Making Their Mark

Kakaiba ang pagpasok ng 2020 sa kasaysayan ng sport na ito, nang umabot sa Australia ang Covid-19. Labis na kumalat ang pandemya, nagdudulot ng isang sitwasyong nag-iiba minu-minuto nang may kapinsa-pinsalang bunga. Aabot ba sa round one ang liga?

Habang nahihirapan pareho ang mga player at coach sa mga batas at panuntunan ng bagong season, nanindigan ang AFL para sa pandaigdigang Black Lives Matter movement. Sa pagsisimula ng mga laban, umangat ang mga hindi inaasahang koponan samantalang nahirapan sa mga pagbabago ang mahuhusay na koponan.

Nag-iinit ang mga ulo habang naninibago ang mga manlalaro at koponan sa season na ito na naiimpluwensyahan ng Covid-19. Halos lahat ay nahihirapan sa pisikalidad habang sinusubukan ng Suns na ipagpatuloy ang kanilang momentum. Isang away sa social media ang nagdulot ng kapana-panabik na laban para kay Nic Naitanui.

Para maipagpatuloy ang season, inanunsyo ng AFL na 33 laro ang gaganapin nang mahigpit sa loob ng 20 araw, ang “footy frenzy”. Malaki ang kapalit nito, habang tinitiis ng mga manlalaro at staff ang mga injury, pagkatalo, pag-iisa at pagkakahiwalay sa mga kaibigan at pamilya.

Tumitindi ang kompetisyon habang ipinaglalaban ng bawat koponan ang kanilang puwesto sa huling 8. Mula sa pamilya at lahi hanggang sa katapatan sa koponan, paniniwala sa sarili hanggang sa relihiyon, hinahanap ng lahat ang motibasyon at tatag ng isipan na kinakailangan nila para maging pinakamahusay.

Nagtapat ang Adelaide Crows at ang GWS sa isang laban na magbibigay-kahulugan sa season na ito para sa mga kapitan na sina Rory Sloane at Stephen Conglio. Patapos na ang season, at nagsisimula nang magtuon ang ilang koponan sa hinaharap habang dugo at pawis ang puhunan ng iba sa kanilang pakikipaglaban para sa pinagtatalunang puwesto sa top-8.

Patapos na ang season. Itinanghal ng finals series ang isang nakakagulat na upset at isang bagong landas tungo sa tagumpay. Sa isang taon na puno ng mga bagong karanasan, idinaos ang Grand Final sa gabi at sa labas ng Victoria sa unang pagkakataon sa kasaysayan nito. Sa kabila ng pinakamahirap na taon sa football, nagtapos ang season nang namamayagpag.