Young Sheldon

Sa loob ng 10 taon sa The Big Bang Theory, nakilala ng mga audience ang iconic, kakaiba, at pambihirang si Sheldon Cooper. Binigyan tayo ng pagkakataon ng comedy na ito na makilala siya bilang 9 na taong gulang na lumalaki sa East Texas, sa pagsisimula niya sa kanyang inosente, mahirap pero masigasig na pagkamit sa gusto niyang maging siya sa paglaki.

Para pagaanin ang loob ng nag-aalalang ina, ginamit ni Sheldon ang mga nabasa sa self-help book para subukang magkaroon ng kaibigan.

Nagmamadaling dinala si George Sr. sa emergency room; dumating si Meemaw upang mag-alaga sa mga bata at tinuruan si Sheldon kung paano mag-bluff sa poker; dumaan sa isang pakikipagsapalaran ang mga bata habang nagtutungo sa ospital nang mag-isa. Nayanig ang pananampalataya ni Sheldon nang madala ang kanyang ama sa ospital.

Pagkatapos mabulunan sa almusal na sausage, natakot na si Sheldon sa mga solid food at natuklasan niya ang mga comic book sa unang pagkakataon.

Hindi naging madali kay Sheldon ang bagong tinatamasang kasikatan pagkatapos niyang gumamit ng statistics para tulungan ang football team.

Nang bumisita ang isang NASA representative sa paaralan ni Sheldon at ipinagkibit-balikat nito ang kanyang science, nagkaroon ng misyon si Sheldon na patunayang mali ito.

Nag-isip ng mga paraan ang mga bata para lutasin ang pag-aaway sa pamilya nang tumanggi si Meemaw na ibigay kay George Sr. ang kanyang brisket recipe.

Para magkaroon sila ng bonding ni Sheldon, isinama ni George Sr. ang boys sa road trip para makita ang space shuttle launch; Samantala, nagkaroon ng girls weekend sa salon sina Mary, Missy, at Meemaw.

Nagkaroon ng kasunduan sina George Sr. at Sheldon na i-tutor si Georgie nang manganib ang future nito sa football team dahil sa mabababang marka.

Nang pumasok si Sheldon sa isang paaralan para sa mga gifted na bata sa Dallas, nahirapang masanay ang pamilya niya na wala siya.

Dinala ni Mary si Sheldon sa Sunday school matapos niya itong makitang naglalaro ng Dungeons & Dragons kasama nina Tam at Billy; pero nawili si Sheldon na pag-aralan ang iba't ibang relihiyon.

Humingi ng computer si Sheldon at nagsimula ito ng pagtatalo ng mga magulang niya tungkol sa finances ng pamilya nang hindi niya alam. Dahil dito, lumipat si Mary at ang kambal kay Meemaw.

Naparusahan ng detention si Sheldon dahil sa germophobia niya nang mauso ang trangkaso sa Medford at ginawa niya ang lahat ng hakbang para manatiling malusog.

Nang magtrabaho si Mary bilang sekretarya ng simbahan, bigla siyang naging marriage counselor para kay Pastor Jeff (nagbabalik na guest star na si MATT HOBBY). Unang hapon naman nina Sheldon at Missy sa bahay nang walang sila kasama.

Nagkaroon ng bagong kaibigan sina Sheldon at Tam. Nakipagkaibigan si Sheldon sa isang estudyanteng mas mataas ang antas kaysa sa kanya, na nag-aaral ng isang bagong larangan ng agham. Samantala, nagkaroon ng hindi pagkakasundo sina George Sr. at Mary tungkol sa bagong buhay-panlipunan ni Sheldon.

Nagkaroon ng bagong direksyon sa buhay si Sheldon dahil sa nakakadismayang pagkatalo niya sa science fair.

Nang ma-bully si Sheldon ng isang hindi inaasahang karakter, nagtalo sina Mary at George sa kung paano haharapin ang sitwasyon.

Nang pagbawalan ni Mary si Sheldon na magbasa ng pang-mature na comic book, nagpasya si Sheldon na hindi na magpadikta sa nanay niya.

Dahil wala nang challenge para kay Sheldon ang pag-aaral sa Medford High, pinasukan niya ang isang klase sa kolehiyo na tinuturuan ng isang propesor (espesyal na guest star na si WALLACE SHAWN).

Nagkaroon ng pagtatalo ang mga magkapitbahay na Cooper at Sparks nang sugurin ng bagong aso ng mga Sparks si Sheldon.

Habang abala si Sheldon sa pagsubaybay sa status ng umuusbong na relasyon ni Meemaw sa mentor niyang si Dr. Sturgis, sinubukan nina George at Mary na makipag-bond sa iba pa nilang anak.

Nang magkaroon ng dalawang manliligaw si Meemaw (mga guest star na sina RICHARD KIND at WALLACE SHAWN), namagitan dito si Sheldon, kaya napilitan si Meemaw na magbigay ng mga ground rule sa season finale.