Regular na mga Bayani

Pinuri ni Alicia Keys ang katapangan ng tatlong regular na mga bayani. Tumutulong si Senior Inventory Specialist Trevor Henry sa ospital sa paglaban ng COVID-19. Bilang may-ari ng nag-iisang tindahan sa lugar, pinapanatili itong bukas ni Burnell Cotlon para sa komunidad ng 9th ward. Sinusuong ni Athena Hayley ang panganib sa patuloy na pamimigay ng pagkain sa mga walang tirahan sa Skid Row.

Ikinuwento ni Kevin Hart ang tatlong regular na mga bayani na tumutulong sa kanilang komunidad. Si Jonté Lee ay nagtuturo ng agham mula sa kanyang tahanan. Pinananatiling bukas ni Roman Grandinetti ang kanyang deli para magbigay ng pagkain sa mga nangangailangan. Kahit sarado ang zoo, patuloy na bumibiyahe si Charlotte Trapman-O'Brien para masigurong naaalagaan ang mga hayop.

Ikinuwento ni Nick Jonas ang tatlong regular na mga bayani na tumutulong sa kanilang komunidad. Ang EMT na si Diana Wilson ay hindi mabisita ang mga anak para makatulong sa mga nangangailangan. Si Reverend Andy Bales ay tinataya ang sariling kaligtasan para makatulong. Ang Trucker na si Serita Lockey ay patuloy na bumibiyahe kahit na nakakasama sa negosyo ang lumiliit na bayad.

Pinuri ni Kelly Rowland ang tatlong regular na mga bayani. Walang tigil si Dana Marlowe para mabigyan ang mga kababaihan ng mga pangangailangan nito. Ang basurerong si Angel Santiago ay patuloy sa pagkokolekta ng basura, kahit na maaari siyang magdala ng Covid pauwi. Si Woody Faircloth at ang kanyang anak ay namigay ng RV sa mga nagtatrabaho sa ospital para may ligtas silang lugar sa quarantine.

Pinuri ni Chris Paul ang tatlong regular na mga bayani. Nagsasagawa si Dr. Nana Afoh-Manin ng Covid testing para sa mga nasa laylayan. Ang shelter manager na si Jessica Vaccaro ay nahihirapang sagipin ang mga hayop na napabayaan dahil sa pandemya. Ang may-ari ng drive-in cinema na si Andrew Thomas ay nag-umpisang tumanggap ng mga okasyon para sa high school graduation.

Tatlong regular na mga bayani ang pinakilala ni Brad Paisley. Nangangamba ang magsasakang si Daniel Hayden na magutom ang Amerika dala ng pagsasara ng mga pabrika. Sinisiguro ng Emergency Vehicle Technician na si Francisco Gomez na ligtas ang mga ambulansiya at trak ng bombero. Naghahatid ang drayber ng bus na si Tiffany Underwood ng mga manggagawa, kahit na namatay ang isang katrabaho sa Covid.

Pinuri ni J.J. Watt ang tatlong regular na mga bayani. Si Brad Halsey, nagtatag ng Building Momentum, ay gumugugol ng pera at oras para makaimbento ng gamit kontra Covid. Ang 10 taong si Chelsea Phaire ay namimigay ng mga gamit pansining sa mga batang naka-quarantine. Ang nars na si Pamela Douglass ay nagbibigay ng libreng tulong medikal sa mga batang palaboy habang inaasikaso ang kanyang kasal.

Ilang kahanga-hangang mga bayani ang nakilala natin. Ngayon, makikita natin kung paano nagbago ang kanilang mga buhay mula noong huli natin silang makita.