In The Heat Of The Night

Muling lumitaw sa Sparta ang dating kasintahan ni Gillespie para humingi ng tulong upang maipamana ang lupa sa anak niyang bunga ng kanilang relasyon dalawampung taon na ang nakalipas. Tampok si Stella Stevens.

Nakialam si Bubba nang ang pinsan niyang si Candace at asawa nito ay bina-blackmail ni Waylon Davis, ama ng inampon nilang sanggol. Banta ni Davis, babawiin ang bata kung hindi sila makikipagtulungan. Susuko kaya sila sa kanyang banta?

Si Jeanette Marshall ay isang guro sa Sparta na agaw-pansin sa mga lalaki, kaya napupuna siya ng mga tagaroon. Isang lalaki, si Ashe Crowe, ang nagpasyang wakasan ang nakagawian ni Jeanette.

Natigil ang kasiyahan nang mapatay si Edgar Van Buren, mayamang host ng taunang poker party. Sina Gillespie at Tibbs ay kailangang siyasatin ang kaso kung saan lahat ay posibleng suspek, pati ang asawa ng biktima.

Napahamak si Bubba matapos masangkot sa isang aksidenteng pamamaril. Ang tanging saksi ay si Aunt Ruda, tiyahin ni Virgil, na ang galit sa pamangkin niya ay maaaring ikapahamak ni Bubba. Makukumbinsi kaya siyang magsabi ng totoo?

Bumalik si Bubba sa Los Angeles para tapusin ang kaso ng arson sa Sparta na konektado sa sindikato. Muling silang nagtagpo ni Mike Chin, ang saksi laban sa sindikato, at muling nagkabanggaan ng damdamin sina Bubba at Pat Day.

Magkasosyo sina Cyrus Chambers at Tom Dalton, pero nang gustong kumalas ni Cyrus, nagsimula ang gulo. Dahil sa pera at lihim na relasyon, handang pumatay si Tom para pabagsakin si Cyrus.

Naging curious si Wilson Sweet sa pagpatay sa kanyang lolo mahigit 40 taon na ang nakalipas, at natuklasang baka hindi totoo ang kinuwento sa kanya. Isang matandang bluesman ang sumulat ng kanta tungkol dito at nagbunyag ng katotohanan.

Nauwi sa putukan ang piknik nina Bubba at Mary Ellen, at nadiskubre ang malaking taniman ng marijuana. Nang lumabas ang maling basyo ng bala sa ulat, pinaghinalaan nina Gillespie at Tibbs ang isang Deputy.

Matapang si District Attorney Darnelle sa mga krimen kaya marami siyang kaaway. Nang makidnap ang anak niya, dumating ang FBI, pero sina Gillespie at Tibbs ay may sariling paraan para mailigtas ito.

Nang tulungan ni Lonnie Jamison si Francie Miller, dating crush niya sa high school na ngayo'y may problema at lulong sa alak, nadiskubre niya ang koneksiyon ng nobyo nitong si Nick Crews sa isang pagnanakaw sa isang supermarket sa Sparta.

Nang matagpuang patay ang ganid na slumlord sa Bottoms na si Keen Philbrick, na kilala sa pagmamalupit sa mga umuupa at pagmamay-ari ng dalawang drug dens, kinailangan ni Gillespie ang tulong ng matalinong impormanteng si Jimmy Dawes.

Iniimbestigahan ng Sparta police ang pagpatay sa mayamang may sakit, habang ang kanyang asawang babaero ay may relasyon sa beautician. Lahat ng ebidensiya ay tumuturo sa beautician bilang suspek. Di nagtagal, siya naman ang nalagay sa panganib.

Takot si Jenny Sawyer sa abusadong asawang si Wesley, pero patuloy niya itong pinagtatakpan at tumatanggi sa tulong. Nang mapatay si Wesley sa labas ng tavern, pinag-isipan ng pulisya kung nilagay ni Jenny sa sariling kamay ang batas.

Ipinagdiriwang ng Sparta si Odessa Robbins, tagapagtanggol ng karapatang panlipunan. Ngunit nabahala si Gillespie sa muling pag-usbong ng racial tension, at tama siya nang maabala ang selebrasyon at malagay sa panganib si Odessa.

Sunod-sunod na aksidente sa kalsada ang nagtulak sa Sparta police na madiskubre ang isang drug ring. Habang hinahanap nina Gillespie ang salarin at tinatapos ang operasyon nito, nagtatalo naman sina Virgil at Althea tungkol sa bakasyon.

May-ari ng mamahaling kainan sa Sparta sina Rebecca at Peter Ballard, pero may lihim na relasyon si Rebecca kay Brian Moss, mekaniko. Plano nilang patayin si Peter para sa malaking life insurance policy, pero pumalpak ang plano.

Matapos ang pagpaslang kay Natalie, inalagaan ni Harriet DeLong ang pamangkin niyang si Eric. Pero ngayon, kailangang ipaglaban niya ang custody nito nang dumating si Emily Trundel, biyuda ng ama ni Eric, upang angkinin ang bata gamit ang pera.

Si Warren Moseley, iginagalang sa Sparta, ay may dalawang anak na laging magkaaway, si Louis na seryoso sa negosyo, at si Brian na lulong sa sugal at pagpa-party. Sisirain kaya ni Brian ang pamilya dahil sa utang?

Nakulong si Roy Paxton sa Texas dahil sa pagnanakaw. Sa kanyang paglaya, hinanap niya ang perang ninakaw, ngunit nauna na itong nakuha ng dati niyang asawa na tumakas papuntang Sparta kasama ang anak. Mauunahan kaya siya ng pulisya?

Humingi ng tulong si Sheriff McComb kina Gillespie at Tibbs para hulihin si Ramon Salazar, isang takas. Ngunit nagduda sila nang malamang biktima si Salazar ng karahasang politikal sa El Salvador.

Pagkamatay si Ramon Salazar, sina Gillespie, Tibbs, at Father DeMarco ay kinasuhan sa pagtatago ng takas. Samantala, gusto ng mobster na si Alvin Epp na masibak si Gillespie at gagawin niya ang lahat para mangyari ito.