జేమ్స్ మే ఓహ్ కుక్!

మేలైన వంటకాలకు నిలయమైన ఫ్రాన్స్ వంటకాలను చేసి జేమ్స్ స్థాయిని పెంచుతాడు. అతను మెళుకువలు నేర్చుకుంటూ ఉండగా, ఉల్లిపాయ థ్రిల్స్, సూప్ ఒలకబోయడాలు జరగవచ్చు.

జపనీస్ వంట శ్రేష్ఠత, సున్నితత్వాలతో జేమ్స్ తన పాక నైపుణ్యాలను పరీక్షిస్తాడు. కాట్సు కూర, వెజిటబుల్ టెంపూరా, టెమాకి రోల్స్ అన్నీ మెనూలో ఉంటాయి. ఆశ్చర్యకరంగా జేమ్స్ పదునైన కత్తిని ఒడుపుగా వాడగలిగినా, అప్పడాల కర్రను సరిగా వాడలేడు.

ఇది పార్టీ చేసుకునే సమయం, 1970ల నాటి శైలి, ఇంకా జేమ్స్ పాతకాలం నాటి వంటలు చేయడంలో నిమగ్నమైపోతాడు. వాల్ ఓ వాంట్, స్ట్రోగనాఫ్‌లు, జున్ను, ఉల్లిపాయ ముళ్లపందులు, వేడి వేడి క్రేప్ సూజెట్‌లు పార్టీలో ఊపును తీసుకొస్తాయి, కానీ ఇదంతా అసలు బేబీషామ్‌ వేడెక్కక ముందే.

జేమ్స్ పలు విధాలైన శాకాహార వంటలు తెలుసుకుంటాడు. ఆ శాకాహార ఆహారం రుచి చూస్తే మాంసాహారులు కూడా మారిపోవాల్సిందే. గొడ్డు మాంసం లేని రుచికరమైన బర్గర్‌లు, మేక మాంసం లేని షెపర్డ్ పైలు సిబ్బందికి బాగా నచ్చుతాయి. అయితే టోఫు వేపుడు తగలబడినంత పనిచేస్తుంది.

జేమ్స్ జర్మన్ వంటకాలతో అద్భుతాలు చేస్తుండగా బీరు ప్రవహిస్తుంది, సాసేజ్‌లు ఎగిరి పడతాయి. కర్రీవర్‌స్ట్, సావర్‌క్రాట్‌ నుండి, క్లాసిక్ జంతికల వరకు, ఉచ్ఛరించలేని బంగాళాదుంప, ప్లమ్ డంప్లింగ్ డిజర్ట్‌ల వరకు, జేమ్స్ (ఇంకా నిక్కీ) జర్మన్ ఆహారం ఎంత రుచికరమైనదో చూపిస్తారు.

అలనాటి వంటకాలతో వేసవిని గడపడం కంటే మంచి మార్గం ఏముంటుంది? పెద్ద సాసేజ్ రోల్స్ నుండి జంతువుల ఆకారం గల స్కోన్‌ల వరకు, స్కాచ్ గుడ్ల నుండి మే లాంటి కొరొనేషన్ చికెన్ వరకు, ఆల్ ఫ్రెస్కో వేసవి విందుకు కావాల్సిన అన్ని పదార్థాలు ఇక్కడ ఉన్నాయి. అన్నీ, అంటే, వాతావరణం మాత్రం కాదు.

జేమ్స్ ప్రపంచమంతా పర్యటించాడు, కానీ అతను ఎప్పుడూ మెక్సికోకు వెళ్లలేదు. అందుకే అతను సంక్లిష్టమైన చక్ స్టీక్ చిల్లీ, టాకోస్ రెండు విధాల స్మోకీ డిలైట్స్ ఇంకా లాటిన్ అమెరికన్ క్లాసిక్ - పోర్చుగల్, స్పెయిన్‌ల గుండా - చాక్లెట్ సాస్‌తో చుర్రోస్‌ను చేయడానికి తన పాకశాస్త్ర పరిజ్ఞానాన్ని పెంపొందించుకోవాలి.