనొప్పిగా మారుతుంది.

సీజన్‌ను సజీవంగా ఉంచేందుకుగానూ, "ఫ్రూటీ ఫ్రెంజీ" అనే పేరుతో 20రోజుల అతి తక్కువ వ్యవధిలో 33 గేమ్‌లు జరుగుతాయని ఏఎఫ్ఎల్ ప్రకటిస్తుంది.దీనికి భారీ మూల్యం చెల్లించుకోవలసి వస్తుంది, ఆటగాళ్ళు, సిబ్బంది గాయాల పాలవుతారు, పరాజయాలు, ఏకాంతవాసం, మిత్రులు, కుటుంబంనుంచి దూరంగా జీవించాల్సిరావటం వంటి పరిణామాలను ఎదుర్కోవలసి వస్తుంది.

ఫైనల్ 8 లో స్థానంకోసం క్లబ్‌లు అన్నీ తలపడుతుండటంతో పోటీ బలంగా మారింది. ప్రతి ఆటగాడూ అత్యుత్తమ పనితీరును ప్రదర్శించటానికి అవసరమైన స్ఫూర్తికోసం, ఆత్మస్థైర్యంకోసం వెతుకుతున్నారు. ప్రతివాడూ కుటుంబమో, తమ క్లబ్ చరిత్రో, ఆత్మ విశ్వాసమో, మతవిశ్వాసమో, ఏదో ఒక విషయంకోసం వెతుకుతున్నారు. ఏఎఫ్ఎల్ ఇండిజీనస్ రౌండ్ డార్విన్‌లో మొదటిసారి జరుగుతోంది, ఈ ఫలితంతో ఫైనల్స్ రేసునుంచి ఎవరు వైదొలుగుతారో తెలిసిపోతుంది.

కెప్టెన్ రోరీ స్లొవాన్ నాయకత్వంలోని అడిలైడ్ క్రోస్ మరియు కెప్టెన్ కొంగ్లియో నేతృత్వంలోని జీడబ్ల్యూఎస్ జట్లు సీజన్‌ ఫలితాన్ని నిర్దేశించే పోటీలో తలపడుతుంటాయి.ఇది సీజన్‌కే ఒక దుర్లభమైన ముగింపు అవనుండటంతో కొన్ని జట్లు భవిష్యత్తుపైన దృష్టిపెట్టటం ప్రారంభిస్తాయి, మరికొన్ని జట్లు టాప్-8లో స్థానంకోసం తీవ్రంగా పోరాడుతుంటాయి.

విక్టోరియా బయట జట్ల అనూహ్యమైన ఫైనల్ సీరిస్‌తో సీజన్ ముగుస్తుంది. ఫుట్ బాల్ చరిత్రలో మొదటిసారిగా, గ్రాండ్ ఫైనల్ మెల్బోర్న్ క్రికెట్ గ్రౌండ్‌లో కాకుండా మరో చోట రాత్రి జరుగుతుంది. ఏడాది ఎలా ఉన్నా, సీజన్ ఉత్సాహంగా ముగిసింది.