డాన్సింగ్ ఆన్ ద గ్రేవ్

సర్ మిర్జా ఇస్మాయిల్ మనవరాలైన షాకిరే నమాజీ అకస్మాత్తుగా బెంగళూరులోని తన ఇంటినుంచి మాయమవుతుంది. ఆమె కుమార్తెలలో ఒకరైన ముంబాయికి చెందిన మోడల్ సబా ఖలీలి తల్లిని వెతకటంకోసం తీవ్రంగా ప్రయత్నాలు మొదలుపెడుతుంది. పచ్చని తమ కుటుంబంలో చిచ్చు పెట్టిన స్వామి శ్రద్ధానందపైనే ఆమెకు అనుమానాలు మొదలవుతాయి.

షాకిరే నమాజీని వెతకటానికి ఆమె కుమార్తె సబా ఖలీలి చేసే ప్రయత్నాలలో ఏమాత్రం పురోగతి ఏర్పడదు. అయితే బెంగళూరు సెంట్రల్ క్రైమ్ బ్రాంచ్ పోలీసుల కృషి మాత్రం మంచి ఫలితాన్ని ఇస్తుంది. వారి పరిశోధనలో బయటపడిన విషయంతో ఈ కేసు దేశవ్యాప్తంగా సంచలనాన్ని సృష్టిస్తుంది.

ఇప్పటివరకు మీరు విన్నదంతా అబద్ధం. సామాజిక నియమాలను వ్యతిరేకించి షాకిరే, శ్రద్ధానంద అలియాస్ మురళీ మనోహర్ మిశ్రా చేసుకున్న పెళ్ళి గురించి, 1991లో షాకిరే అదృశ్యమవటానికి ముందు జరిగిన ఘటనలను, తర్వాత తాను చెప్పిన అబద్ధాలను, తాను పట్టుబడిన వైనాన్ని అతని మాటలలోనే వినండి.

తాను నిర్దోషిని అని ప్రమాణం చేసి చెబుతూ, తనకు జైలునుంచి విముక్తి కలిగించాలని స్వామి శ్రద్ధానంద కోరుతున్నాడు. అతని తరపు న్యాయవాది ఆ దిశగా కోర్టులో ప్రయత్నాలు ప్రారంభించాడు. కానీ అతనికి ఈ సమాజంలో జీవించే అర్హత ఉందా? అతనికి విధించబడిన శిక్ష సరిపోతుందా? షాకిరేకు న్యాయం జరిగిందా?