Psych

Ang paboritong mananalo sa Regional Spelling Bee sa taong ito ay hinimatay sa ilalim ng mahiwagang mga pangyayari sa gitna ng isang kataga. Habang nag-iimbestiga sina Shawn at Gus, nahulog ang Spellmaster mula sa isang barandilya at namatay. Tingin ni Lassiter ay aksidente ito ngunit sigurado si Shawn na ito ay pamamaslang.

Ikakasal ang anak ng Attorney General ngayong pagtatapos ng linggo at may nagnakaw ng $5 milyon na antigong engagement ring mula sa kaha ng hotel. Gusto ni Lassiter na gawin ito ayon sa libro, ngunit pagkatapos manglansi ni Shawn para makumbida siya ng mga ikakasal sa mga kasiyahan, mabilis niyang 'nahulaan' na ito ay isang inside job.

Isang biyuda ng isang kilalang manloloob ng bangko ang lumapit kina Shawn at Gus para magpatulong. Ang mga mapanganib na kasabwat ng kanyang asawa ay kalalaya lamang at hahabulin siya sa maling pag-aakalang alam niya kung saan nakatago ang pera. Kailangan niya ngayon si Shawn na makipag-ugnayan sa kaluluwa ng kanyang asawa upang mahanap ang pera bago siya matunton ng mga magnanakaw.

Nang si Shawn lang ang nakapagtanto na ang isang pagpapatiwakal ay isang pagpaslang, napanatili niya ang sarili sa kaso sa paggiit na kumukuha siya ng impormasyon mula sa tanging saksi: ang pusa ng biktima. Kapagdaka, naging malinaw na ang serye ng mga pagpapakamatay kamakailan ay maaaring mga pagpatay, at kailangang "i-channel" ni Shawn ang pusa at hulihin ang salarin bago ito muling kumilos.

Sa malaking fundraiser ng Policemans' Benevolent Association ngayong taon, nagpapatakbo si Lassiter ng pagsasadula ng sikat na laban ng Civil War. Ngunit nang, habang nasa ensayo, nagkatotoo ang isang maingat na pinlanong kamatayan, umanib sa rehimente sina Shawn at Gus upang ilantad ang katotohanan -- hindi ito isang aksidente, ito ay isang pagpaslang.

Isang lalaki ang lumapit kina Shawn at Gus na may malaking problema: pinagmumultuhan siya ng isang multo na gustong pumatay sa kanya. Tinanggap ni Shawn ang kaso, siguradong mareresolba niya ito nang mabilis dahil wala namang mga multo, ngunit habang umuusad ang pagsisiyasat, napagtanto nilang maaaring may mas kakaiba silang hinaharap.

Isang binatilyo ang nawawala, at sa katuwaan ni Gus, sila ni Shawn ay kailangang gugulin ang buong weekend sa huling pinagkatukuyan sa bata -- ang Santa Barbara Comic Book Convention -- na nagsisiyasat sa pagkawala nito. Para makapasok sa punuang kaganapan, naging alalay ni George Takei sina Shawn at Gus at nalaman nilang ang bata ay may lihim na katauhan, na maaaring dahilan ng pagdukot dito.

Nang malaman ng dating boss ni Henry na si Kapitan Connors, na ngayon ay dumaranas ng maagang pagdatal ng Alzheimer's, na nalutas niya ang isang krimen ngunit hindi niya ito maalala, lumapit siya kay Shawn para humingi ng tulong.

Nang ang lasing at nalulumbay na si Lassiter ay mangumpisal kay Shawn na may mga agam-agam siya tungkol sa pagkamatay sa natural na kadahilanan ng isang astronomer, lihim na kumilos si Shawn para patunayang tama ang imbestigador upang maitaas ang morale nito.

Bilang isang biro, iniugnay ni Lassiter si Shawn sa isang kaso kung saan dumating ang isang lalaki na hubo't hubad sa istasyon ng pulisya na nagsasabing dinukot siya ng mga dayuhan, ngunit hindi nagtagal ay dinala si Shawn ng kanyang pagsisiyasat sa higit na kakaibang uniberso: ang speed dating.

Nang ang isang babaeng nakipagsiping sa isang kinagigiliwang lokal na tagapag-ulat ng panahon ay nagising at natagpuang patay ito, siya ay kinasuhan ng pagpatay dito. Nakahanap ng paraan si Shawn na maka-ugnay sa kaso sa pamamagitan ng pagiging tagapag-payo ng depensa.

Bago maumpisahan ng Ahensiya ng Psych ang pagsisiyasat sa pagkawala ng bagong sumisikat sa tennis, dapat munang sunduin ni Shawn si Gus mula sa isang pahingahan ng corporate, at madali nilang napagtanto na ang mga bagay ay hindi laging katulad ng inaakala.

Ang matandang kaibigan ni Henry na si Bill Peterson ay tumangging tumawag sa pulisya pagkatapos na pagnakawan siya ng kanyang suwail na anak at maglaho ito, na nagtulak kay Henry na maghanap ng tulong sa huling lugar na gusto niyang puntahan --- ang tanggapan ng Psych.

Pumasok sina Shawn at Gus sa totoong buhay na modernong alamat, habang sinisiyasat nila ang isang kamatayan na kahina-hinalang katulad ng kuwento ni Scary Sherry, na wala sa oras na binawian ng buhay sa minumulto ngayong institusyon ng kaisipan na Wispy Sunny Pines.