Supernatural

Sa simula ng ika-labindalawang season, sobrang nabigla si Dean nang nakaharap niya ang kanyang ina. Samantala, ipinaglalaban ni Sam ang kanyang buhay matapos siyang barilin ni Toni (panauhing artistang si ELIZABETH BLACKMORE), mula sa Women of Letters.

Habang sina Dean (JENSEN ACKLES), Castiel at Mary ay pumunta para sagipin si Sam, nalaman ni Crowley na sumanib si Lucifer sa katawan ng rock star na si Vince Vincente (RICK SPRINGFIELD).

Nang ang pagtugis ni Castiel kay Lucifer ay humantong sa pakikipagtulungan niya kay Crowley; sina Sam, Dean at Mary ay inimbestigahan ang umiiyak na bata na humantong sa pagkamatay sa isang misteryoso na inabandunang bahay.

Nag-imbestiga sina Sam at Dean sa kaso ng isang relihiyosong pamilya na malayo sa lipunan, pero kalauna'y napagtatanto na may itinatagong sikreto ang mga magulang na ikasisra ng lahat.

Matapos malaman na nakulong ang kaluluwa ni Hitler sa isang gintong pocket watch noong 1930, kinakailangan ni Sam at Dean na magmadali upang pigilan ang isang grupo ng Nazi necromancers na buhayin siyang muli.

Nang magsama-sama ang mga tagatugis para ipagdiwang ang buhay at kalunos-lunos na kamatayan ng isa sa kanila, kinailangang kumilos nina Sam, Dean at Mary dahil nagsimulang isa-isahin ng isang demonyo ang mga tagatugis.

Dahil napagtanto ni Lucifer na bilang rock star, mapapagawa niya sa mga tagahanga niya ang anumang gusto niya, nagsagawa siya ng isang sikretong VIP concert para patayin silang lahat.

Nagpapatuloy ang habulan sa paghahanap ni Lucifer sa kapangyarihan at impluwensya sa sisidlan niya, na nagpalapag sa kanya sa White House at ang Pangulo ng Estados Unidos ay hindi namamalayang nakikipagkasundo sa diyablo.

Matapos maaresto sa tangkang pagpatay sa Pangulo, dapat makahanap sina Sam at Dean ng paraan para makalabas ng kulungan, sa tulong nina Mary at Castiel.

Habang sinasanay ni Lily Sunder (ALICIA WITT) ang kaniyang itim na mahika nang higit sa isang siglo para maghiganti sa isang grupo ng mga anghel, dapat pigilan nina Sam at Dean si Castiel sa pagiging susunod na biktima niya.

Humingi si Sam ng tulong kay Rowena upang masubaybayan ang isang lumang-mundo, makapangyarihang pamilya ng mga mangkukulam matapos matamaan si Dean ng isang orasyon na mabilis na nagbubura sa kanyang alaala.

Si Mary ay humihingi ng tulong kay Sam, Dean at Castiel para sa isang kaso na kanyang iniimbestigahan, ngunit hindi niya nabanggit na may kinalaman ang British Men of Letters. Hanggang siya ay pinagtaksilan.

Humingi ng tulong sina Sam at Dean kay Rowena (RUTH CONNELL) para subaybayan ang anak ni Crowley na si Gavin McLeod (THEO DEVANEY), habang si Kelly Kline (COURTNEY FORD) ay nagkubli sa isang demonyo.

Ang pagkakataon na patayin ang isang pugad ng mga bampira ay pumalpak nang ang Alpha Vamp ay nagpakita at binaliktad ang sitwasyon kay Mary at sa British Men of Letters.

Iniimbestigahan nila Sam at Dean ang isang pag-atake ng Hellhound, habang nakakuha ng lead si Castiel kay Kelly Kline at natuklasan ng mga demonyo ni Crowley kung ano ang tinatago niya.

Nasalubong nina Sam, Dean at Mick Davies si Claire Novak habang may tinutugis na lobo. Nang makagat si Claire, nagmadali ang mga Winchester para makahanap ng paraan upang tulungan siya bago siya magbago.

Nagkaroon na ng kaalaman sina Sam at Dean sa kinaroroonan ni Kelly Kline. Walang pasabi na pumunta si Mick sa kublihan at nagpasyang sumama sa paghahanap.

Iniimbestigahan nina Sam at Dean ang kaso ng isang nawawalang tao sa isang maliit na bayan, pero nang sinabi sa kanila ng testigo na ang umatake ay may ulo ng kambing, napagtanto nilang may madilim na lihim dito.

Nakaisip ng plano si Sam para pigilin ang anak ni Lucifer, pero iba ang nasa isip ni Castiel. Samantala, may ginawang malaking pagpapasiya si Kelly para sa kinabukasan ng bata.

Tinulungan nina Sam at Dean si Alicia Banes at ang kaniyang kapatid na si Max na hanapin ang nawawala nilang nanay, na tinutugis ang isang makapangyarihang mangkukulam. Nagsimulang magduda si Mary tungkol sa British na Taong Panitik.

Dahil ang mga tagatugis sa buong bansa ay namamatay sa mga kahina-hinalang "aksidente," nagpasiya sina Sam at Dean na hanapin si Mary para masigurong ligtas siya. Pero nakabalik na ng bansa si Toni Bevell.

Habang lumalala ang laban sa pagitan ng mga Amerikanong Tagatugis at mga British na Taong Panitik, ang bawat isa lang ang maaasahan nina Sam at Dean sa isang mapanganib na situwasyon.

Sa epikong pagtatapos ng ika-labingdalawang season, nakipaglaban si Lucifer kay Sam, Dean at Castiel para sa pagkontrol ng kanyang hindi pa isinisilang na anak.