F#Ck1Ng Social Media

Si Amanda, isang tumatandang influencer, ay nahihirapang panatilihin ang paso niyang kasikatan sa social media, habang si Vicky Moo, ang bagong kinahuhumalingan sa TikTok, ay ipinaglalaban ang ideyang mamuhay nang normal, malayo sa nangongontrol niyang tatay at manager. Mapipilitan silang dalawa na magsama sa isang bahay at mapagtantong taglay nila ang kailangan ng bawat isa.

Kailangang itago ni Amanda ang pagsisinungaling, pero kailangan niya ring samantalahin ang pagiging trending para sa reality show. Gayunpaman, magiging mas komplikado ang lahat nang makilala niya si Paty, isang aktibistang laban sa online harassment. Titindi ang kompetisyon sa pagitan nina Amanda at Vicky nang matanto ng huli na ang reality show ang kanyang tanging pagkakataong maging malaya.

Lalaban ang magkapatid sa ibang mga influencer para sa reality show. Nais ni Amanda na gumawa ng viral video kasama ang kapitbahay ni Chiri na si Ricardo, habang irerekord ni Vicky ang mga pangarap niya kasama si Emilio. Habang sumisikat si Vicky sa kompetisyon, kabaligtaran naman si Amanda. Gagawin ng magkapatid ang lahat para makaangat, kahit kapalit nito ay ang kanilang relasyon sa isa’t isa.

Sasamantalahin ni Amanda ang aksidente para sa sariling kapakanan, habang itatago naman ni Vicky ang nangyari kay Cesar. Malapit nang makamit ni Paty ang pagpasa ng kanyang batas, pero kapalit nito’y pakikipagtulungan sa kinaiinisang si Amanda. Habang unti-unting bumubuti ang lahat para kay Amanda, nagsimula namang lumayo ang mga taong mahalaga sa kanya.

Magsasagupaan sina Amanda at Vicky habang naghahanap ng mga bagong kampanya para manatiling sikat, ngunit wala nang tagagawa si Vicky sa kanyang team: si Cesar, na nasasanay na sa buhay na hindi manager. Sa kalagitnaan ng lahat, isang bagong kalahok ang pumasok sa arena: si Ricardolorido.

Kaarawan ni Cesar, kaya gustong patunayan nina Amanda at Vicky kung sino ang mas mabuting anak. Kukunin nila ang suporta nina Emilio at Ricardolorido, na magsasanhi ng matinding tensiyon sa kanilang lahat. Magiging sagupaan ang pagdiriwang ng kaarawan para matukoy kung sino ang pinakamagaling na influencer.

Magpapasya na ang channel kung sino ang finalist. Gagawin nina Amanda, Vicky, at Ricardolorido ang lahat para mapili, kahit pa ang kapalit niyon ay ang lahat ng mayroon sila.

Dumating na ang big event, kung saan iaanunsiyo ang panalo. Di hahayaan nina Vicky at Ricardolorido na basta manalo si Amanda. Manganganib sina Amanda at ang mga kaibigan niya, at kailangang gawin ang lahat upang hindi matalo. Ano ang handang isakripisyo ng mga influencer na ito para manalo sa reality show?