The Big Bang Theory

Sa premiere ng pangwalong season, hindi inaasahan ang pagbiyahe nina Leonard at Amy papunta sa Arizona para sunduin si Sheldon. Samantala, nag-apply si Penny para sa isang trabaho sa kumpanya ni Bernadette.

Nang mapilitan si Sheldon na magturo sa isang klase, nagulat ang lahat nang pasukan ito ni Howard. Samantala, nagbigay naman ng pagkakataon kay Amy ang tensyon sa pagitan nina Penny at Bernadette para siya ang lapitan ng dalawa. Nagbabalik ang guest star na si REGINA KING bilang Mrs. Davis, ang Director of Employee Relations ng Unibersidad.

Kinabahan si Howard nang hiniling sa kanya ng NASA na siya ang maghagis ng unang pitch sa isang laro sa Los Angeles Angels para sa National Space Day. Sinubukan ding patunayan nina Leonard at Penny na mali si Sheldon sa sinabi nito na sila ni Amy ang superior couple.

Dahil sa pag-amin ni Raj tungkol sa nakaraan niya, hindi pinapansin ng girlfriend niyang si Emily (nagbabalik na guest star na si LAURA SPENCER) si Penny. Samantala, pinag-isipan ng magkakaibigan na maging part-owner sa comic-book store ni Stuart.

Sinabihan nina Amy at Bernadette na "buzzkill" si Penny matapos itong makatanggap ng email mula sa trabaho sa kanilang weekend sa Vegas. Samantala, sinubukan ng mga lalaki na mag-imbento ng isang cool na bagay, pero mga bagong paraan ng pagbinbin ng gawain lang ang naisip nila.

Sinubukan nina Sheldon at Raj kung makakaligtas sila sa isang dark-matter research expedition sa minahan ng asin sa pamamagitan ng paggaya ng mga kundisyon sa isang steam tunnel sa ilalim ng lupa. Samantala, humingi ng payo sina Leonard at Penny kina Wolowitz at Bernadette pagkatapos nilang mag-away tungkol sa pera.

Sinubukang tulungan ng magkakaibigan si Penny sa isang alanganing sitwasyon sa trabaho, nang bisitahin siya ng isang doktor na nagkagusto sa kanya matapos maging epektibo ang mapang-akit niyang paraan ng pagbebenta. Samantala, nagtalo sina Amy at Bernadette kung dapat bang gamitin ng mga babaeng scientist ang kanilang sekswalidad.

Nang sinariwang muli ng magkakaibigan ang high-school prom night sa tuktok ng apartment building nila, napilitan si Sheldon na makisali sa lahat ng karaniwang romantikong ginagawa rito.

Nagkaroon ng maliit na operasyon sa ilong si Leonard, pero si Sheldon ang nangailangan ng simpatiya. Samantala, napipintong magdiborsyo ang mga magulang ni Raj, at nagtulak ito kina Howard at Bernadette na ayusin ang kanilang buhay bilang mag-asawa.

Habang malungkot na namamaalam si Sheldon sa panghuling installment ng "Fun with Flags," naghanap sina Leonard, Howard at Raj ng kapaki-pakinabang na bagay sa pananaliksik ng isang pumanaw nang propesor. At nagulat si Bernadette nang malaman niya mula kay Penny ang totoong saloobin ng mga katrabaho niya.

Humingi ng tulong sina Leonard at Howard kay Raj para sa isang emergency sa trabaho nang muntik na silang mag-away matapos sisihin ang isa't isa sa posibleng pinsala sa unibersidad. Naghanda naman ng tunay na Victorian Christmas party si Amy, habang nag-iisip naman si Sheldon ng ganti sa kanya dahil sa pagpilit niya ritong magdiwang sa holiday.

Nang magkasundo sa wakas ang magkakaibigan na gumawa ng bagay na magugustuhan ng mga babae, nagresulta ito sa komprontasyon sa pagitan nina Leonard at Sheldon.

Sa pag-asang magkaroon ng breakthrough sa science, hinikayat ni Sheldon ang mga kaibigan niya na pahirapan siya at gawin siyang miserable. Samantala, may inimbento si Wolowitz na nakakahiyang laro tungkol kay Raj.

