టోటెన్‌హమ్ హాట్‌స్పర్‌కు కొత్త సీజన్ ప్రారంభం కావడంతో, 2019 ఛాంపియన్స్ లీగ్ ఫైనల్‌కు ఉత్తేజితంగా చేరడం, వేసవిలో నిపుణులతో కొత్త ఒప్పందాలతో అంచనాలు పెరుగుతాయి. అయితే, మొదట కొన్ని నెలలలో లీగ్ టేబుల్‌లో కిందకు జారిపోవడంతో పిచ్‌పై ఫలితాలు నిరుత్సాహంగా ఉంటాయి, దీంతో ఛైర్మన్ డానియెల్ లీవీ కఠిన నిర్ణయం తీసుకుంటారు. దీనికి ఫలితం దక్కుతుందా?

వెస్ట్ హామ్ యునైటెడ్‌తో ముఖ్యమైన లండన్ డెర్బీకి ముందు మౌరిసియో పోచెటీనోను తొలగించి, ప్రపంచ ఫుట్‌బాల్‌లో అత్యంత ప్రముఖ కోచ్‌లలో ఒకరైన జోసే మరీనియో బాధ్యతలు స్వీకరించడంతో, స్పర్స్‌కు కొత్త శకం ఆరంభమవుతుంది. క్లబ్‌లో హృదయాలను, మసనులను గెలిచేందుకు జోసే ఏర్పాటు చేసే సమయంలో, అతని జట్టులో స్థానం నిలుపుకునేందుకు ప్లేయర్లు తమను తాము నిరూపించుకోవాల్సి ఉంటుంది.

జోసే మరీనియో హయాంలో అతని మాజీ క్లబ్ మాంచెస్టర్ యునైటెడ్‌తో మ్యాచ్‌లో టోటెన్‌హమ్ హాట్‌స్పర్ తొలి పరాజయం చవి చూస్తారు. ప్రీమియర్ లీగ్ టేబుల్‌లో పైకి ఎక్కేందుకు, మరియు ఛాంపియన్స్ లీగ్ స్థానాలలో పూర్తి చేసేందుకు విజయపు మార్గాలపై జట్టు దృష్టి పెట్టగా, ఈ సమయంలో జట్టులోని అనేకమంది సభ్యుల భవిష్యత్‌లను క్లబ్ పరిష్కరించాల్సి ఉంటుంది.

జోసే మరీనియో క్రిస్మస్ సమయంలో క్లబ్‌లో మొదటిసారి పెద్ద సవాలును ఎదుర్కుంటారు. గాయాల జాబితా పెరగడంతో అతను తప్పక క్లబ్ అకాడమీ వైపు చూసి, తన జట్టు ఎంపికను మరోసారి ఆలోచించాల్సి వస్తుంది. స్థానిక కుర్రాడు జాఫెట్ టంగాంగ హఠాత్తుగా తొలి జట్టు బృందంలో చోటు సంపాదించుకుంటాడు. తన జీవితంలోనే అతి పెద్ద గేమ్‌కు అతను సిద్ధం అవుతుండగా, తన జీవితకాలపు కలను నెరవేర్చుకోవడానికి ఈ కుర్రాడికి తగిన సమర్ధత ఉందా?

కొత్త ప్లేయర్లతో సంతకాల కోసం ఉన్నత క్లబ్‌లు పోటీ పడుతుండడంతో జనవరి బదిలీ విండో పూర్తి వేగంతో ఉంటుంది. జట్టుపై తన ముద్ర వేసేందుకు మరీనియోకు ఇది తొలి అవకాశం - డానీ రోజ్, క్రిస్టియన్ ఎరిక్సన్, జట్టులోని ఈ ఇద్దరు అత్యంత సీనియర్ ప్లేయర్ల భవిష్యత్‌పై పరిష్కరించాల్సి ఉండడంతో క్లబ్‌పై ఒత్తిడి పెరుగుతుంది. గడువు సమీపిస్తుండడంతో, ప్రస్తుత ఛాంపియన్లు మాంచెస్టర్ సిటీతో కీలకమైన గేమ్ కూడా ఆడాలి.

ఛాంపియన్లు అయిన మాంచెస్టర్ సిటీపై భారీ విజయం దన్నుతో పాటు, మూసా సిసోకో ఇకా హ్యారీ కేన్ వంటి తాజా సుదీర్ఘకాలం హాజరు కాలేని ఎడతెగని గాయాల జాబితా నిరంతరాయంగా పెరుగుతుంది. మూడు అంశాలపై క్లబ్ ఇంకా పోటీ పడుతుండడంతో వరుసను లీడ్ చేయడానికి జోసే మరీనియో అధికంగా హ్యూంగ్ మిన్ సన్ పై ఆధారపడతారు. కానీ మరో దారుణమైన గాయం అతని కెరీర్‌కు అంతం పలుకుతుందా?

విధుల్లో చేరి నాలుగు నెలలు అయినా ఫలితాలు సాధించడంలో జోసే మరీనియో ఇంకా కష్టాల మధ్యలోనే ఉంటాడు. రెండు పోటీలలో నాకవుట్ దశలను జట్టు ఎదుర్కుంటూ ఉండడంతో, అకాడమీలో ఉత్తీర్ణుడైన హ్యారీ వింక్స్‌కు కెప్టెన్ బాధ్యతలు ఇస్తారు, గోల్ కీపర్ మైకేల్ వార్మ్‌కు సీజన్‌లో తొలిసారిగా అవకాశం లభిస్తుంది. విజయాలు రావడం కష్టం కావడంతో, స్నేహితులైన డెలీ మరియు డైయర్‌లు పూర్తిగా, నిక్కచ్చిగా ఓటమిని పంచుకుంటారు.

టోటెన్‌హమ్ హాట్‌స్పర్ సీజన్‌లో సమతూకం వేలాడుతూ ఉంటుంది. వాళ్లు ఇంకా రెండు వైపులా పోరాడుతూనే ఉన్నారు, ఒకటి ఛాంపియన్స్ లీగ్‌లో ఆర్‌బీ లీప్‌జిగ్‌తో తప్పనిసరిగా గెలవాల్సిన మ్యాచ్, మరొకటి ప్రీమియర్ లీగ్‌లో టాప్ నాలుగులో ముగించే లక్ష్యంతో ఉంటారు. కానీ వాళ్లు చివరి పది గేమ్‌లపై దృష్టి పెట్టగా, క్లబ్ మరియు ప్లేయర్లపై కరోనావైరస్ మహమ్మారి ప్రభావం మొదలవుతుంది.

సీజన్ తిరిగి ప్రారంభం కాగా, యూరోపియన్ ఫుట్‌బాల్ తర్వాతి సీజన్ దక్కించుకోవడానికి స్పర్స్‌కు 8 గేమ్‌లుంటాయి. ఆర్సెనాల్‌తో ఉత్తర లండన్ డెర్బీతో సహా కొన్ని కఠిన మ్యాచ్‌లపై జోసే దృష్టి పెట్టాలి. హ్యూగో లారిస్, హ్యూంగ్ మిన్ సన్‌లకు పిచ్‌పై వాగ్వాదం నెలకొందని ఒత్తిడి వెల్లడిస్తుంది. వారి చరిత్రలో సుదీర్ఘ సీజన్ ముగిసే సమయానికి, స్పర్స్ భవిష్యత్ వైపు చూస్తూ ఇద్దరు సభ్యులకు వీడ్కోలు పలుకుతుంది.