Messenger

Noong naging punong patnugot ng diyaryong Samachar si Sagar, may nakita siyang crossword puzzle sa isang dhaba. Nakasaad sa crossword puzzle ang isang nakakagimbal na insidenteng mangyayari sa buhay niya.

Ipinahawak kay Deputy Commissioner of Police Kranthi Shenoy ang imbestigasyon sa kasong pagpapakamatay ng isang kilalang mamamahayag. Mabilis siyang naghinalang hindi simpleng pagpapatiwakal ang nangyari. Sa utos ni Sagar, isinailalim ni Ajay Ghosh sa interogasyon si Koti at nagsanhi ito ng mas marami pang problema.

Nadawit sa kasong pagpapakamatay na iniimbestigahan ni Kranthi ang ilegal na pagpupuslit ng baril. Dahil dito, nalaman niya na nawawala si Koti, ang drayber ng truck na sangkot sa aksidente, at nagsimulang paghinalaan sa imbestigasyon sina Sagar at Ajay Ghosh. Sa paglalathala sa unang isyu ng diyaryong Samachar, nakatanggap si Sagar ng mahiwagang mensahe sa anyo ng piraso ng lumang diyaryo.

Habang pinag-uusapan nina Sagar at Ajay Ghosh ang mga naging pangyayari, may nahanap silang clue sa mga piraso ng lumang diyaryo na nagpalalim pa sa pag-iimbestiga nila. Natuklasan nina Kranthi at Ranga na may koneksiyon sa kaso ang bahay sa bukid ng pamilya ni Sagar. Patuloy ang pagtindi ng mga pangyayaring makapanindig-balahibo.

Sa patuloy na pag-iimbestiga nina Kranthi at Ranga, may natagpuan silang hindi inaasahang bangkay. Sinundan ni Sagar si Kiran Reddy, ang punong mananaliksik at host ng palabas sa YouTube na "Anino ng mga Multo," at nalaman niya ang pagsasaliksik ni Ravi tungkol sa pagpapakamatay ng mga mamamahayag. May nakita si Sagar na panibagong piraso ng diyaryo na nagbabalita tungkol sa masamang mangyayari.

Habang tila kay Sagar umiikot ang imbestigasyon ni Kranthi, nagpasya si Sagar na bumisita sa Dhootha Publications sa pagtatangkang alamin ang misteryo kaugnay ng libro ni Satyamurthy. Binalikan sa kuwento ang nakakagimbal na nakaraan. Matapos malaman ang impormasyong iyon, pumunta sa parola si Sagar at malapit na niyang matuklasan ang katotohanan.

Nagpatuloy ang sunud-sunod na kamatayan. Nakatanggap ng babala si Sagar tungkol sa napipintong banta sa buhay ng kaniyang pamilya. Dahil dito, nagtapat siya kay Kranthi at magkasama silang nagmadali para mapigilan ang mga kamatayang nakalathala sa mga piraso ng diyaryo.

Pinuntirya si Priya ng isang misteryosong mamamaslang. Kasabay ng mga pangyayari, nasiwalat ang nakaraan ni Sagar at ang mga sikreto ng kaniyang pamilya. Sinimulan ni Kranthi na pag-ugnay-ugnayin ang mga bagay para malaman ang katotohanan.