సాంప్రదాయం, విధేయతలే కీలకమైన ఒక కుటుంబం దక్షిణ అమెరికా ఫుట్బాల్‌ని నియంత్రిస్తోంది: అదే కాన్మెబాల్. కానీ ఒక రోజు, వారు రానివ్వకూడని వ్యక్తికి చోటు ఇస్తారు: తనే సెర్హియో హాద్వే, ఎప్పుడూ ఏదీ గెలవని దేశంలో ఓ చిరు ఫుట్బాల్ క్లబ్‌కు అధ్యక్షుడు. అధికారం మత్తులో, అతను ఫుట్బాల్ గాడ్‌ఫాదరైన హూలియో గ్రొందోనా తొత్తుగా, ఫుట్బాల్ ప్రపంచంలో అతిపెద్ద అవినీతి కుంభకోణాన్ని చేధించడంలో ఎఫ్‌బీఐకి కీలకంగా మారుతాడు.

ఫుట్బాల్‌లో కళ్ళుగప్పడాన్ని, ఏమార్చడాన్ని అభిమానిస్తారు, ఆరాధిస్తారు, కానీ ఒక సమస్య ఉంది: దాన్ని సరిగ్గా చేయకపోతే నవ్వులపాలవుతారు. సెర్హియో హాద్వే తన జీవితంలోనే భారీ రీతిలో కళ్ళు గప్పబోతున్నాడు, కానీ ఒక తప్పు జరుగుతుంది. ఒక ఎఫ్‌బీఐ ఏజెంట్‌ చేతికి చిక్కడంతో, తనకి రెండే దారులున్నాయి: అతను దర్యాప్తుకు సహకరించవచ్చు లేక జైలుపాలు కావచ్చు. అతను పరదేశీల వైపైనా ఉండాలి లేక తనకే వ్యతిరేకంగానైనా ఉండాలి.

అదృష్టం చేతకాని వారి కోసమే. అసలైన విజేత ఫలితాలను ఆశించడు: వాటిని తనే సృష్టిస్తాడు. ఇది మనసులో పెట్టుకుని, సెర్హియో హాద్వే ప్రపంచమంతటా కోపా అమెరికా గ్రూప్ డ్రాను టీవీలో ప్రసారం చేయటానికి సిద్ధమవుతాడు, తన దేశంలో జరగబోయే టోర్నీకి ప్రారంభ వేడుకలా. కానీ సీరియస్‌గా ఉండటానికి ఏ కారణం లేదు: మొదట కాన్మెబాల్ కుటుంబపు బ్రహ్మాండ వేడుక జరుగుతుంది, ఈ పార్టీలోనే ఎఫ్‌బీఐ చొరబడుతుంది.

డబ్బు ఉత్తేజాన్నిస్తుంది. దాన్ని దండుకో, దాచుకో: కొత్త కారు, కావియర్, ఫుట్బాల్ జట్టునే కొనుక్కోవచ్చు. ఈ మాటలు పింక్ ఫ్లాయిడ్‌వి,హాద్వేవి కాదు. ఇది వరకూ చూడని బ్యాంకు బ్యాలెన్స్‌తో, ఈ లా కలేరా వాసి జల్సా చేస్తాడు. తనని ఓ పాత్రికేయురాలు అనుసరిస్తుంది. ఇంతలో కచ్చితమైన ఆధారాన్ని రాబట్టమని ఎఫ్‌బీఐ ఇతనిపై ఒత్తిడి తీసుకువస్తుంది: అతను వేగు ఎలుకలా లేక అన్నిటికన్నా తెలివైన కోతిలా మారే సమయం వచ్చిందేమో.

తనకు ఎదురైన నైతిక సందిగ్ధతను ఎదుర్కోవడానికి హాద్వే దేవుడి ప్రమేయాన్ని కోరడానికి భక్తి మార్గంలో వెళతాడు - దేవుడు తన కొలువులో పాపాలు చేసిన కాన్మెబాల్ కుటుంబాన్ని చేర్చుకుంటాడా లేదా వారిపై కఠిన శిక్షలు వేస్తాడా? దేవుడి గొర్రెపిల్లగా తను చేసే త్యాగం తన పాపాలను తుడిచి వేస్తుందని హాద్వే ఆశిస్తాడు, కానీ చిట్టచివరికి తాను శిలువ వేయబడతానేమోనని కూడా భయపడతాడు.

హాద్వేకి అంతిమ తీర్పు రోజు రానే వచ్చింది, కాన్మెబాల్ కుటుంబపు మరణశయ్య చుట్టూ ముసురుకున్న రాబందుల నుండి రక్షించడానికి ఏజెంట్ హ్యారిస్ సరైన సమయంలో వస్తుంది. కాలానికి ఎదురీదుతూ, హాద్వే తన డబ్బుకు తగ్గ ఉత్తమ న్యాయవాదులని కనుక్కోవాలి – కానీ వీళ్ళు కూడా నెనే కనుక్కోబోయే విషయం నుండి హాద్వేని రక్షించలేరు.

కోపా అమెరికా టోర్నమెంట్‌ తెచ్చిన ఆనందం చీలే అంతటా వ్యాపించగా, హాద్వే ఫకూసే కుటుంబంలోనూ, కాన్మెబాల్ కుటుంబంలోనూ చీకట్లు ముసురుకుంటాయి. అంతులేని అగాథంలో నుండి వీలైనంత తక్కువ హానితో బయటపడటానికి సెర్హియో హాద్వే తన వద్దనున్న చివరి అస్త్రాన్ని ఉపయోగించాలి. సొరంగం చివరలో ఎప్పుడూ కాంతి ఉంటుందని కొందరంటూ ఉంటారు, కానీ ఈ మనిషికి ఎవరూ చెప్పని విషయం ఏమిటంటే కొన్ని సొరంగాలు చీకటి వీధులు.

హూలియో గ్రొందోనా ఎప్పుడూ అన్నట్టు, “ఏదీ శాశ్వతం కాదు. అబద్ధాల వల్ల వచ్చే వివాహ సమస్యలు శాశ్వతం కావు. ఆర్థిక సమస్యలు శాశ్వతం కావు. జాతీయ స్థాయి అవమానాలు శాశ్వతం కావు. ఒక్క క్షణంలో ఏ పేరూ లేని దేశాలని అందనంత ఎత్తులకి ఎత్తే గొప్ప విజయాలు కూడా - శాశ్వతం కావు. డబ్బు శాశ్వతం కాదు. న్యాయం శాశ్వతం కాదు. కానీ సెర్హియో హాద్వేకి ఏం జరిగాయి? అన్నీ.