Pagkatapos na magkasamang mag-publish ng physics paper sina Leonard at Sheldon, kailangan nila ngayong depensahan ang sarili laban sa pamumuna ng isang online bully. Pinag-usapan naman nina Penny, Amy at Bernadette sa girls' night ang mga nakakahiyang pangyayari sa nakaraan nila.

Nakatanggap ng nakakagulat na balita si Howard habang naghahanda ang lahat para sa muling pagbubukas ng comic book store ni Stuart. Tinuturuan ni Penny si Sheldon na kalimutan na ang galit niya pero hindi niya nasunod ang sariling payo nang malaman ang nakakainis na ginawa ni Amy. Sa palagay din nina Leonard at Raj ay nakita nila si Nathan Fillion sa isang restaurant.

Nang malaman ng magkakaibigan ang tungkol sa eksperimento na ginawa para mahulog sa isa't isa ang mga kalahok, sinubukan ito nina Sheldon at Penny bilang katuwaan. Samantala, tinatangka naman nina Leonard, Amy, Raj at Emily nang gabing iyon na makatakas sa isang silid na may "zombie." At nagkaaberya sina Bernadette at Howard sa airport pagkabalik nila mula sa libing ni Mrs. Wolowitz.

Nauwi sa pag-aaway ang pagpunta nila sa pet store nang malaman ni Amy na nag-apply si Sheldon para sa isang one-way na misyon para sakupin ang Mars. Sinorpresa rin ni Leonard si Penny ng isang "pilyong" bagay na binili nito; at nahuli si Raj na sumisilip sa apartment ni Emily.

Nagkaroon ng pag-aaway nang hindi nabanggit ng isang magazine si Leonard sa isang artikulo tungkol sa paper na magkasama nilang isinulat ni Sheldon. At dahil sa blackout na nangyari sa bahay ni Mrs. Wolowitz, nagsagawa ng panghuling family dinner para sa kanya.

Nang inimbitahan sina Leonard at Sheldon na magsalita sa UC Berkeley, nag-iba sila ng dinaanan para makasilip sa Skywalker Ranch ni George Lucas at makilala nila ang isa sa mga idolo nila. Sa Pasadena, pinag-aawayan nina Howard at Bernadette ang gagawin sa Dr. Who TARDIS niya, habang nagmungkahi naman sina Raj at Amy ng larong ping pong para maayos ang gulo.

May mahalagang bagay na pinagpasyahan sina Sheldon at Amy sa kanilang relasyon nang gumawa sila ng blanket fort. At nagulat si Wolowitz nang kumatok sa pinto niya ang isang lalaki na kapatid niya raw sa ama na hindi niya nakilala. At nang maimbitahan si Penny na lumabas sa podcast ni Wil Wheaton, nagkaroon sila ng mainit na pagtatalo ni Leonard habang on-air sila.

Nang pinagawa ng mensahe si Raj kung sakaling may madiskubreng alien sa misyon ng NASA, nagtalo ang magkakaibigan sa kung ano ang dapat niyang gawin. Samantala, hindi naman makapili si Penny sa pagitan ng pag-audition para sa isang pelikula o pananatili sa maganda niyang trabaho sa pharmaceutical sales.

Nakuwestyon ni Wolowitz ang mga abilidad niya sa engineering nang hindi nila mapalipad ni Sheldon ang isang drone. Samantala, muntik nang hindi makapagbigay ng commencement address sa dating niyang high school si Leonard dahil sa nakanselang flight. At pinag-away ni Raj ang mga magulang niya nang inalis ng ama niya ang pinansyal na suporta sa kanya.

Dahil sa magkaibang personalidad, nagkaroon ng mainit na pagtatalo ang mga ina nina Sheldon at Leonard (mga espesyal na guest star na sina LAURIE METCALF at CHRISTINE BARANSKI) nang magkakilala na sila sa wakas. Samantala, nagpasya si Howard na "magpakalalaki" at tumulong sa gawaing-bahay -- nang may kaunting tulong mula sa kanyang mga kaibigan.

Sa finale ng pangwalong season, pinipilit ni Sheldon sina Leonard at Penny na pumili na ng petsa para sa kasal nila, habang may dramatikong pagbabago naman sa sarili niyang relasyon kay Amy.