Jee Karda

Pitong bata ang makakakilala ng manghuhula at malilito sila sa mga payo nito. Sa pagtalon sa taong 2022, ang mga bata ay nasa 30 na. Pakakasal si Lavanya sa matagal nang kasintahan, ngunit handa na ba siya? Si Arjun ay isa nang Punjabi popstar. Si Preet ay biglaang iniwan, makakakilala si Shahid ng babaeng pinapangarap niya habang si Arjun ay mapapanood ng milyun-milyong tao na nakikipag-sex.

Aksidenteng makapagsisiwalat ng hindi dapat banggiting impormasyon ang ina ni Lavanya sa mga magulang ni Rishabh kaya mapapaaga ang kanilang kasal. Iimbitahan ni Arjun ang barkada sa isang party at may mabibingwit doon na artista si Preet. Pero wala si Shahid sa guest list nito. Hirap mang maghanap ng espasyo, makakahanap ng ibang saya ang mga bagong nag-iibigan.

Tutulungan ni Arjun si Lavanya sa mga paghahanda para sa kasal habang nagkakaproblema naman sina Lavanya at Rishabh. Pinapatakbo ni Sheetal ang negosyo niya mula sa masikip at matao niyang tirahan. Hindi kinikilala ni Yavar si Melroy na kasintahan sa harap ng mga kaibigan. Dating class trip sa Mussoorie ang pangyayarihan ng unang pagkabigo sa pag-ibig ni Lavanya at ng bagong buhay pag-ibig niya.

Magkakaroon ng kakaibang pagtatagpo si Arjun sa isang fan niya. Hihingi ng payo si Lavanya sa kanyang ina pero pagsisisihan lang niya. Hindi magandang date ang dadanasin ni Preet kasama ang artistang si Kkrish. Gagamitin ng mga babae ang Zumba para maglabas ng mga hinanaing nila sa buhay. Sasabihin ni Yavar kay Melroy na ipapakasal siya ng pamilya niya ngunit magiging mapanganib ang sitwasyon.

Maoospital si Melroy at alam ng mga kaibigan niyang may itinatago siya. Ilalabas ni Lavanya si Rishabh para ibalik ang tamis ng kanilang samahan. Isisiwalat ni Preet ang ginawa ni Kkrish. Itatakas ng magkakaibigan si Melroy at gagala sila. May malaking dagok na haharapin ng negosyo ni Rishabh at magagalit si Lavanya. Ngunit may iba pang panganib na naghihintay sa kanya.

Isang biglaang pagbubunyag ang dadagok kay Arjun. Haharapin niya ang ina para malaman ang totoo. Gabi ng sangeet at magdiriwang ang magkakaibigan. Makikilala ni Preet ang lalaking agad siyang magugustuhan. Ang gabi ng pagdiriwang ay magiging gabi ng kaguluhan para sa ikakasal. Sa gitna nito, may gagawin si Lavanya na magbabago sa direksiyon ng buhay niya.

Sa gitna ng pinapangarap niyang kasal, pagkamanhid ang mararamdaman ni Lavanya. May mahirap na pagpapasiyang gagawin si Shahid. Magiging magulo ang honeymoon ni Rishabh at Lavanya habang patuloy pa rin ang bumagabag sa isipan ni Arjun. Matatakot si Preet na sundin ang kanyang puso. Noong bata pa sila, may nalamang lihim ang magkakaibigan. Handa na ba silang harapin ang ganoong kadiliman?

Matutupad ang pangarap ni Shahid ngunit hindi siya sisiputin ng mga kaibigan. Magmamakaawa si Yavar kay Melroy na iligtas siya. Manganganib ang pagsasama ni Sheetal at Sameer. Isang karahasan noong bata sila ang maglalapit sa kanila ngunit, sa ika-30 kaarawan ni Preet, isang pagbubunyag ang maglalayo sa kanila. Habang nasusunog ang negosyo ni Rishabh, ang pagkakaibigan nila ay masusunog din.