Indian Police Force

Nagkagulo sa gitna ng mataong kabisera ng India - ang Delhi, dahil sunud-sunod na nakamamatay na pagsabog ang yumanig sa lungsod. Nataranta at natakot ang mga residente dahil sa tila walang humpay ang mga pagsabog na nag-iwan ng bakas ng pagkawasak. Nasira ang kapayapaan ng lungsod, at nakasalalay ang responsibilidad na hulihin ang mga salarin sa magigiting na Delhi Police.

Sa tulong ng pinuno ng Gujarat ATS na si Tara Shetty, nagsuri ng mga ebidensya sina Kabir at Vikram ngunit patuloy na nadidismaya lang dahil walang pinatutunguhan ang kanilang pagsisiyasat. Isang hindi inaasahang pangyayari ang naganap at isang tawag sa telepono mula sa mga hideout ng terorista ang nagbigay ng pahiwatig na maaaring makatulong sa Delhi Police na mahanap ang kanilang lokasyon.

Matapos ang walang humpay na pagtugis, sa wakas ay nahanap na nina Kabir at Vikram ang hideout ng mga terorista. Sa isang nakakakabang pananambang, hinarap ng Delhi Police ang mga terorista sa isang matinding barilan, na nagresulta sa pagkamatay ng ilan sa magkabilang panig.

May masamang misyon na naman si Zarar na magsagawa ng mga pambobomba sa lungsod ng Jaipur. Nagtagumpay siya sa pagsasagawa ng mga nakamamatay na pagbobombang ito. Nang malaman ni Kabir ang mga pagsabog, agad siyang nagsagawa ng kanyang sariling ilegal na pagtatanong sa Jaipur.

Habang nagsisiyasat sa Goa si Kabir at ang grupo, nakuha nila ang impormasyon. Samantala, ilalabas na nina Zarar at ng kapatid niyang si Sikku ang inihandang kaguluhan sa lungsod na magiging isang pagtutuos. Isang malagim na aksidente ang naganap. Sa pagtatapos ng episode, nabigla ang mga pulis sa impormasyon tungkol sa ina ni Nafeesa at itinuloy nila ang pagtatanong sa totoong intensyon ni Zarar.

Narating ni Kabir ang Darbhanga at hinarap si Nafisa tungkol sa tunay na pagkakakilanlan ni Zarar. Dahil dito, nahimatay si Nafeesa at dinala ni Kabir sa ospital. Napagtanto ang totoo tungkol kay Zarar, sumuko si Nafeesa sa pulisya at ibinunyag na nasa Bangladesh si Zarar. Nagtungo sa Delhi Si Kabir at Tara Shetty at humingi ng pahintulot sa Home Minister sa cross border upang maibalik si Zarar.

Naglakbay si Kabir sa Bangladesh upang hanapin si Zarar pagkatapos makatanggap ng pag-apruba mula sa Home Minister. Sa tulong nina Jagtap at Rana, at ng kamangha-manghang serye ng mga kaganapan sa pagtugis kay Zarar, nagtagumpay rin sa wakas si Kabir na maibalik ang pinaka-wanted na terorista ng India sa kanyang lupain.