Prime Video தலைப்புகள் இயங்கவில்லை எனில் அல்லது 1007, 1022, 7003, 7005, 7031, 7135, 7202, 7203, 7204, 7206, 7207, 7230, 7250, 7251, 7301, 7303, 7305, 7306, 8020, 9003, 9074 போன்ற பிழைக் குறியீடுகளைப் பார்த்தால் என்ன செய்ய வேண்டும்.

• உங்கள் சாதனத்தில் Prime Video செயலியை மூடவும் (அல்லது கணினியில் பார்க்கிறீர்கள் என்றால், உங்கள் வலை உலாவியை மூடவும்).
• உங்கள் கணினி அல்லது இணைக்கப்பட்ட சாதனத்தை மறுதொடங்கவும்.
• உங்கள் சாதனம் அல்லது வலை உலாவியில் சமீபத்திய புதுப்பிப்புகள் புதுப்பிக்கப்பட்டுள்ளதை உறுதிசெய்யவும்.

  Chrome வலை உலாவியின் புதுப்பிப்புகளுக்கு, புதுப்பிப்புகள் தொடர்பான தானியங்குச் சரிபார்ப்பைத் தெரிந்துகொள்ள, முகவரிப் பட்டியில் chrome://settings/help என்று உள்ளிடவும். நீங்கள் மெனு ஐகானைக் கிளிக் செய்து, உதவி என்பதைக் கிளிக் செய்து, புதுப்பிப்புகளைச் சரிபார்க்க, ‘Google Chrome பற்றி’ என்பதில் கிளிக் செய்யவும்.

  Firefox வலை உலாவியியைப் புதுப்பிப்பதற்கு, மெனு ஐகானைக் கிளிக் செய்து, பின்னர் உதவி என்பதைக் கிளிக் செய்து, புதுப்பிப்புச் சரிபார்ப்பைத் தெரிந்துகொள்ள, ‘Firefox பற்றி’ என்பதைக் கிளிக் செய்யவும்.

  Fire டேப்லெட் சாதனங்களின் புதுப்பிப்புகளுக்கு, அமைப்புகள் மெனுவைத் திறந்து, பின்னர் சாதன விருப்பங்கள் > சிஸ்டம் புதுப்பிப்புகள் > புதுப்பிப்புகள்: இப்போது சரிபார் என்பதைத் தேர்ந்தெடுக்கவும்.

  Fire TV சாதனங்களின் புதுப்பிப்புகளுக்கு, அமைப்புகள் மெனுவைத் திறந்து, பின்னர் எனது Fire TV > அறிமுகம் > சிஸ்டம் புதுப்பிப்புகளைச் சரிபார் என்பதைத் தேர்ந்தெடுக்கவும்.

• பல சாதனங்களில் ஒரே கணக்கைப் பயன்படுத்தவில்லை என்பதை உறுதிப்படுத்தவும் - ஒரே தலைப்பை ஒரு நேரத்தில் இரண்டு சாதனங்களில் மட்டுமே ஸ்ட்ரீம் செய்ய முடியும்.
• எந்தவொரு வெளிப்புறச் சாதனமும் உங்கள் டிவி அல்லது திரை சாதனத்துடன் HDCP 1.4 (HD உள்ளடக்கத்திற்கானது) அல்லது HDCP 2.2 (UHD மற்றும்/அல்லது HDR உள்ளடக்கத்திற்கானது) இணக்கமான HDMI கேபிளைப் பயன்படுத்தி இணைக்கப்பட்டுள்ளதை உறுதிசெய்யவும்.
• பிற இணையச் செயல்பாட்டை இடைநிறுத்தவும் – குறிப்பாக பிற சாதனங்களும் ஒரே நேரத்தில் நெட்வொர்க்கைப் பயன்படுத்தினால்.
• உங்கள் இணைய இணைப்பைச் சரிபார்க்கவும். உங்கள் இணைக்கப்பட்ட சாதனம் மற்றும்/அல்லது ரூட்டரை மறுதொடங்க வேண்டியிருக்கலாம்.
• பிற சாதனங்களில் இணையத்துடன் இணைக்க முடிந்தால், உங்கள் இணைப்புச் சாதனத்தின் DNS அமைப்புகளைப் புதுப்பிக்கவும். மேலும் விவரங்களுக்கு, உங்கள் சாதனத்தின் உற்பத்தியாளரை அணுகவும்.
• ஏதேனும் VPN அல்லது பிராக்ஸி சேவையகங்களைச் செயல்நீக்கவும்.