World's Toughest Race: Eco Challenge Fiji

Sinalubong ni Bear Grylls ang 66 na mga pangkat, na pumunta sa bansang Fiji para subukan ang World's Toughest Race: Eco Challenge Fiji. Sa unang araw, hinarap ng mga kalahok ang paglalakbay sa dagat at matarik na pag-akyat sa bundok. Sabay-sabay silang nakipagkarerahan habang ang matinding init ay nagbabadyang tapusin ang karera ng isang pangkat.

Habang patuloy ang karera sa unang gabi, isang atleta ang nahirapang magpatuloy dahil sa heat stroke. Pabalik na sa Viti Levu ang mga nangungunang pangkat, habang ang mga baguhan ay nangangapa pa sa isla. Karamihan ay bumalik na sa Viti Levu sa Day 2, ngunit isang matinding bagyo ang mas nagpahirap sa daan, dahilan upang mapilitan ang Race Management na gumawa ng mabigat na pasya.

Muling naghanda ang mga pangkat para ituloy ang karer, matapos matigil dahil sa napakalakas na ulan. Sa paghupa nito, sinubukan ng mga nangungunang pangkat na dagdagan ang lamang sa pagsabak papuntang Camp 2. Samantala, nagbisikleta na ang karamihan sa matagtag na daan papuntang Camp 1. Dala ng pagkahapo, sakit at maling desisyon, nanganganib ang mga nahuhuling pangkat na makaabot cutoff sa Day 3.

Dahil sa paghihintay na magbukas ang ilog para sa rafting, lahat ng nangungunang pangkat ay nagpantay, binubuhay ang kanilang pag-asa na mahabol ang New Zealand. Ang mga nahuhuli ay gumawa ng mga Bilibili at namangka pababa ng ilog. Sinikap naman ng Pangkat Out There na manatiling nangungunang pangkat. Isang pangkat na nagkaproblema sa bisikleta ang nagbabadyang matanggal sa laban.

Sa pagsuong ng mga nangunguna sa mapanganib na pag-akyat sa Vuwa Falls, isang pangkat ang gumawa ng matinding hakbang para mauna, ngunit magtagumpay kaya sila? Ang mga sumunod sa kanila ay nilabanan ang matinding putik sa pagbibisikleta, habang ang iba'y nilakbay ang white-water rapid na bahagi ng karera. Isang aksidente sa bike naman ang naging banta sa kinabukasan ng isang pangkat.

Dahil sa posibleng matinding pinsala, isang pangkat ang bumalik para hingan ng tulong ang kanilang kasamahan. Labis ang hirap ng mga nangunguna sa ilog sa itaas ng Vuwa Falls bago narating ang pamamangka sa Leg 4. Isang beteranong pangkat ang nalaglag sa mga nangunguna dahil sa matinding hypothermia ng kanilangn kasama, at siyang naglagay sa panganib sa kanilang pakikipagkarera.

Isang nangungunang pangkat ang nalaglag sa pwesto dahil isang kasamahang nagkasakit. Patuloy namang ang iba pang nangunguna sa paglapit sa finish line, habang ang mga nasa hulihan ay patuloy na nahihirapan. Maraming kalahok ang iniisip ang kanilang pamilya para kumuha ng lakas na makapagpatuloy. Samantala, isang nangungunang pangkat ang maaaring maalis nang mapilitan silang tumawag ng "mayday."

Isang pangkat ang kailangang sagipin sa gitna ng Dagat Pasipiko sa gitna ng gabi. Ang unang pangkat ay nakarating na sa finish line at tinanghal nang kampeon, na sinundan agad ng ikalawa at ikatlong pangkat. Habang marami sa nahuhuling pangkat ay nasa pinakamahirap na parte ng karera, hindi na sila nakapagpatuloy lahat at dalawang pangkat ang kinailangang sunduin ng helikopter.

Sa pagpapatuloy ng karera sa ikawalong araw, maraming nangungunang pangkat ang nakarating na sa finish line. Ang mga nahuhuling pangkat na nahaharap sa pinakamahirap na bahagi ng karera, ay kailangang makahanap ng lakas para tiisin ang matinding hirap na kailangan para matapos ang World's Toughest Race.

Sa huling araw ng "World's Toughest Race," 29 na pangkat ang nananatili para sa finish line. Sagad ang mga limitasyong pisikal at emosyunal, kailangan nilang labanan ang pagkahapo para mahabol ang huling cutoff at ang finish line. Sa pagtatapos ng Eco-Challenge Fiji, ang mga pangkat ay nahaharap sa pagkatalong puno ng pighati o emosyunal na tagumpay.